Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കണ്ണിൽ മുളകുപൊടി എറിഞ്ഞ് കവർച്ച ശ്രമം; പ്രതി അഞ്ച് മാസങ്ങൾക്ക് ശേഷം പിടിയിൽ

കണ്ണിൽ മുളകുപൊടി എറിഞ്ഞ് കവർച്ച ശ്രമം; പ്രതി അഞ്ച് മാസങ്ങൾക്ക് ശേഷം പിടിയിൽ

ജാസിം മൊയ്തീൻ

പാലക്കാട്: കണ്ണിൽ മുളക് പൊടി വിതറി കവർച്ച നടത്താൻ ശ്രമിച്ച കേസിലെ പ്രതി അഞ്ച് മാസങ്ങൾക്ക് ശേഷം അറസ്റ്റിലായി. മണ്ണാർക്കാട് സ്വദേശി മുസ്തഫയാണ് പൊലീസിന്റെ പിടിയിലായത്. അഞ്ച് മാസങ്ങൾക്ക് മുമ്പാണ് കേസിനാസ്പദമായ സംഭവം നടന്നത്. അഞ്ച് മാസം മുമ്പ് പുലർച്ചെ പാലക്കാട് ജില്ലയിലെ മണ്ണാർക്കാടിനടുത്ത് കാഞ്ഞിരത്ത് വച്ചാണ് കവർച്ച ശ്രമം നടന്നത്. പുലർച്ചെ കോഴിക്കടയിലേക്ക് ലോഡ് ഇറക്കുന്നതിനിടെ കോഴിക്കടയുടെ ഉടമയുടെ കണ്ണിൽ മുളകുപൊടി എറിഞ്ഞ് കവർച്ച നടത്താൻ ശ്രമം നടത്തുകയായിരുന്നു.

കോഴിക്കട ഉടമയുടെ പക്കലുണ്ടായിരുന്ന 80000 രൂപ കവരാനാണ് പ്രതി ശ്രമിച്ചത്. കോഴിക്കടക്കാരന്റെ പക്കൽ ഇത്രയും പണം ഉണ്ടെന്ന് പ്രതിക്ക് നേരത്തെ അറിയാമായിരുന്നു. എന്നാൽ കോഴിക്കടക്കാരൻ പ്രതിരോധിച്ചതോടെ ശ്രമം പരാജയപ്പെടുകയും പ്രതി ഓടി രക്ഷപ്പെടുകയുമായിരുന്നു. ഈ സംഭവത്തിന് ശേഷം പ്രതി ഒളിവിലായിരുന്നു. ഒളിവിൽ കഴിഞ്ഞ പ്രതിയെ മണ്ണാർക്കാട് സി ഐ ലിബിയുടെ നേതൃത്വത്തിലുള്ള സംഘമാണ് ഇന്ന് അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി തുടർനടപടികൾ സ്വീകരിക്കുമെന്ന് മണ്ണാർക്കാട് പൊലീസ് അറിയിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP