ആൾമറയില്ലാത്ത കിണറ്റിൽ കാട്ടുപന്നി വീണു; വനപാലകരെത്തി രക്ഷപ്പെടുത്തി...

ആൾമറയില്ലാത്ത കിണറ്റിൽ കാട്ടുപന്നി വീണു; വനപാലകരെത്തി രക്ഷപ്പെടുത്തി

January 04, 202110:37 PM IST Permalink

കെ വി നിരഞ്ജൻ

കോഴിക്കോട്: ആൾമറയില്ലാത്ത കിണറ്റിൽ വീണ കാട്ടുപന്നിയെ വനപാലകർ രക്ഷപ്പെടുത്തി. പെരുമണ്ണ പയ്യടി മേത്തൽ കണ്ടഞ്ചേരി ജമാഅത്ത് ഖബർസ്ഥാനിനടുത്തുള്ള പി.സി.റസാഖിന്റെ കിണറിലാണ് കാട്ടുപന്നി വീണത്.

ശനിയാഴ്ച രാത്രി ഉപയോഗശൂന്യമായ കിണറിൽ എന്തോ വീണ ശബ്ദം കേട്ടതിനെ തുടർന്ന് അടുത്തുള്ള വീട്ടുകാരൻ നടത്തിയ തിരച്ചിലിലാണ് കാട്ടുപന്നി കിണറിൽ അകപ്പെട്ടത് ശ്രദ്ധയിൽ പെട്ടത്. അയൽവാസികൾ അറിയിച്ചതിനെ തുടർന്ന് വനം വകുപ്പ് ആർ.ആർ -ടി.അംഗം ഗിരീഷ് സ്ഥലത്തെത്തി ആൾമറയില്ലാത്ത കിണറിന് ചുറ്റും കമ്പ് തറച്ച് കയർ ഉപയോഗിച്ച് കെട്ടിയിരുന്നു. തുടർന്ന് തിങ്കളാഴ്ച രാവിലെ താമരശ്ശേരി റേഞ്ച് ഓഫീസർ അജിത്ത് കുമാറിന്റെ നേതൃത്വത്തിലുള്ള സംഘം കൂടുമായെത്തിയാണ് പന്നിയെ കിണറിൽ നിന്നും കരയ്‌ക്കെത്തിച്ചത്.

കൂടിനുള്ളിലാക്കിയ പന്നിടെ താമരശ്ശേരിയിലേക്ക് കൊണ്ട് പോയി. റേഞ്ച് ഓഫീസറെ കൂടാതെ വാച്ചർമാരായ എ.വി.ഗിരീഷ്, ഷബീർ, കരീം, അനീഷ് എന്നിവരും സംഘത്തിലുണ്ടായിരുന്നു.

വന്യജീവികൾ ഒന്നും അധിവസിക്കാത്ത പയ്യടി മേത്തൽ ഗ്രാമത്തിൽ കാട്ടുപന്നി കിണറ്റിൽ വീണതറിഞ്ഞ് നൂറ് കണക്കിനാളുകളാണ് തടിച്ചുകൂടിയത്. രണ്ട് മാസങ്ങൾക്ക് മുമ്പ് പെരുമണ്ണയിലെ തന്നെ അരമ്പച്ചാൽ പ്രദേശത്ത് കാട്ടുപന്നിയുടെ ആക്രമണത്തിൽ വ്യാപകമായതോതിൽ കാർഷിക വിളകൾ നശിപ്പിച്ചിരുന്നു.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: