Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202104Saturday

കോഴിക്കോട് യുവതിയടക്കം നാലുപേർ ഹാഷിഷ് ഓയിലുമായി പിടിയിൽ; പിടിച്ചെടുത്തത് കുപ്പികളിൽ സൂക്ഷിച്ച 24 ഗ്രാം ഹാഷിഷ് ഓയിൽ

കോഴിക്കോട് യുവതിയടക്കം നാലുപേർ ഹാഷിഷ് ഓയിലുമായി പിടിയിൽ; പിടിച്ചെടുത്തത് കുപ്പികളിൽ സൂക്ഷിച്ച 24 ഗ്രാം ഹാഷിഷ് ഓയിൽ

മറുനാടൻ മലയാളി ബ്യൂറോ

കോഴിക്കോട്: യുവതിയടക്കം നാലുപേർ ഹാഷിഷ് ഓയിലുമായി പിടിയിലായി. ചേവരമ്പലം ഇടശേരി മീത്തൽ ഹരികൃഷ്ണ (24), ചേവായൂർ വാകേരി ആകാശ് (24), ചാലപ്പുറം പുതിയ കോവിലകം പറമ്പ് പി ആർ രാഹുൽ (24), മലപ്പുറം താനൂർ കുന്നുപുറത്ത് ബിജിലാസ് (24) എന്നിവരെയാണ് മെഡിക്കൽ കോളേജ് പൊലീസ് അറസ്റ്റുചെയ്തത്. ഇവരിൽനിന്ന് നാല് കുപ്പികളിൽ സൂക്ഷിച്ച 24 ഗ്രാം ഹാഷിഷ് ഓയിലും പിടിച്ചു.

വ്യാഴാഴ്ച രാത്രി ഒന്നരയോടെ മിംസ് ആശുപത്രിക്കടുത്ത മലബാർ ഹോട്ടലിന് സമീപത്തുനിന്നാണ് പ്രതികളെ പിടിച്ചത്. പട്രോളിങ് നടത്തുകയായിരുന്ന എഎസ്ഐ എ പി പ്രവീൺകുമാറിന്റെ നേതൃത്വത്തിലുള്ള പട്രോളിങ് സംഘം ഇവരെ പാർക്കിങ് സ്ഥലത്ത് സംശയാസ്പദമായ നിലയിൽ കണ്ടെത്തി. തുടർന്ന് നടത്തിയ പരിശോധനയിലാണ് ഹരികൃഷ്ണയുടെ കൈവശം നാല് കുപ്പികളിലായി സൂക്ഷിച്ച 24 ഗ്രാം ഹാഷിഷ് ഓയിൽ കണ്ടെത്തിയത്.

നാലുപേരെയും കസ്റ്റഡിയിലെടുത്ത് സ്റ്റേഷനിലെത്തിച്ച് അറസ്റ്റ് രേഖപ്പെടുത്തി. ഇവർ സഞ്ചരിച്ച രണ്ട് സ്‌കൂട്ടറും കസ്റ്റഡിയിലെടുത്തു. സിഐ ബെന്നി ലാലുവിന്റെ മേൽനോട്ടത്തിൽ എസ്ഐ എ രമേഷ്‌കുമാർ അന്വേഷണമാരംഭിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP