Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202023Friday

എൻജിനിയറിങ് കോളേജ് അദ്ധ്യാപകൻ കുളത്തിൽ മുങ്ങിമരിച്ചു; ജി. ജയകൃഷ്‌ണൻ അപകടത്തിൽപെട്ടത് കുടുംബ വീടിനോട് ചേർന്നുള്ള കുളത്തിൽ

എൻജിനിയറിങ് കോളേജ് അദ്ധ്യാപകൻ കുളത്തിൽ മുങ്ങിമരിച്ചു; ജി. ജയകൃഷ്‌ണൻ അപകടത്തിൽപെട്ടത് കുടുംബ വീടിനോട് ചേർന്നുള്ള കുളത്തിൽ

മറുനാടൻ മലയാളി ബ്യൂറോ

കരുനാഗപ്പള്ളി: എൻജിനിയറിങ് കോളേജ് അദ്ധ്യാപകനെ കുടുംബ വീടിനോട് ചേർന്ന കുളത്തിൽ മുങ്ങിമരിച്ച നിലയിൽ കണ്ടെത്തി. കരുനാഗപ്പള്ളി പടനായർകുളങ്ങര വടക്ക് ജെ.ജി ഭവനിൽ ജി. ജയകൃഷ്‌ണനാണ് (40) മരിച്ചത്. കൊല്ലം ടി.കെ.എം എൻജിനീയറിങ് കോളേജ് അസി. പ്രൊഫസറും ഇന്ത്യൻ ഇൻസ്റ്റിറ്റ്യൂട്ട് ഒഫ് ആർക്കിടെക്റ്റ്സ് കേരള ചാപ്റ്റർ സെക്രട്ടറിയുമാണ് മരിച്ച ജി. ജയകൃഷ്‌ണൻ.

ഇന്ന് ഉച്ചയ്‌ക്ക് ഒന്നരയോടെ കുടുംബവീടായ മരുതൂർകുളങ്ങര തെക്ക് മണ്ണാശേരിലെ കുളത്തിലായിരുന്നു അപകടം. കുളത്തിനടുത്തേക്ക് പോയ ജയകൃഷ്‌ണൻ ഏറെ നേരം കഴിഞ്ഞിട്ടും തിരികെ വന്നില്ല. അന്വേഷണത്തിൽ ധരിച്ചിരുന്ന മാസ്ക് കുളത്തിൽ കണ്ടെത്തി. വിവരമറിയിച്ചതിനെ തുടർന്ന് സ്ഥലത്തെത്തിയ ഫയർഫോഴ്സ് സംഘം നടത്തിയ തെരച്ചിലിലാണ് ചെളിയിൽ പുതഞ്ഞ നിലയിൽ മൃതദേഹം കണ്ടെത്തിയത്. മത്സ്യകൃഷി നടത്താനായി ദിവസങ്ങൾക്ക് മുമ്പ് മണ്ണ് മാന്തിയന്ത്രം ഉപയോഗിച്ച് കുളത്തിന്റെ ആഴം വർദ്ധിപ്പിച്ചിരുന്നു. പഴയ കുളത്തിന് സമീപത്ത് തന്നെ പുതിയ രണ്ട് കുളങ്ങളും കുഴിച്ചു.

മഴയിൽ പഴയ കുളത്തിന്റെ മൺതിട്ട ഇടിഞ്ഞതിനാൽ ശനിയാഴ്‌ച ജയകൃഷ്‌ണനും തൊഴിലാളികളും ചാക്കിൽ മണ്ണ് നിറച്ച് ഇത് ബലപ്പെടുത്തുന്ന ജോലിയിലായിരുന്നു. ഇന്ന് രാവിലെ മക്കളെയും കൂട്ടിയെത്തിയ ജയകൃഷ്ണൻ അവരുമൊത്ത് കുളത്തിൽ ഏറെ നേരം നീന്തി. ഉച്ചയ്ക്ക് മക്കളെ ഭക്ഷണം കഴിക്കാനായി കുടുംബവീട്ടിൽ കൊണ്ടുവന്ന ശേഷം തനിച്ച് കുളത്തിനടുത്ത് പോയപ്പോഴായിരുന്നു അപകടം.കുളത്തിൽ ഇറങ്ങിയപ്പോൾ കാൽവഴുതി ചെളിയിൽ അകപ്പെട്ടതാകാമെന്നാണ് പ്രാഥമിക നിഗമനം. മൃതദേഹം കരുനാഗപ്പള്ളി താലൂക്ക് ആശുപത്രി മോർച്ചറിയിലേക്ക് മാറ്റി. പരേതനായ ഡെപ്യൂട്ടി കളക്ടർ പി.ഗോപാലകൃഷ്ണന്റെയും റിട്ട. പ്രഥമ അദ്ധ്യാപിക ജയദേവിയുടെയും മകനാണ്. നിഷയാണ് ഭാര്യ. ശ്യാം, തുഷാർ എന്നിവർ മക്കളാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP