Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202330Monday

മരുന്ന് കൊടുക്കുന്നതിനിടെ ജെ.സി.ബി സ്റ്റാർട്ടായി: ഞെട്ടിയ ആന പാപ്പാന്റെ വിരൽ കടിച്ചെടുത്തു: കോട്ടൂരിലെ കുട്ടിയാനയുടെ വികൃതിയിൽ പാപ്പാന്റെ വിരലറ്റു

മരുന്ന് കൊടുക്കുന്നതിനിടെ ജെ.സി.ബി സ്റ്റാർട്ടായി: ഞെട്ടിയ ആന പാപ്പാന്റെ വിരൽ കടിച്ചെടുത്തു: കോട്ടൂരിലെ കുട്ടിയാനയുടെ വികൃതിയിൽ പാപ്പാന്റെ വിരലറ്റു

മറുനാടൻ മലയാളി ബ്യൂറോ

കാട്ടാക്കട:മരുന്ന് കൊടുക്കുന്നതിനിടെയുള്ള കുട്ടിയാനയുടെ വികൃതിയിൽ പാപ്പാന് വിരൽ നഷ്ടമായി.കോട്ടൂർ ആന പരിപാലന കേന്ദ്രത്തിലാണ് കുട്ടിയാനയുടെ കടിയേറ്റ് പാപ്പാന്റെ ഒരു വിരൽ അറ്റുപോയത്.കുട്ടിയാനയായ ആരണ്യയെ ശ്രുശ്രൂഷിക്കുന്നതിനിടയിൽ ശബ്ദം കേട്ട് ഞെട്ടിയ ആന പാപ്പാൻ പുഷ്‌കരൻ പിള്ളയുടെ വിരലുകളിൽ കടിക്കുകയായിരുന്നു.ആനയുടെ കടിയേറ്റ് ഇയാളുടെ മറ്റൊരു വിരലിനു ഗുരുതരമായി പരുക്കേൽക്കുകയും ചെയ്തു.

ചൊവ്വാഴ്ച വൈകിട്ടാണ് സംഭവം.രണ്ടു മാസം മുൻപ് തള്ളയാന ചരിഞ്ഞതിനെത്തുടർന്നു കോട്ടൂർ വനത്തിൽ നിന്ന് ആന പരിപാലന കേന്ദ്രത്തിലെത്തിച്ച കുട്ടിയാനയ്ക്ക് മരുന്ന് കൊടുക്കുന്നതിനിടെയാണ് പാപ്പാനു കടിയേറ്റത്.കൂടിനു സമീപത്തെ മണ്ണുമാന്തി യന്ത്രം സ്റ്റാർട്ട് ചെയ്തതോടെ കുട്ടിയാന കയ്യിൽ കടിക്കുകയായിരുന്നു എന്ന് പുഷ്‌കരൻ പിള്ള പറഞ്ഞു.മെഡിക്കൽ കോളജ് ആശുപത്രിയിൽ എത്തിച്ചെങ്കിലും ഒരു വിരൽ തുന്നിച്ചേർക്കാൻ കഴിയാത്ത വിധം ചതഞ്ഞു വേർപെട്ട നിലയിലായിരുന്നു.

മരുന്ന് നൽകാനും മറ്റുമായി പരിപാലന കേന്ദ്രത്തിൽ ഡോക്ടർക്ക് പുറമേ 2 അസിസ്റ്റന്റുമാരുണ്ടെങ്കിലും ഇവരാരും ഇക്കാര്യങ്ങളൊന്നും തിരിഞ്ഞ് നോക്കാറില്ല.ആനകൾക്ക് നൽകാനുള്ള മരുന്ന പാപ്പാന്മാരെ ഏൽപിച്ച് പോകുകയാണ് ചെയ്യുന്നത്.പരുക്കേറ്റ കുട്ടിയാനയ്ക്ക് യഥാസമയം ചികിത്സ നൽകാത്തതും മരുന്ന് വാങ്ങുന്നതിൽ ലക്ഷങ്ങളുടെ ക്രമക്കേട് കണ്ടെത്തിയതും നേരത്തേ വിവാദമായിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP