Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202330Monday

നൂറോളം ചെറുകുപ്പികളിലാക്കി ബ്രൗൺ ഷുഗർ; ബൈക്കിലെത്തി ആവശ്യക്കാർക്ക് കൈമാറും; ലഹരിയെത്തിച്ച് ചില്ലറ വിൽപ്പന നടത്തുന്ന അസം സ്വദേശി പിടിയിൽ

നൂറോളം ചെറുകുപ്പികളിലാക്കി ബ്രൗൺ ഷുഗർ; ബൈക്കിലെത്തി ആവശ്യക്കാർക്ക് കൈമാറും; ലഹരിയെത്തിച്ച് ചില്ലറ വിൽപ്പന നടത്തുന്ന അസം സ്വദേശി പിടിയിൽ

മറുനാടൻ മലയാളി ബ്യൂറോ

കോതമംഗലം:ചില്ലറവിൽപ്പന നടത്തുന്നതിനായി നൂറോളം ചെറുകുപ്പികളിലാക്കിയ ബ്രൗൺ ഷുഗറുമായി അസം സ്വദേശി കോതമംഗലത്ത് പിടിയിൽ.തങ്കളം ഭാഗത്ത് അർധരാത്രി എക്സൈസ് നടത്തിയ റെയ്ഡിലാണ് അസം നാഘോൻ സ്വദേശിയായ മുബാറക് (28) പിടിയിലായത്.

രാത്രി കാലങ്ങളിൽ ടൗൺ കേന്ദ്രീകരിച്ച് കഞ്ചാവ്, ബ്രൗൺ ഷുഗർ, എംഡിഎംഎ തുടങ്ങിയ മയക്കുമരുന്നുകളുടെ വില്പനയും വിതരണവും നടക്കുന്നതായി എക്സൈസിന് വിവരം ലഭിച്ചിരുന്നു. ഇതേത്തുടർന്ന് നടത്തിയ പരിശോധനയിലാണ് മുബാറക് പിടിയിലായത്.

വെള്ളിയാഴ്ച രാത്രി തങ്കളം-കാക്കനാട് ബൈപ്പാസ് റോഡിൽ നിന്നുമാണ് ബ്രൗൺ ഷുഗർ നിറച്ച കുപ്പികളുമായി പ്രതിയെ പൊലീസ് പിടികൂടിയത്.ബ്രൗൺ ഷുഗർ എത്തിച്ച് ചില്ലറ വിതരണം നടത്തിയിരുന്ന ആളാണ് ഇയാളെന്ന് പൊലീസ് പറഞ്ഞു.ബൈക്കിൽ സഞ്ചരിച്ച് ആവശ്യക്കാരിലേക്ക് എത്തിക്കുന്നതായിരുന്നു പതിവ്.ഇയാളുടെ ബൈക്കും കസ്റ്റഡിയിലെടുത്തിട്ടുണ്ട്.

കോതമംഗലം എക്സൈസ് സർക്കിൾ ഇൻസ്‌പെക്ടർ എ. ജോസ് പ്രതാപിന്റെ നേതൃത്വത്തിലാണ് മയക്കുമരുന്ന് വേട്ട നടന്നത്.പ്രിവന്റീവ് ഓഫീസർമാരായ കെ.എ. നിയാസ്, ജയ് മാത്യു, എ.ജെ. സിദ്ദിഖ്, സിഇഒ.മാരായ കെ.സി. എൽദോ, എം.എം. നന്ദു, ബേസിൽ കെ. തോമസ്, ഡ്രൈവർ ബിജു പോൾ എന്നിവരും സംഘത്തിൽ ഉണ്ടായിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP