Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202123Saturday

പെരുമ്പാവൂർ വെടിവയ്പ് കേസ്: ആറാം പ്രതി ലിയോയെ കാപ്പ ചുമത്തി ജയിലിൽ അടച്ചു; ഇയാൾ കൊലപാതകശ്രമം അടക്കം പത്തോളം കേസുകളിൽ പ്രതിയെന്ന് പൊലീസ്

പെരുമ്പാവൂർ വെടിവയ്പ് കേസ്: ആറാം പ്രതി ലിയോയെ കാപ്പ ചുമത്തി ജയിലിൽ അടച്ചു; ഇയാൾ കൊലപാതകശ്രമം അടക്കം പത്തോളം കേസുകളിൽ പ്രതിയെന്ന് പൊലീസ്

പ്രകാശ് ചന്ദ്രശേഖർ

ആലുവ: പെരുമ്പാവൂർ വെടിവയ്‌പ്പു കേസിലെ ആറാം പ്രതിയായ വേങ്ങൂർ മുടക്കുഴ മറ്റപ്പാടൻ വീട്ടിൽ ലിയോ (25) യെ കാപ്പ ചുമത്തി ജയിലിലടച്ചു. അങ്കമാലി, പെരുമ്പാവൂർ കുറുപ്പംപടി, കോതമംഗലം തുടങ്ങിയ സ്റ്റേഷനുകളിൽ കൊലപാതകശ്രമം, ദേഹോപദ്രവം, കവർച്ച, ആയുധം കൈവശം വയ്ക്കൽ തുടങ്ങി പത്തോളം കേസുകളിൽ ലിയോ പ്രതിയാണെന്ന് പൊലീസ് അറിയിച്ചു.

ഓപ്പറേഷൻ ഡാർക്ക് ഹണ്ടിന്റെ ഭാഗമായി എറണാകുളം റൂറൽ ജില്ലാ പൊലീസ് മേധാവി കെ.കാർത്തിക്കിന്റെ റിപ്പോർട്ടിന്റെ അടിസ്ഥാനത്തിലാണ് നടപടി. ഇയാൾ ഇപ്പോൾ റിമാന്റിലാണ്. കഴിഞ്ഞ ജൂലൈയിൽ അമൽ എന്നയാളെ നാടൻ ബോംബെറിഞ്ഞശേഷം വെട്ടി കൊലപ്പെടുത്താൻ ശ്രമിച്ചതിന് കുറുപ്പംപടി പൊലീസ് ഇയാൾക്കെതിരെ കേസ് രജിസ്റ്റർ ചെയതിരുന്നു.

ഈ കേസിലെ പ്രധാന പ്രതിയായ ലാലുവിനെയും, സ്ഥിരം കുറ്റവാളിയായ അമലിനേയും കാപ്പ ചുമത്തി നേരത്തെ വിയ്യൂർ സെൻട്രൽ ജയിലിൽ അടച്ചിരുന്നു. ഓപ്പറേഷൻ ഡാർക്ക് ഹണ്ടിന്റെ ഭാഗമായി കാപ്പ ചുമത്തി ഇതുവരെ 20 പേരെ ജയിലിൽ അടച്ചതായും 23 പേരെ നാടുകടത്തിയതായും ജില്ലാ പൊലീസ് മേധാവി കെ.കാർത്തിക് വ്യക്തമാക്കി.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP