Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

നേതാക്കളുടെ പിടിപ്പുകേടു കൊണ്ട് ബത്തേരിയിൽ വോട്ടുചോർച്ചയുണ്ടായി; തിരഞ്ഞെടുപ്പ് ഫണ്ടിൽ തിരിമറി നടന്നു; സമഗ്ര അന്വേഷണം വേണം: വയനാട് ബിജെപി നേതൃത്വത്തിനെതിരെ സി കെ ജാനു

നേതാക്കളുടെ പിടിപ്പുകേടു കൊണ്ട് ബത്തേരിയിൽ വോട്ടുചോർച്ചയുണ്ടായി; തിരഞ്ഞെടുപ്പ് ഫണ്ടിൽ തിരിമറി നടന്നു; സമഗ്ര അന്വേഷണം വേണം: വയനാട് ബിജെപി നേതൃത്വത്തിനെതിരെ സി കെ ജാനു

മറുനാടൻ ഡെസ്‌ക്‌

സുൽത്താൻ ബത്തേരി: കേരളത്തിലെ തെരഞ്ഞെടുപ്പിന്റെ ഫലമറിയാൻ മണിക്കൂറുകൾ മാത്രം ശേഷിക്കെ വയനാട്ടിലെ എൻഡിഎയിൽ പൊട്ടിത്തെറി. ബിജെപി വയനാട് ജില്ലാ നേതൃത്വത്തിനെതിരെ സി.കെ.ജാനുവിന്റെ പാർട്ടി ബിജെപി സംസ്ഥാന അധ്യക്ഷനു പരാതി നൽകി. തിരഞ്ഞെടുപ്പ് ഫണ്ടിൽ തിരിമറി നടന്നുവെന്നും സമഗ്ര അന്വേഷണം വേണമെന്നും കെ.സുരേന്ദ്രന് അയച്ച പരാതിയിൽ ചൂണ്ടിക്കാട്ടി.

നേതാക്കളുടെ പിടിപ്പുകേടു കൊണ്ട് ബത്തേരിയിൽ വോട്ടുചോർച്ചയുണ്ടായെന്ന് ജാനു ആരോപിച്ചു. പ്രചാരണ പരിപാടികൾ ആസൂത്രണം ചെയ്യുന്നതിലും പ്രചാരണ സാമഗ്രികൾ വിതരണം ചെയ്യുന്നതിലും മനഃപൂർവം വീഴ്ചവരുത്തി. അമിത് ഷാ പങ്കെടുത്ത ചടങ്ങിൽ പോലും മണ്ഡലത്തിലെ സാഹചര്യം മറച്ചുവച്ചു.

ജെആർപിയുടെ ആദിവാസി നേതാക്കളെ പ്രചാരണ വാഹനത്തിൽനിന്ന് ഇറക്കിവിട്ടുവെന്നും പരാതിയിൽ ആരോപണമുണ്ട്. എന്നാൽ തന്റെ അറിവോടെയല്ല പരാതിയെന്നാണു ജാനുവിന്റെ വിശദീകരണം. സ്ഥാനാർത്ഥി നിർണയം മുതൽക്കേ ബിജെപിക്കുള്ളിൽനിന്ന് എതിർപ്പ് ഉയർന്നതിനെ തുടർന്നു ബത്തേരിയിൽ താമര ചിഹ്നത്തിലാണു ജാനു മത്സരിച്ചത്.

 

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP