Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202119Tuesday

മൂന്നാറിൽ വീണ്ടും കാട്ടാന ശല്യം; വീട്ടുമുറ്റത്ത് കിടന്ന ഓട്ടോറിക്ഷ തകർത്തു

മൂന്നാറിൽ വീണ്ടും കാട്ടാന ശല്യം; വീട്ടുമുറ്റത്ത് കിടന്ന ഓട്ടോറിക്ഷ തകർത്തു

മറുനാടൻ ഡെസ്‌ക്‌

മൂന്നാർ: വീട്ടുമുറ്റത്ത് നിർത്തിയിട്ടിരുന്ന ഓട്ടോറിക്ഷ കാട്ടാന തകർത്തു. കെഡിഎച്ച്പി കമ്പനി പെരിയവര എസ്റ്റേറ്റ് ചോലമല ഡിവിഷനിലെ താമസക്കാരായ പീറ്റർ - ഉമ ദമ്പതികളുടെ ഓട്ടോയാണ് കാട്ടാന തകർത്തത്. ഞായറാഴ്ച രാത്രിയാണ് സംഭവം. രാത്രി 1.30 മണിയോടെ എത്തിയ കാട്ടാന വീട്ടിനു മുമ്പിൽ നിർത്തിയിരുന്ന ഓട്ടോ കൊമ്പുകൊണ്ട് കോർത്ത് കുത്തിമറിച്ചിട്ടു.

ഏറെ നേരം ലയത്തിനു സമീപം നിലയുറപ്പിച്ച ശേഷമാണ് കാട്ടാന കാട്ടിലേക്ക് മടങ്ങിയത്. കുടുംബത്തിന്റെ ഏക വരുമാന മാർഗ്ഗമായിരുന്ന ഓട്ടോയാണ് തകർന്നത്. കഴിഞ്ഞ ദിവസം രാത്രി ഈ ലയത്തിനു സമീപമെത്തിയ കാട്ടാന വീടിനു സമീപത്തുണ്ടായിരുന്ന വാഴകൾ നശിപ്പിച്ചിരുന്നു. ഓട്ടോറിക്ഷകൾ കാട്ടാന തകർക്കുന്നത് പതിവാണ്. കാട്ടാന ശല്യം തടയാനാവശ്യമായ നടപടികൾ സ്വീകരിക്കണമെന്ന് എസ്റ്റേറ്റ് തൊഴിലാളികൾ ആവശ്യപ്പെട്ടു. മാസങ്ങൾക്കു മുമ്പ് ഇതേ എസ്റ്റേറ്റിലെ ഫാക്ടറി ഡിവിഷനു സമീപത്തെ വീട്ടിനു മുമ്പിൽ നിർത്തിയിട്ടിരുന്ന ഓട്ടോറിക്ഷാകളും മോട്ടോർ ബൈക്കുകകളും കാട്ടാന തകർത്തിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP