മൂന്നാറിൽ ടി ടി സി വിദ്യാർത്ഥിനിയെ വെട്ടിക്കൊല്ലാൻ ശ്രമിച്ച സംഭവത്തിൽ യുവാവ് പിടിയിൽ;...

മൂന്നാറിൽ ടി ടി സി വിദ്യാർത്ഥിനിയെ വെട്ടിക്കൊല്ലാൻ ശ്രമിച്ച സംഭവത്തിൽ യുവാവ് പിടിയിൽ; അറസ്റ്റിലായത് അയൽവാസിയായ അൽബിൻ; കൊലപാതക ശ്രമത്തിന് പിന്നിൽ പ്രണയ നൈരാശ്യം

February 01, 202310:33 AM IST Permalink

പ്രകാശ് ചന്ദ്രശേഖർ

മൂന്നാർ: മൂന്നാറിൽ ടി ടി സി വിദ്യാർത്ഥിനിയെ വെട്ടിക്കൊല്ലാൻ ശ്രമിച്ച സംഭവത്തിൽ യുവാവ് പിടിയിൽ. പാലക്കാട് കോഴിപ്പാറ ഇട്ടിപുരത്ത് വീട്ടിൽ ആൽബർട്ട് സൗരിയർ മകൾ പ്രിൻസി(19)യെ വാക്കത്തികൊണ്ട് കഴുത്തിന് വെട്ടികൊലപ്പെടുത്താൻ ശ്രമിച്ച സംഭവത്തിൽ അയൽവാസി ആൽബിനെയാണ് മൂന്നാർ പൊലീസ് കസ്റ്റഡിയിൽ എടുത്തിട്ടുള്ളത്. ഇന്നലെ വൈകിട്ട് 5.30 തോടെ മൂന്നാർ നല്ലതണ്ണി റോഡിൽ വച്ചാണ് പ്രിൻസിയെ ആൽബിൻ ആക്രമിച്ചത്.ഇതിനുശേഷം ഓടി രക്ഷപെട്ട് ഇയാളെ ഇന്ന് പുലർച്ചെ 2 മണിയോടെ മൂന്നാറിന് സമീപത്തുനിന്നുമാണ് പൊലീസ കസ്റ്റഡിയിൽ എടുത്തത്.ഇയാളുടെ കൈയിൽ മുറിവുണ്ടെന്നും ആശുപത്രിയിൽ എത്തിച്ച് ചികത്സ ലഭ്യമാക്കിയെന്നും പൊലീസ് അറിയിച്ചു.

ചോദ്യം ചെയ്യലിനും തെളിവെടുപ്പിനും ശേഷം നടപടികൾ പൂർത്തിയാക്കി കോടതിയിൽ ഹാജരാക്കും.മൂന്നാറിൽ ഹോസ്റ്റലിൽ താമസിച്ചാണ് വിദ്യാർത്ഥിനി പഠനം നടത്തിവന്നിരുന്നത്.ഒന്നാം വർഷ ടിടിസി വിദ്യാർത്ഥിനിയായിരുന്നു. പ്രണയ നൈരാശ്യം മൂലം പ്രിൻസിയെ കൊല്ലാൻ ലക്ഷ്യമിട്ടാണ് ആക്രമണം നടത്തിയതെന്ന് ആൽബിൻ പൊലീസിൽ വെളിപ്പെടുത്തിയതായിട്ടാണ് സൂചന. പരിക്കേറ്റ പ്രിൻസി മൂന്നാർ ജനറൽ ആശുപത്രിയിൽ ചികത്സയിലാണ്.അപകടനില തരണം ചെയ്തെന്നാണ് അറിയുന്നത്. പഴയ മൂന്നാറിലെ സ്‌കൂളിൽ നിന്നും താമസ സ്ഥലമായ നിർമ്മല ഹോസ്റ്റലിലേക്ക് പോകുംവഴി സീ സെവൻ ഹോട്ടലിന് സമീപത്തുവച്ചായിരുന്നു ആക്രമണം.

ഒരേ നാട്ടുകാരായ പ്രിൻസിക്ക് കുട്ടികാലം മുതൽ ആൽബിനെ അറിയാമായിരുന്നു.കുറച്ച് നാളുകൾക്ക് മുൻപ് ആൻസിയോടുള്ള സ്നേഹം ആൽബിൽ വെളിപ്പെടുത്തി. എന്നാൽ ആൻസി ഇത് ഉൾകൊള്ളാൻ തയ്യാറായില്ല. ഇതിനിടെ ടിടിസി വിദ്യാഭ്യാസത്തിനായി യുവതി നാട്ടിൽ നിന്ന് മൂന്നാറിലെത്തി.എന്നാൽതുടർന്നും ഫോൺ നമ്പർ സംഘടിപ്പിച്ച് ആൽബിൻ ശല്യപ്പെടുത്തൽ തുടർന്നു. കഴിഞ്ഞ ദിവസം ആൽബിന്റെ മൊബൈൽ നമ്പർ യുവതി ബ്ലോക്ക് ചെയ്തുവെന്നും ഇതിനെത്തുടർന്നുണ്ടായ പ്രകോപനത്തിലായിരുന്നു ആക്രമണം എന്നുമാണ് സൂചന.

പ്രിൻസി പഠിക്കുന്ന സ്ഥാപനം മനസിലാക്കിയ ശേഷം കാത്തുനിന്ന്,ആളൊഴിഞ്ഞ പ്രദേശത്ത് എത്തിയപ്പോൾ കയ്യിൽ കരുതിയ ആയുധം ഉപയോഗിച്ച് വെട്ടുകയായിരുന്നെന്നാണ് പൊലീസ് അന്വേഷണത്തിൽ വ്യക്തമായിട്ടുള്ളത്.ഓടിക്കീടിയ നാട്ടുകാരാണ് യുവതിയെ മൂന്നാർ ജനറൽ ആശുപത്രിയിൽ എത്തിച്ചത്. സംഭവത്തിന് ശേഷം ഓടി രക്ഷപെട്ട ആൽബിനെ കണ്ടെത്താൻ ഉടൻ പൊലീസ് വ്യാപകമായ തിരച്ചിൽ ആരംഭിച്ചിരുന്നു.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

പ്രകാശ് ചന്ദ്രശേഖർ

Readers Comments+

More News in this category+

രാത്രി ഒൻപതിന് ശേഷം മദ്യം നൽകിയില്ല; ബെവ്കോ ഉദ്യോഗസ്ഥന്റെ കാർ തല്ലിത്തകർത്തു

കെ.എസ്.ആർ.ടി.സി. ബസിൽ യുവതിയെ ഉപദ്രവിക്കാൻ ശ്രമിച്ച സംഭവം; യുവാവ് റിമാൻഡിൽ

യാത്രക്കാരുടെ എണ്ണത്തിൽ 11.3 ശതമാനം വർധന; കഴിഞ്ഞവർഷം കരിപ്പൂരിൽനിന്ന് പറന്നത് 33.2 ലക്ഷം പേർ

MNM Recommends +