Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202422Monday

തളിപറമ്പിൽ സ്വകാര്യബസിടിച്ച് രണ്ടുസ്‌കൂട്ടർ യാത്രക്കാർ മരിച്ചു

തളിപറമ്പിൽ സ്വകാര്യബസിടിച്ച് രണ്ടുസ്‌കൂട്ടർ യാത്രക്കാർ മരിച്ചു

മറുനാടൻ മലയാളി ബ്യൂറോ

തളിപ്പറമ്പ്: തളിപ്പറമ്പ്-ഇരിട്ടി സംസ്ഥാന പാതയിൽ കുറുമാത്തൂർ വെള്ളാരംപാറ പൊലീസ് ഡംബിങ്ങ് യാർഡിന് സമീപം ബസും സ്‌കൂട്ടറും കൂട്ടിയിടിച്ച് സ്‌കൂട്ടർ യാത്രക്കാരായ രണ്ടുപേർ മരിച്ചു. മാട്ടൂൽ അതിർത്തിയിലെ ഷാഹിദ് ബായൻ(19), പുളിമ്പറമ്പിലെ കാനത്തിൽ കൊഴുക്കൽ അഷറഫ്(44) എന്നിവരാണ് മരിച്ചത്.

ബുധനാഴ്‌ച്ച സന്ധ്യയോടെയാണ് അപകടം നടന്നത്. ഇരിട്ടിയിൽ നിന്നും തളിപ്പറമ്പിലേക്ക് വരികയായിരുന്ന കെ.എൽ 60 സി 1515 കാടത്തറ എന്ന സ്വകാര്യ ബസും ശ്രീകണ്ഠാപുരം ഭാഗത്തേക്ക് പോകുന്ന സ്‌കൂട്ടറുമാണ് കൂട്ടിയിടിച്ചത്. അമിത വേഗതയിൽ വന്ന ബസിനടിയിൽ കുടുങ്ങിക്കിടക്കുന്ന നിലയിലായിരുന്നു സ്‌കൂട്ടർ. മൃതദേഹങ്ങൾ പരിയാരത്തെ കണ്ണൂർ ഗവ.മെഡിക്കൽ കോളേജ് മോർച്ചറിയിൽ.

പരേതനായ അബ്ദുള്ള-മറിയം ദമ്പതികളുടെ മകനാണ് അഷറഫ്.

ഭാര്യ: റുഖിയ.മക്കൾ: ഫാത്തിമത്തുൽ ഫിദ, ഇർഷാദ്.

സഹോദരങ്ങൾ: ഉമ്മർ, അബൂബക്കർ, ഹസൻ, ഹുസൈൻ, നബീസ, സൈനബ.

മാട്ടൂൽ അതിർത്തിയിലെ ഷാഫി-കുഞ്ഞാമിന ദമ്പതികളുടെ മകനാണ് ഷാഹിദ്. സഹോദരങ്ങൾ: ഷെഫിന, ഷെമീന, നാഫി, ഫാത്തിമ, അയാഷ്.

സംഭവത്തിൽ ബസ് ഡ്രൈവർക്കെതിരെ തളിപറമ്പ് പൊലീസ് കേസെടുത്തിട്ടുണ്ട്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP