Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202028Saturday

അഭയ കൊലക്കേസ്: പ്രോസിക്യൂഷൻ ഭാഗം വിചാരണ അന്തിമഘട്ടത്തിലേക്ക്; രണ്ടു സിബിഐ ഉദ്യോഗസ്ഥരെ കൂടി വിസ്തരിച്ചു

അഭയ കൊലക്കേസ്: പ്രോസിക്യൂഷൻ ഭാഗം വിചാരണ അന്തിമഘട്ടത്തിലേക്ക്; രണ്ടു സിബിഐ ഉദ്യോഗസ്ഥരെ കൂടി വിസ്തരിച്ചു

പി നാഗരാജ്‌

തിരുവനന്തപുരം: സിസ്റ്റർ അഭയ കൊലക്കേസിൽ പ്രോസിക്യൂഷൻ ഭാഗം വിചാരണ അന്തിമഘട്ടത്തിലേക്ക്. സിബിഐ കേസ് അന്വേഷിച്ച കാലഘട്ടത്തിൽ അന്വേഷണ സംഘത്തിൽ അംഗങ്ങളായിരുന്ന അഡീഷണൽ. എസ്‌പി. പ്രേം കുമാർ, ഡി.വൈ.എസ്‌പി. കെ.ജെ.ഡാർവിൻ എന്നിവരെ തിരുവനന്തപുരം സിബിഐ കോടതി വെള്ളിയാഴ്ച വിസ്തരിച്ചു.

ഫാ.തോമസ് കോട്ടൂർ, സിസ്റ്റർ സെഫി എന്നിവരാണ് വിചാരണ നേരിടുന്ന പ്രതികൾ.1992 മാർച്ച് 27 ന് കോട്ടയത്ത് പയസ് ടെന്റ് കോൺവെന്റിലെ കിണറ്റിൽ ദുരൂഹ സാഹചര്യത്തിലാണ് സിസ്റ്റർ അഭയയെ കൊല്ലപ്പെട്ട നിലയിൽ കണ്ടെത്തിയത്. അഭയ കേസിൽ ഇതുവരെ പ്രോസിക്യൂഷൻ ഭാഗത്തേക്ക് 47 സാക്ഷികളെയാണ് വിസ്തരിച്ചത്.

ഇനി കേസ് അന്വേഷിച്ച അഞ്ചു സിബിഐ ഉദ്യോഗസ്ഥരെക്കൂടി പ്രോസിക്യൂഷൻ സാക്ഷിയായി വിസ്തരിക്കുന്നതോടെ പ്രോസിക്യൂഷൻ ഭാഗം സാക്ഷി വിസ്താരം പൂർത്തിയാകും. 2019 ഓഗസ്റ്റ് 26 ന് ആരംഭിച്ച കേസിന്റെ വിചാരണ അന്തിമ ഘട്ടത്തിലെത്തി. തിങ്കളഴ്ചയും വിചാരണ തുടരും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP