Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202112Saturday

മതം നിൽക്കുന്നത് ഇന്ത്യയിൽ ആകമാനം; സംസ്ഥാനങ്ങളുടെ രാഷ്ട്രീയ അതിർത്തികൾക്കുള്ളിൽ അല്ലെന്ന നിർണ്ണായക പരാമർശവുമായി സുപ്രീംകോടതി; എട്ട് സംസ്ഥാനങ്ങളിൽ ഹിന്ദുക്കൾക്ക് ന്യൂനപക്ഷ പദവി നൽകണമെന്ന ആവശ്യം നിരസിച്ച് സുപ്രീംകോടതി; മതന്യൂനപക്ഷങ്ങളെ നിശ്ചയിക്കേണ്ടത് ദേശീയാടിസ്ഥാനത്തിൽ തന്നെയെന്ന് ചീഫ് ജസ്റ്റീസിന്റെ ബഞ്ച്; പൊളിഞ്ഞത് രാജ്യത്ത് ന്യൂനപക്ഷങ്ങൾക്ക് ഭരണ ഘടന നൽകുന്ന പ്രത്യേക പരിരക്ഷ അട്ടിമറിക്കാനുള്ള നീക്കം; പരമോന്നത നീതിപീഠത്തിന്റേത് സുപ്രധാന വിധി

മതം നിൽക്കുന്നത് ഇന്ത്യയിൽ ആകമാനം; സംസ്ഥാനങ്ങളുടെ രാഷ്ട്രീയ അതിർത്തികൾക്കുള്ളിൽ അല്ലെന്ന നിർണ്ണായക പരാമർശവുമായി സുപ്രീംകോടതി; എട്ട് സംസ്ഥാനങ്ങളിൽ ഹിന്ദുക്കൾക്ക് ന്യൂനപക്ഷ പദവി നൽകണമെന്ന ആവശ്യം നിരസിച്ച് സുപ്രീംകോടതി; മതന്യൂനപക്ഷങ്ങളെ നിശ്ചയിക്കേണ്ടത് ദേശീയാടിസ്ഥാനത്തിൽ തന്നെയെന്ന് ചീഫ് ജസ്റ്റീസിന്റെ ബഞ്ച്; പൊളിഞ്ഞത് രാജ്യത്ത് ന്യൂനപക്ഷങ്ങൾക്ക് ഭരണ ഘടന നൽകുന്ന പ്രത്യേക പരിരക്ഷ അട്ടിമറിക്കാനുള്ള നീക്കം; പരമോന്നത നീതിപീഠത്തിന്റേത് സുപ്രധാന വിധി

മറുനാടൻ മലയാളി ബ്യൂറോ

ന്യൂഡൽഹി: എട്ട് സംസ്ഥാനങ്ങളിൽ ഹിന്ദുക്കൾക്ക് ന്യൂനപദവി നൽകണമെന്നാവശ്യപ്പെട്ടുകൊണ്ടുള്ള ഹർജി സുപ്രീം കോടതി തള്ളി. ബിജെപി നേതാവ് അഡ്വ. അശ്വിനി കുമാർ ഉപാധ്യായ 2017ൽ സമർപ്പിച്ച ഹർജിയാണ് ചീഫ് ജസ്റ്റിസ് അധ്യക്ഷനായ ബെഞ്ച് തള്ളിയത്. സംസ്ഥാനാടിസ്ഥാനത്തിലല്ല, ദേശീയാടിസ്ഥാനത്തിലാണ് മതന്യൂനപക്ഷങ്ങളെ നിശ്ചയിക്കുന്നതെന്ന് വ്യക്തമാക്കിയാണ് ഹർജി തള്ളിയത്. അതുകൊണ്ട് തന്നെ അതിപ്രധാനമാണ് ഈ വിധി.

മിസോറം, നാഗാലാൻഡ്, മേഘാലയ, ജമ്മു കശ്മീർ, അരുണാചൽപ്രദേശ്, മണിപ്പുർ, പഞ്ചാബ് സംസ്ഥാനങ്ങളിലും ലക്ഷദ്വീപിലും ഹിന്ദുക്കളെ ന്യൂനപക്ഷ സമുദായമായി പ്രഖ്യാപിച്ച് വിജ്ഞാപനമിറക്കണമെന്നായിരുന്നു ആവശ്യം. മതം നിലനിൽക്കുന്നത് ഇന്ത്യയിൽ ആകമാനമാണ്, സംസ്ഥാനങ്ങളുടെ രാഷ്ട്രീയാതിർത്തികൾക്കുള്ളിലല്ലെന്ന് ചീഫ് ജസ്റ്റിസ് ചൂണ്ടിക്കാട്ടി. ന്യൂനപക്ഷ നിർണയത്തിന് പ്രത്യേക മാനദണ്ഡം പുറപ്പെടുവിക്കാൻ സാധിക്കില്ലെന്നും കോടതി പറഞ്ഞു. മതന്യൂനപക്ഷങ്ങളെ നിശ്ചയിക്കുന്നതിന് മാർഗരേഖ തയ്യാറാക്കണമെന്ന ആവശ്യവും കോടതി തള്ളി.

ജമ്മു കശ്മീർ, പഞ്ചാബ്, വടക്കുകിഴക്കൻ സംസ്ഥാനങ്ങൾ എന്നിവയടക്കമുള്ള എട്ട് സംസ്ഥാനങ്ങളെ പ്രാദേശികമായ ജനസംഖ്യാടിസ്ഥാനത്തിൽ ഹിന്ദുക്കളെ ന്യൂനപക്ഷമായി പരിഗണിക്കണമെന്നാവശ്യപ്പെട്ടായിരുന്നു ആവശ്യം. നേരത്തെ ഈ വിഷയത്തിൽ അറ്റോർണി ജനറലിന്റെ നിലപാട് കോടതി ആരാഞ്ഞിരുന്നു. അറ്റോർണി ജനറൽ കെ കെ വേണുഗോപാൽ കോടതിയിലെത്തി എട്ട് സംസ്ഥാനങ്ങളിൽ ഹിന്ദുക്കൾ ന്യൂനപക്ഷമാണെന്ന് കോടതിയെ അറിയിക്കുകയും ചെയ്തിരുന്നു. ഇത് കൂടി പരിഗണിച്ചാണ് സുപ്രീംകോടതി നിർണ്ണായക ഉത്തരവ് ഇട്ടത്. മതന്യൂനപക്ഷങ്ങളെ പ്രാദേശിക അടിസ്ഥാനത്തിൽ നിശ്ചയിക്കണമെന്ന വാദത്തിനാണ് ഇതോടെ തിരിച്ചടിയാകുന്നത്.

ജമ്മു കശ്മീർ, പഞ്ചാബ്, ലക്ഷദ്വീപ്, മിസോറാം, നാഗാലാന്റ്, മേഘാലയ, അരുണാചൽ പ്രദേശ്, മണിപ്പൂർ തുടങ്ങി എട്ടു സംസ്ഥാനങ്ങളിൽ ഹിന്ദുക്കൾക്ക് ന്യൂനപക്ഷ പദവി നല്കണമെന്നാവിശ്യപെട്ട് നൽകിയ ഹർജി സ്വീകരിക്കാൻ 2017ൽ വിസമ്മതിച്ച സുപ്രീംകോടതി നിലപാട് ഏറെ ചർച്ചയായിരുന്നു. അന്നും അശ്വിനി കുമാർ ഉപാധ്യായയാണ് ഹിന്ദുക്കൾക്ക് ന്യൂനപക്ഷ പദവി എന്ന ആവശ്യം ഉന്നയിച്ച് സുപ്രീംകോടതിയെ സമീപിച്ചത്. വിഷയത്തിൽ തീരുമാനമെടുക്കേണ്ടത് ദേശീയ ന്യൂനപക്ഷ കമ്മീഷനാണെന്നും സുപ്രീംകോടതിയല്ലെന്നും കോടതി ചൂണ്ടിക്കാട്ടിയിരുന്നു. എന്നാൽ വീണ്ടും ഇതേ ഹർജിയുമായി സുപ്രീംകോടതിയിൽ അശ്വനി കുമാർ ഉപാധ്യായ എത്തിയത്. ഇതും കോടതി തള്ളിക്കളഞ്ഞതോടെ ഹിന്ദുവിന് ഇന്ത്യയിൽ ഒരിടത്തും ന്യൂനപക്ഷ പദവി കിട്ടില്ലെന്ന് ഉറപ്പാവുകയാണ്.

'ന്യൂനപക്ഷ മത വിഭാഗങ്ങൾ' എന്നതിന്റെ വിവക്ഷ എന്താണെന്ന് വ്യക്തമാക്കാൻ ദേശീയ ന്യൂനപക്ഷ കമ്മീഷനോട് സുപ്രീം കോടതി ആവശ്യപ്പെട്ടിരിക്കുന്നു. സംസ്ഥാന തലത്തിൽ ന്യൂനപക്ഷങ്ങളെ നിശ്ചയിക്കാനുള്ള മാനദണ്ഡം എന്താണെന്നും കോടതി ആരാഞ്ഞു. 2011ലെ സെൻസസ് പ്രകാരം കേന്ദ്രഭരണ പ്രദേശമായ ലക്ഷദ്വീപിലും (2.5%), മിസോറാം (2.75%), നാഗാലാൻഡ് (8.75%), മേഘാലയ (11.53%), ജമ്മു കശ്മീർ (28.44%), അരുണാചൽ പ്രദേശ് (29%), മണിപ്പൂർ (31.39%), പഞ്ചാബ് (38.40) എന്നീ സംസ്ഥാനങ്ങളിൽ ഹിന്ദുക്കൾ ന്യൂനപക്ഷമാണെന്നും ഇവിടങ്ങളിൽ ഹിന്ദുക്കളെ ന്യൂനപക്ഷമായി പ്രഖ്യാപിക്കണമെന്നും ആവശ്യപ്പെട്ടാണ് അശ്വിനി കുമാർ ഉപാധ്യായ കോടതിയെ സമീപിച്ചത്.

രാജ്യത്ത് ന്യൂനപക്ഷങ്ങൾക്ക് ഭരണ ഘടന നൽകുന്ന പ്രത്യേക പരിരക്ഷ അട്ടിമറിക്കുക എന്നതാണ് ഈ ഹർജിയുടെ ലക്ഷ്യമിട്ടത്. 1993ലെ കേന്ദ്രസർക്കാർ വിജ്ഞാപന പ്രകാരം മുസ്ലിം, ക്രിസ്ത്യൻ, സിഖ്, ബുദ്ധ, പാർസി വിഭാഗങ്ങളെയാണ് ന്യൂനപക്ഷമായി കണക്കാക്കുന്നത്. 2014ൽ ജൈന വിഭാഗത്തിനും ന്യൂനപക്ഷ പദവി നൽകിയിരുന്നു. ഈ വിജ്ഞാപനം ഭരണഘടനാ വിരുദ്ധമാണെന്നായിരുന്നു ഹർജിക്കാരന്റെ വാദം. ഇന്ത്യൻ ഭരണഘടനയിൽ ന്യൂനപക്ഷം എന്ന വാക്കിന് ഒരു നിർവചനം നല്കിയില്ലെങ്കിലും മൊത്തം സംഖ്യയുടെ പകുതിയിൽ താഴെ വരുന്ന സംഖ്യയാണ് ന്യൂനപക്ഷം എന്നതുകൊണ്ട് സാമാന്യമായി വിവക്ഷിക്കുന്നത്. 2013 ലെ സെൻസസ് അനുസരിച്ച് ഇന്ത്യയിലെ ജനസംഖ്യ 125 കോടിയാണ്.

അതിൽ ഹിന്ദുക്കൾ 79.8% വരുന്നു. ബാക്കിയുള്ളവർ യഥാക്രമം മുസ്ലിം കൾ 14.2%, കൃസ്ത്യാനികൾ 2.3%,സിക്കുകാർ 1.7%, ബുദ്ധമതക്കാർ 0.7%, ജൈനമതക്കാർ 0.4%, പാഴ്സികൾ 0.006% എന്നിങ്ങനെയാണ്. ആ നിലയിൽ പകുതിയിലധികമുള്ള ഹിന്ദുക്കളെ ഭൂരിപക്ഷമെന്നും പകുതിയിൽ താഴെയുള്ള 6 മതവിഭാഗങ്ങളെ ന്യൂനപക്ഷമെന്നും കണക്കാക്കി വരുന്നു. അതിന്റെ അടിസ്ഥാനത്തിലാണ് മുസ്ലിംകൾ, ക്രിസ്ത്യാനികൾ, സിക്കുകാർ, ബുദ്ധമതക്കാർ, ജൈനമതക്കാർ, പാഴ്സികൾ എന്നിവർ ന്യൂനപക്ഷ പദവി അനുഭവിച്ചു വരുന്നത്. ന്യൂപക്ഷങ്ങൾക്കും അഭിമാനത്തോടെ ജീവിക്കാൻ സാധിക്കുന്ന സാഹചര്യം ഉണ്ടാകുക എന്നത് ജനാധിപത്യത്തിന്റെ താല്പര്യമാണ്. ആ നിലക്കാണ് ന്യൂനപക്ഷങ്ങളുടെ പരിരക്ഷ ഉറപ്പാക്കുന്ന വകുപ്പുകൾ ഭരണഘടന അംഗീകരിച്ചത്.

'ന്യൂനപക്ഷം' എന്ന ഭരണഘടനയിലെ പദം പുനർനിർവചിക്കണമെന്നത് പരിവാർ പ്രസ്ഥാനങ്ങൾ കാലങ്ങളായി ഉയർത്തിക്കൊണ്ടിരിക്കുന്ന ആവശ്യമാണ്. ഇതാണ് സുപ്രീംകോടതി തള്ളിക്കളയുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP