Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202203Sunday

62 സാക്ഷികളിൽ വിസ്തരിച്ചത് അച്ഛൻ ഉൾപ്പടെ 9 പേരെ; വണ്ടിപ്പെരിയാറിലെ 6 വയസ്സുകാരിയുടെ കൊലപാതകത്തിൽ ആദ്യഘട്ട വിസ്താരം പൂർത്തിയായി; രണ്ടാംഘട്ടം ഈ മാസം 30 ന് തുടങ്ങും

62 സാക്ഷികളിൽ വിസ്തരിച്ചത് അച്ഛൻ ഉൾപ്പടെ 9 പേരെ; വണ്ടിപ്പെരിയാറിലെ 6 വയസ്സുകാരിയുടെ കൊലപാതകത്തിൽ ആദ്യഘട്ട വിസ്താരം പൂർത്തിയായി; രണ്ടാംഘട്ടം ഈ മാസം 30 ന് തുടങ്ങും

മറുനാടൻ മലയാളി ബ്യൂറോ

കട്ടപ്പന വണ്ടിപ്പെരിയാർ ചുരക്കുളം എസ്റ്റേറ്റിൽ 6 വയസ്സുകാരിയെ പീഡിപ്പിച്ച് കെട്ടിത്തൂക്കി കൊലപ്പെടുത്തിയ കേസിലെ ആദ്യഘട്ട വിസ്താരം ഫാസ്റ്റ് ട്രാക്ക് സ്‌പെഷൽ കോടതിയിൽ പൂർത്തിയായി. ഇതേ എസ്റ്റേറ്റിലെ അർജുനാണ് (22) പ്രതി. 62 സാക്ഷികളിൽ 9 പേരുടെ വിസ്താരമാണ് പൂർത്തിയായത്. 5 സാക്ഷികളെ ഒഴിവാക്കുകയും ചെയ്തു. പെൺകുട്ടിയുടെ അച്ഛൻ, കുട്ടിയെ വളർത്തിയിരുന്ന ചിറ്റപ്പൻ, ചിറ്റമ്മ എന്നിവർ അടക്കമുള്ളവരെയാണ് വിസ്തരിച്ചത്.

രണ്ടാംഘട്ട വിസ്താരം 30, 31, 1 തീയതികളിൽ നടക്കും. പെൺകുട്ടി ദുപ്പട്ടയിൽ കുരുങ്ങി മരിച്ചു കിടക്കുന്നതു കണ്ട കുട്ടി അടക്കമുള്ളവരെയാണ് രണ്ടാം ഘട്ടത്തിൽ വിസ്തരിക്കുന്നത്. 3ാം ഘട്ടമായി ശാസ്ത്രീയ തെളിവുകൾക്കൊപ്പം ഡോക്ടർമാരുടെയും അന്വേഷണ ഉദ്യോഗസ്ഥരുടെയും വിസ്താരവും നടക്കും.

പട്ടിക വിഭാഗങ്ങൾക്ക് എതിരായ അതിക്രമം തടയൽ നിയമപ്രകാരവും പ്രതിക്കെതിരെ കേസെടുക്കണമെന്ന് ആവശ്യപ്പെട്ട് പെൺകുട്ടിയുടെ രക്ഷിതാക്കൾ ഹൈക്കോടതിയെ സമീപിച്ചപ്പോൾ സെഷൻസ് കോടതിയെ സമീപിക്കാമെന്ന് ഡിവിഷൻ ബെഞ്ച് വ്യക്തമാക്കിയിരുന്നു. അക്കാര്യം സ്‌പെഷൽ കോടതിയിൽ ഉന്നയിച്ചിരുന്നെങ്കിലും പിന്നീട് ഹൈക്കോടതിയിൽ പുനഃപരിശോധനാ ഹർജി നൽകി. 2021 ജൂൺ 30നാണ് കുട്ടിയെ മരിച്ച നിലയിൽ കണ്ടെത്തിയത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP