Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202125Sunday

കീഴ്‌ക്കോടതികൾക്ക് നാളെ മുതൽ കേസ് കേൾക്കാം; പ്രവർത്തനത്തിന് മാർഗനിർദേശവുമായി ഹൈക്കോടതി; തീരുമാനം ലോക്ഡൗൺ നിയന്ത്രണങ്ങളിൽ ഇളവ് വന്നതോടെ

കീഴ്‌ക്കോടതികൾക്ക് നാളെ മുതൽ കേസ് കേൾക്കാം; പ്രവർത്തനത്തിന് മാർഗനിർദേശവുമായി ഹൈക്കോടതി; തീരുമാനം ലോക്ഡൗൺ നിയന്ത്രണങ്ങളിൽ ഇളവ് വന്നതോടെ

മറുനാടൻ മലയാളി ബ്യൂറോ

കൊച്ചി: ലോക്ഡൗൺ നിയന്ത്രണങ്ങളിൽ ഇളവു വരുത്തിയതോടെ നിയന്ത്രിതമായി കേസുകൾ നേരിട്ടു പരിഗണിക്കാൻ ഹൈക്കോടതി കീഴ്‌ക്കോടതികൾക്ക് അനുമതി നൽകി. ജില്ലാ കോടതികൾ അടക്കമുള്ളവ നാളെ മുതൽ പ്രവർത്തിക്കുന്നതു സംബന്ധിച്ചു മാർഗനിർദേശങ്ങളും നൽകി.

ജുഡീഷ്യൽ ഓഫിസർമാർക്ക് ഇക്കാര്യത്തിൽ തീരുമാനമെടുക്കാം. എന്നാൽ കോടതി ഹാളിലും പരിസരത്തും ആൾക്കൂട്ടം ഉണ്ടാകരുത്. ആവശ്യമെങ്കിൽ മാത്രം കക്ഷികളെ കോടതിയിലേക്കു പ്രവേശിപ്പിച്ചാൽ മതിയെന്നും ഹൈക്കോടതി നിർദേശിച്ചു.

പഴയ കേസുകൾക്കും ഉന്നത കോടതികൾ നിശ്ചിത സമയത്തിനുള്ളിൽ തീർപ്പാക്കാൻ നിർദേശിച്ചിരിക്കുന്നവയ്ക്കും മുൻഗണന നൽകണമെന്നും ഹൈക്കോടതി രജിസ്റ്റ്രാർ (ഡിസ്ട്രിക്ട് ജുഡീഷ്യറി) പി.ജി. അജിത് കുമാറിന്റെ ഉത്തരവിൽ പറയുന്നു. ജില്ലാ ജഡ്ജിമാർ രണ്ടാഴ്ചയ്ക്കുശേഷം റിപ്പോർട്ട് നൽകണമെന്നും നിർദേശിച്ചിട്ടുണ്ട്.

മറ്റു നിർദേശങ്ങൾ

കുറച്ച് ആൾക്കാർ മാത്രമേ കോടതിയിൽ ഉണ്ടാവുകയുള്ളൂ എന്നു പ്രിസൈഡിങ് ഓഫിസർ ഉറപ്പാക്കണം. കോടതിയിലും വരാന്തയിലും അകലം ഉറപ്പാക്കി ഇരിപ്പിടം ക്രമീകരിക്കണം

സാധ്യമാണെങ്കിൽ സാക്ഷി വിസ്താരം വിഡിയോ കോൺഫറൻസിങ് വഴി നടത്താം.

ഓൺലൈൻ വഴി കോടതി നടപടികൾ രാവിലെ 10.45 ന് ആരംഭിക്കണം.

റൊട്ടേഷൻ അടിസ്ഥാനത്തിൽ 50% ജീവനക്കാരെ ഓഫിസിലും 50% പേരെ വീട്ടിലിരുന്നും ജോലിക്കു നിയോഗിക്കണം.

ഒരാഴ്ച പരിഗണിക്കുന്ന കേസുകളുടെ പട്ടിക തലേ വെള്ളിയാഴ്ച പ്രസിദ്ധീകരിക്കണം. രാവിലെയും ഉച്ചയ്ക്കു ശേഷവും പരിഗണിക്കുന്ന ഓരോ കേസിനും സമയം ക്രമീകരിച്ച് നൽകണം. അഭിഭാഷകരുടെയും കക്ഷികളുടെയും സൗകര്യം പരിഗണിച്ചാകണം ലിസ്റ്റ് ക്രമീകരിക്കേണ്ടത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP