Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

സ്ത്രീകൾക്കെതിരായ അതിക്രമം; ഭർത്താവിന്റെ കാമുകിയെ പ്രതി ചേർക്കാനാവില്ല; ഇന്ത്യൻ ശിക്ഷാ നിയമം 498 എ പ്രകാരം ഭർത്താവുമായി രക്തബന്ധമുള്ളവർ മാത്രമെ പ്രതിയാക്കാനാകു; വ്യക്തത വരുത്തി ആന്ധ്ര പ്രദേശ് ഹൈക്കോടതി

സ്ത്രീകൾക്കെതിരായ അതിക്രമം; ഭർത്താവിന്റെ കാമുകിയെ പ്രതി ചേർക്കാനാവില്ല; ഇന്ത്യൻ ശിക്ഷാ നിയമം 498 എ പ്രകാരം ഭർത്താവുമായി രക്തബന്ധമുള്ളവർ മാത്രമെ പ്രതിയാക്കാനാകു; വ്യക്തത വരുത്തി ആന്ധ്ര പ്രദേശ് ഹൈക്കോടതി

ന്യൂസ് ഡെസ്‌ക്‌

ഹൈദരാബാദ്: സ്ത്രീകൾക്കെതിരായ അതിക്രമം സംബന്ധിച്ച പരാതികളിൽ ഭർത്താവിന്റെ കാമുകിയെ പ്രതി ചേർക്കാനാവില്ലെന്ന് ആന്ധ്ര പ്രദേശ് ഹൈക്കോടതി. ഭർത്താവുമായി രക്തബന്ധമുള്ളവരെ മാത്രമാണ് ഇന്ത്യൻ ശിക്ഷാ നിയമം 498 എ അനുസരിച്ച് പ്രതി ചേർക്കാനാവൂവെന്ന് ഹൈക്കോടതി വ്യക്തമാക്കി.

പരാതിക്കാരിയായ യുവതിക്കെതിരായ എഫ്‌ഐആർ റദ്ദാക്കിക്കൊണ്ടാണ് ജസ്റ്റിസ് സി മാനവേന്ദ്രനാഥിന്റെ ഉത്തരവ്. ഭർത്താവിന് കാമുകിയുമായുള്ള ബന്ധത്തിന്റെ അടിസ്ഥാനത്തിൽ ഈ വകുപ്പ് അനുസരിച്ച് നൽകിയ പരാതിയിൽ യുവതിയെ പ്രതി ചേർത്ത സംഭവത്തിലാണ് കോടതിയുടെ തീരുമാനം. നെല്ലൂരിലെ ദിശ വനിതാ പൊലീസ് സ്റ്റേഷനാണ് യുവതിക്കെതിരായി എഫ്‌ഐആർ രജിസ്റ്റർ ചെയ്തത്.

പരാതിക്കാരിയായ യുവതിയുടെ ഭർത്താവിനെ ഒന്നാം പ്രതിയും കാമുകിയായ യുവതിയെ രണ്ടാം പ്രതിയാക്കിയുമാണ് എഫ്‌ഐആർ രജിസ്റ്റർ ചെയ്തത്. ഈ എഫ്‌ഐആർ റദ്ദാക്കണമെന്ന് കോടതി വ്യക്തമാക്കി. രണ്ടാം പ്രതിയായ അനുമാലയ്ക്കെതിരായ എല്ലാ നടപടികളും നിർത്തണമെന്നും കേസിലെ ഒന്നാം പ്രതിക്കെതിരായ അന്വേഷണം തുടരണമെന്നും കോടതി വ്യക്തമാക്കി.

ഭാര്യയും ഭർത്താവും തമ്മിലുള്ള കേസിൽ ഭർത്താവിന്റെ കാമുകിയെ ഇന്ത്യൻ ശിക്ഷാ നിയമം 498 എ അനുസരിച്ച് പ്രതി ചേർക്കാനാവില്ലെന്നും കോടതി വ്യക്തമാക്കി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP