Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

വിവാഹേതര ലൈംഗിക ബന്ധം; സായുധ സേന ഉദ്യോഗസ്ഥർക്കെതിരെ നടപടിയെടുക്കാം; 2018 ലെ സുപ്രധാന വിധിയിൽ വ്യക്തത വരുത്തി സുപ്രീം കോടതി; കോടതിയുടെ വിശദീകരണം വ്യക്തത തേടി കേന്ദ്ര സർക്കാർ നൽകിയ അപേക്ഷയിൽ

വിവാഹേതര ലൈംഗിക ബന്ധം; സായുധ സേന ഉദ്യോഗസ്ഥർക്കെതിരെ നടപടിയെടുക്കാം; 2018 ലെ സുപ്രധാന വിധിയിൽ വ്യക്തത വരുത്തി സുപ്രീം കോടതി; കോടതിയുടെ വിശദീകരണം വ്യക്തത തേടി കേന്ദ്ര സർക്കാർ നൽകിയ അപേക്ഷയിൽ

മറുനാടൻ മലയാളി ബ്യൂറോ

ന്യൂഡൽഹി: വിവാഹേതര ലൈംഗിക ബന്ധത്തിൽ ഏർപ്പെടുന്ന ഉദ്യോഗസ്ഥർക്കെതിരെ സായുധ സേനകൾക്ക് നടപടിയെടുക്കാമെന്ന് സുപ്രീം കോടതി. 2018-ലെ സുപ്രധാന വിധിയിൽ വ്യക്തത വരുത്തിയാണ് സുപ്രീം കോടതിയുടെ വിശദീകരണം.വിവാഹേതര ലൈംഗിക ബന്ധം ക്രിമിനൽ കുറ്റമല്ലെന്ന് കോടതി വിധിച്ചിരുന്നു.

2018-ലെ വിധി പ്രകാരം വിവാഹേതര ബന്ധം കുറ്റകരമല്ലെന്ന് വ്യക്തമാക്കി ഇന്ത്യൻ ശിക്ഷാ നിയമത്തിലെ സെക്ഷൻ 497 ആണ് സുപ്രീം കോടതി റദ്ദാക്കിയത്. തുടർന്ന് വിവാഹേതര ലൈംഗിക ബന്ധത്തിന്റെ പരാതി നൽകിയാൽ ക്രിമിനൽ കേസ് എടുക്കാൻ സാധിക്കില്ലെന്നും സുപ്രീം കോടതി അറിയിച്ചു.എന്നാൽ ഇക്കാര്യം സായുധ സേനയിലെ നിയമ വ്യവസ്ഥയ്ക്ക് ബാധകമാണോ അല്ലയോ എന്നുള്ള കാര്യത്തിൽ വ്യക്തത തേടി കേന്ദ്ര സർക്കാർ നൽകിയ അപേക്ഷയിലാണ് ഇപ്പോൾ കോടതിയുടെ മറുപടി.

നേരത്തെ ഇക്കാര്യവുമായി ബന്ധപ്പെട്ട് പ്രസ്താവിച്ച വിധി സായുധ സേനാ നിയമങ്ങൾക്ക് ബാധകമല്ല. അതിനാൽ സൈനികരുൾപ്പെടെയുള്ള സായുധസേനാ ഉദ്യോഗസ്ഥർ വിവാഹേതര ലൈംഗിക ബന്ധം പുലർത്തിയാൽ അവർക്കെതിരെ നടപടിയെടുക്കാമെന്നും അതിനുള്ള അധികാരം സായുധ സേനയ്ക്കുണ്ടെന്നും സുപ്രീം കോടതി വ്യക്തമാക്കി. ജസ്റ്റിസ് കെ.എം ജോസഫ് അദ്ധ്യക്ഷനായ അഞ്ചംഗ ഭരണഘടനാ ബെഞ്ചാണ് ഇക്കാര്യം വ്യക്തമാക്കിയത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP