Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202206Wednesday

ഭാര്യാമാതാവിന്റെ കാല് തല്ലിയൊടിച്ച് മുങ്ങിയ യു ടൂബർ വർഷങ്ങൾക്ക് ശേഷം പൊങ്ങിയത് ഫിഷിങ് വീഡിയോകളുമായി; 'അജേഷ് തൊടുപുഴ'യെ തഞ്ചത്തിലെത്തി പൊക്കി പൊലീസ്; മീൻപിടുത്തം ചിത്രീകരിക്കാൻ താൽപ്പര്യപ്പെടുന്ന സ്ത്രീയെന്ന് വ്യാജേന ചാറ്റു ചെയ്തു കുടുക്കി പൊലീസ്

ഭാര്യാമാതാവിന്റെ കാല് തല്ലിയൊടിച്ച് മുങ്ങിയ യു ടൂബർ വർഷങ്ങൾക്ക് ശേഷം പൊങ്ങിയത് ഫിഷിങ് വീഡിയോകളുമായി; 'അജേഷ് തൊടുപുഴ'യെ തഞ്ചത്തിലെത്തി പൊക്കി പൊലീസ്; മീൻപിടുത്തം ചിത്രീകരിക്കാൻ താൽപ്പര്യപ്പെടുന്ന സ്ത്രീയെന്ന് വ്യാജേന ചാറ്റു ചെയ്തു കുടുക്കി പൊലീസ്

മറുനാടൻ മലയാളി ബ്യൂറോ

തൊടുപുഴ: വീട്ടിൽ കയറി ഭാര്യാമാതാവിനെ മർദ്ദിച്ച് കാല് തല്ലിയൊടിച്ച കേസിലെ പ്രതി വർഷങ്ങൾക്കുശേഷം പൊലീസ് പിടിയിലായി. തൊടുപുഴ വഴിത്തല ഇരുട്ടുതോട് മൂഴിമലയിൽ അജേഷ് ജേക്കബ് (38) ആണ് അറസ്റ്റിലായത്. യു ട്യൂബറാണിയാൾ. പ്രതിയായി മുങ്ങിയവരെക്കുറിച്ചുള്ള അന്വേഷണത്തിലാണ് അജേഷിന്റെ കേസ് പൊലീസിന്റെ ശ്രദ്ധയിൽപ്പെട്ടത്. ഇയാൾ കേസിൽ മുങ്ങി നടക്കുകയായിരുന്നു.

അജേഷിന്റെ നീക്കങ്ങൾ നിരീക്ഷിച്ച് തന്ത്രപരമായി പ്രതിയെ പിടികൂടുകയായിരുന്നു. മീൻപിടുത്തം വിനോദമാക്കിയ അജേഷ് ഇതുമായി ബന്ധപ്പെട്ട നിരവധി വീഡിയോകൾ ചെയ്തിരുന്നു. ഇതിനായി 'അജേഷ് തൊടുപുഴ' എന്ന പേരിൽ സ്വന്തമായി യു ട്യൂബ് ചാനലും തുടങ്ങിയിരുന്നു. തൊടുപുഴയിലെ പാടശേഖരങ്ങളിൽ നിന്നുള്ള മീൻപിടുത്തം എന്ന പേരിലാണ് അജേഷ് വീഡിയോകൾ ചെയ്തിരുന്നത്.

എന്നാൽ പൊലീസിന്റെ അന്വേഷണത്തിൽ മുനമ്പം, ഗോശ്രീ പാലങ്ങൾ, ബോൾഗാട്ടി എന്നിവിടങ്ങളിലാണ് ഇതെല്ലാം ചിത്രീകരിച്ചതെന്ന് വ്യക്തമായി. ഇതിന്റെ ചുവടുപിടിച്ച് നടത്തിയ അന്വേഷണത്തിൽ വീഡിയോ എടുക്കാൻ അജേഷിനെ സഹായിച്ചിരുന്നയാളെ കണ്ടെത്തി. ഇയാളിൽനിന്നും പ്രതിയുടെ മൊബൈൽ നമ്പർ വാങ്ങി മീൻപിടുത്തം ചിത്രീകരിക്കാൻ താൽപര്യമുള്ള സ്ത്രീയെന്ന വ്യാജേന ചാറ്റ് ചെയ്ത് ചിത്രീകരണ സ്ഥലത്തെത്തിച്ചു. കാത്തുനിന്ന പൊലീസ് ഇയാളെ പിടികൂടി.

തൊടുപുഴ ഡിവൈഎസ് പി ജിം പോളിന്റെ നേതൃത്വത്തിൽ ഇൻസ്പെക്ടർ വി സി വിഷ്ണുകുമാർ, എസ്‌ഐ ബൈജു പി ബാബു, പ്രൊബേഷനറി എസ്‌ഐ നിഖിൽ, സിവിൽ പൊലീസ് ഓഫീസർമാരായ ടി എ സനീഷ്, രതീഷ് നാരായണൻ, ഗണേശ്, ജിഷ, കെ വി രാജേഷ് എന്നിവർ ചേർന്നാണ് പ്രതിയെ പിടികൂടിയത്. പ്രതിയെ റിമാൻഡ് ചെയ്തു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP