Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202123Saturday

ബിന്ദു അമ്മിണിയെ അപകീർത്തിപ്പെടുത്താൻ പ്രചരിപ്പിച്ചത് മോർഫ് ചെയ്ത അശ്ലീല വ്യാജ വിഡിയോ; യുവാവിനെ അറസ്റ്റ് ചെയ്ത് പൊലീസും

ബിന്ദു അമ്മിണിയെ അപകീർത്തിപ്പെടുത്താൻ പ്രചരിപ്പിച്ചത് മോർഫ് ചെയ്ത അശ്ലീല വ്യാജ വിഡിയോ; യുവാവിനെ അറസ്റ്റ് ചെയ്ത് പൊലീസും

മറുനാടൻ ഡെസ്‌ക്‌

കൊയിലാണ്ടി: സുപ്രീം കോടതിയുടെ സ്ത്രീ പ്രവേശന ഉത്തരവിനെ തുടർന്ന് ശബരിമല സന്ദർശിച്ച ബിന്ദു അമ്മിണിക്കെതിരെ വ്യാജ അശ്ലീല വിഡിയോ പ്രചരിപ്പിച്ച കേസിൽ ഒരാൾ അറസ്റ്റിൽ. കാസർക്കോട് ചെറുവത്തൂർ പുതിയ പുരയിൽ മഹേഷ് കുമാറിനെ(37)യാണ് കൊയിലാണ്ടി സി ഐ കെ സി സുഭാഷ് ബാബുവിന്റെ നേതൃത്വത്തിലുള്ള സംഘം കാസർഗോഡ് നിന്ന് കസ്റ്റഡിയിലെടുത്തത്. ഇയാളെ കോടതിയിൽ ഹാജരാക്കി.

ബിന്ദു അമ്മിണി നൽകിയ പരാതിയിലാണ് അറസ്റ്റ്. 2019 ലാണ് പരാതി നൽകിയത്. മോർഫ് ചെയ്ത അശ്ലീല വ്യാജ വിഡിയോ പ്രചരിപ്പിച്ചുവെന്നായിരുന്നു പരാതി. സൈബർ സെല്ലിന്റെ സഹായത്തോടെയാണ് പ്രതിയെ പിടികൂടിയത്. സൈബർ സെല്ലിന്റെ സഹായത്തോടെ കൂടുതൽ അന്വേഷണം നടത്തും. സുപ്രീം കോടതി ഉത്തരവ് പ്രകാരം ബിന്ദു അമ്മിണിക്ക് ശനിയാഴ്ച മുതൽ പൊലീസ് സംരക്ഷണം പുനഃസ്ഥാപിച്ചു.

ബിന്ദു അമ്മിണിയുടേതെന്ന് തോന്നിപ്പിക്കുന്ന തരത്തിലുള്ള അശ്ലീല വീഡിയോ നിർമ്മിച്ചായിരുന്നു പ്രചരിപ്പിച്ചത്. ബിന്ദു പരാതി നൽകിയതിനെത്തുടർന്ന് അന്വേഷണം ആരംഭിച്ചെങ്കിലും ഒന്നര വർഷം പിന്നിട്ടിട്ടും പ്രതികളെ അറസ്റ്റു ചെയ്യുകയോ കൂടുതൽ അന്വേഷണം നടത്തുകയോ ചെയ്തിരുന്നില്ല. തുടർന്ന് ഈ വിഷയങ്ങൾ ഉന്നയിച്ചുകൊണ്ട് സമരം പ്രഖ്യാപിച്ച് ബിന്ദു പത്രസമ്മേളനം നടത്തിയിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP