Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202109Tuesday

ഭാര്യ മകളുടെ വീട്ടിലേക്ക് പോയതിന് പിന്നാലെ വീട്ടിൽ നിന്ന് പുക ഉയർന്നു; നാട്ടുകാർ ഓടിയെത്തുമ്പോൾ കണ്ടത് കത്തിക്കരിഞ്ഞ കിടപ്പുമുറിയും മൃതദേഹവും; അടൂർ സ്വദേശി ടിഎം മാത്യു ജീവനൊടുക്കിയതെന്ന് സംശയം

ഭാര്യ മകളുടെ വീട്ടിലേക്ക് പോയതിന് പിന്നാലെ വീട്ടിൽ നിന്ന് പുക ഉയർന്നു; നാട്ടുകാർ ഓടിയെത്തുമ്പോൾ കണ്ടത് കത്തിക്കരിഞ്ഞ കിടപ്പുമുറിയും മൃതദേഹവും; അടൂർ സ്വദേശി ടിഎം മാത്യു ജീവനൊടുക്കിയതെന്ന് സംശയം

ശ്രീലാൽ വാസുദേവൻ

അടൂർ: ഭാര്യ സ്വന്തം വീട്ടിലേക്ക് പോയതിന് പിന്നാലെ ഗൃഹനാഥൻ തീ കൊളുത്തി ജീവനൊടുക്കി. മണക്കാല ആർകെ കോംപ്ലക്സിന് സമീപം തോട്ടുകടവിൽ ടി.എം മാത്യു(രാജു 69)വിന്റെ മൃതദേഹമാണ് കത്തി കരിഞ്ഞ നിലയിൽ കണ്ടെത്തിയത്.

വ്യാഴാഴ്ച രാവിലെ 9.15നാണ് വീട്ടിൽ നിന്നും പുകയുയരുന്നത് നാട്ടുകാരുടെ ശ്രദ്ധയിൽപ്പെട്ടത്. ഉടൻ തന്നെ അടൂർ അഗ്നി രക്ഷാ സേനയെ വിവരം അറിയിച്ചു. ഇവരെത്തി തീയണച്ചപ്പോഴേക്കും മാത്യുവിന്റെ ശരീരം മുഴുവൻ കത്തിയിരുന്നു. ഈ സമയം മറ്റാരും വീട്ടിൽ ഉണ്ടായിരുന്നില്ല. ഭാര്യ മേഴ്സി രാവിലെ എട്ടരയോടെ മാവേലിക്കര കൊല്ലകടവിലുള്ള സ്വന്തം വീട്ടിലേക്ക് പോയിരുന്നു.

കിടപ്പുമുറി പൂർണമായും കത്തി നശിച്ചു. കട്ടിലിനടിയിൽ തുണി വാരിയിട്ട് കത്തിച്ചതിന്റെ ലക്ഷണം കാണുന്നതായി പൊലീസ് പറഞ്ഞു. ഫോറൻസിക് വിദഗ്ദ്ധർ സ്ഥലത്തെത്തി പരിശോധന നടത്തി. മക്കൾ: റീന, റിബു.മരുമകൾ: ഷേർളി. മൂത്ത മകളുടെ വിവാഹ ബന്ധം വേർപ്പെട്ടതിൽ വിഷമം ഉണ്ടായിരുന്നതായി ബന്ധുക്കൾ പറയുന്നു. വീട് അകത്തു നിന്ന് പൂട്ടിയ നിലയിലാണ്. രണ്ടു പെൺമക്കളും വിദേശത്താണ് ജോലി ചെയ്യുന്നത്. സാമ്പത്തികമായി നല്ല നിലയിലുമാണ്

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP