Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത അന്വേഷണം

പ്രിയയും സുരഭിയും കണ്ണൂരിലെത്തിയത് പലതവണ; ആലക്കോട്ടെ ബ്യൂട്ടിപാർലർ പൂട്ടിയപ്പോൾ പ്രീയ നാടുവിട്ടു; പിന്നീട് കണ്ണൂരിലെത്തുമ്പോൾ താമസിച്ചിരുന്നത് തളിപ്പറമ്പിലെ ലോഡ്ജിൽ; വഴക്ക് തീർത്തത് സ്റ്റേഷനിലും; മയക്കുമരുന്നിൽ അന്വേഷണം കണ്ണൂരിലേക്കും

June 07, 202311:20 AM IST Permalink
പ്രിയയും സുരഭിയും കണ്ണൂരിലെത്തിയത് പലതവണ; ആലക്കോട്ടെ ബ്യൂട്ടിപാർലർ പൂട്ടിയപ്പോൾ പ്രീയ നാടുവിട്ടു; പിന്നീട് കണ്ണൂരിലെത്തുമ്പോൾ താമസിച്ചിരുന്നത് തളിപ്പറമ്പിലെ ലോഡ്ജിൽ; വഴക്ക് തീർത്തത് സ്റ്റേഷനിലും; മയക്കുമരുന്നിൽ അന്വേഷണം കണ്ണൂരിലേക്കും

അനീഷ് കുമാർ

കണ്ണൂർ: തൃശൂർ ജില്ലയിലെ കുന്നംകുളത്ത് മാരകമയക്കുമരുന്നായ എം.ഡി. എം. എയുമായി സ്‌കൂട്ടറിൽ സഞ്ചരിക്കവെ പിടിയിലായ കരുവഞ്ചാൽ പാലുംചീത്തയിലെ തോയോൻവീട്ടിൽ ടി.പ്രിയ(30) കണ്ണൂർ ജില്ലയിൽ മയക്കുമരുന്ന് വിൽപന നടത്തിയിട്ടുണ്ടോയെന്ന കാര്യം പൊലിസ് പരിശോധിക്കുന്നു.

കൂട്ടുകാരിയും ലിവിങ് ടുഗെദർ പാർട്ണറുമായ തൃശൂർ ചുണ്ടേൽ പുതുച്ചേരിയിലെ കണ്ണോത്ത് വീട്ടിൽ സുരഭിയും(24) പൊലിസ് വാഹനപരിശോധനയ്ക്കിടെയാണ് കുന്നംകുളത്ത് പിടിയിലായത്. ഇരുവരും മയക്കുമരുന്ന് ഇടപാടിലെ മുഖ്യകണ്ണികളാണെന്ന് രഹസ്യവിവരം ലഭിച്ചതിനാലാണ് പൊലിസ് വാഹനപരിശോധന നടത്തി ഇവരെ പിടികൂടുന്നത്. തൃശൂരിലെ ഒരു ഫ്ളാറ്റിൽ ഒരുമിച്ചു ജീവിച്ചുവരികയായിരുന്നു പ്രിയയും സുരഭിയും. അടുത്തകാലം വരെ ആലക്കോട് ടൗണിൽ പ്രിയ ബ്യൂട്ടി പാർലർ നടത്തിയിരുന്നു. എന്നാൽ കുറച്ചു കാലം മാത്രമേ സ്ഥാപനം പ്രവർത്തിച്ചിരുന്നുള്ളൂ.

ആലക്കോട് സ്ഥാപനം തുടങ്ങിയപ്പോഴും ഇവർക്ക് നാടുമായി വലിയ ബന്ധമില്ലെന്നാണ് പ്രദേശവാസികൾ പറയുന്നത്. തൃശൂർ കേന്ദ്രീകരിച്ചായിരുന്നു പ്രിയ പ്രവർത്തിച്ചിരുന്നത്. ഇതിനിരെ സ്ഥാപനം വൻനഷ്ടത്തിൽ കലാശിക്കുകയും പൂട്ടി പോവുകയും ചെയ്തു. തുടർന്നാണ് ഇവർ പൂർണമായും തൃശൂരിലേക്ക് മാറിയത്. എന്നാൽ ഇതിനിടെയിൽ ഇരുവരും കണ്ണൂർ ജില്ലയിലും പ്രിയയുടെ നാട്ടിലുമെത്തിയിരുന്നു.

രണ്ടാഴ്‌ച്ച മുൻപ് ഇവർ തളിപറമ്പിലെ ഒരു ലോഡ്ജിൽ താമസിച്ചിരുന്നു. ലോഡ്ജിൽ വെച്ചു സുരഭിയും പ്രിയയും തമ്മിൽ വഴക്കുണ്ടാവുകയും ലോഡ്ജ് ഉടമ വിവരമറിയിച്ചതിനെ തുടർന്ന് പൊലിസെത്തി സ്റ്റേഷനിലേക്ക് കൂട്ടിക്കൊണ്ടു പോവുകയും ചെയ്തിരുന്നു. ഇവരുടെ പ്രശ്നം തളിപറമ്പ് എസ്. ഐ യദുകൃഷ്ണന്റെ സാന്നിധ്യത്തിൽ പറഞ്ഞുതീർക്കുകയും ഇരുവരെയും സമാധാനിപ്പിച്ചു തിരിച്ചയക്കുകയുമായിരുന്നു.

നേരത്തെ വിവാഹിതയായ പ്രിയ ആ ബന്ധമൊഴിവാക്കിയിരുന്നു. ഇവർക്ക് വീട്ടുകാരുമായി യാതൊരു അടുപ്പവുമില്ലെന്നാണ് സൂചന.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP