Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202027Sunday

രണ്ട് വർഷം മുമ്പ് തുടങ്ങിയ ഫെയ്‌സ് ബുക്ക് പ്രണയം; കാമുകന്റെ പ്രേരണയിൽ ഒന്നേകാൽ വയസ്സ് പ്രായമായ കുഞ്ഞിനേയും ഉപേക്ഷിച്ച് ഒളിച്ചോട്ടം; ജുവനൈൽ ജസ്റ്റീസ് ആക്ട് പ്രകാരം പരാതി നൽകി എടവിലങ്ങുകാരൻ ഭർത്താവ്; അഞ്ചങ്ങാടി ചെറു കൊക്കുവായിൽ പ്രവീണയുടെ കാമുക സ്‌നേഹവും ഒളിച്ചോട്ടവും ചെന്നെത്തിയത് അഴിക്കുള്ളിലും; കൈകുഞ്ഞിനെ ഉപേക്ഷിച്ചു കാമുകനൊപ്പം പോകുന്ന യുവതിയെ വീണ്ടും ജയിലിടച്ച് കേരളാ പൊലീസ്

രണ്ട് വർഷം മുമ്പ് തുടങ്ങിയ ഫെയ്‌സ് ബുക്ക് പ്രണയം; കാമുകന്റെ പ്രേരണയിൽ ഒന്നേകാൽ വയസ്സ് പ്രായമായ കുഞ്ഞിനേയും ഉപേക്ഷിച്ച് ഒളിച്ചോട്ടം; ജുവനൈൽ ജസ്റ്റീസ് ആക്ട് പ്രകാരം പരാതി നൽകി എടവിലങ്ങുകാരൻ ഭർത്താവ്; അഞ്ചങ്ങാടി ചെറു കൊക്കുവായിൽ പ്രവീണയുടെ കാമുക സ്‌നേഹവും ഒളിച്ചോട്ടവും ചെന്നെത്തിയത് അഴിക്കുള്ളിലും; കൈകുഞ്ഞിനെ ഉപേക്ഷിച്ചു കാമുകനൊപ്പം പോകുന്ന യുവതിയെ വീണ്ടും ജയിലിടച്ച് കേരളാ പൊലീസ്

മറുനാടൻ മലയാളി ബ്യൂറോ

കൊടുങ്ങല്ലൂർ: കൈകുഞ്ഞിനെ ഉപേക്ഷിച്ചു കാമുകനൊപ്പം പോയ യുവതിയെയും കാമുകനെയും പൊലീസ് അറസ്റ്റ് ചെയ്തത് ജുവനൈൽ ജസ്റ്റീസ് ആക്ട് പ്രകാരം. അഞ്ചങ്ങാടി ചെറു കൊക്കുവായിൽ പ്രവീണ (20 ), മേത്തല തൃപുണത്ത് സജിത്ത് (24 ) എന്നിവർക്കെതിരെയാണ് ഇരിങ്ങാലക്കുട ഡിവൈഎസ്‌പി ഫേമസ് വർഗീസിന്റെ നിർദ്ദേശപ്രകാരം എസ്‌ഐ ഇ.ആർ. ബൈജു ആണ് അറസ്റ്റ് ചെയ്തത്.

Stories you may Like

എടവിലങ്ങ് സ്വദേശിയായ യുവാവിന്റെ പരാതിയിലാണ് കേസ്.രണ്ടു വർഷം മുൻപ് ഫേസ്‌ബുക് വഴി പരിചയപ്പെട്ട സജിത്തിന്റെ പ്രേരണയാൽ ഒന്നേകാൽ വയസ്സ് പ്രായമായ കുഞ്ഞിനെയും ഭർത്താവിനെയും ഉപേക്ഷിച്ചു യുവതി പോകുകയായിരുന്നു. പരാതി പ്രകാരം ജൂവനൈൽ ജസ്റ്റിസ് ആക്ട് പ്രകാരം കേസെടുക്കുകയായിരുന്നു. ഇരുവരേയും കോടതിയിൽ ഹാജരാക്കി. കുട്ടിയെ നോക്കാതെ പോയ അമ്മയും അതിന് കൂട്ടു നിന്ന കാമുകനുമെന്ന വകുപ്പാണ് ഒളിച്ചോട്ടത്തിൽ ചുമത്തിയത്. ഇതോടെ ഒളിച്ചോടുന്ന അമ്മമാരെ കുടുക്കാൻ ഈ വകുപ്പ് പൊലീസ് കേരളത്തിൽ ഉടനീളം ഇനിയും പ്രയോഗിക്കുമെന്ന സൂചനയാണ് ലഭിക്കുന്നത്. ഒളിച്ചോടുമ്പോൾ കുട്ടികളെ കൊണ്ടു പോയില്ലെങ്കിൽ അമ്മയ്ക്ക് പണി കിട്ടുമെന്ന അവസ്ഥയിലേക്ക് ഈ കേസും എത്തിക്കുകയാണ്.

ഫേസ്‌ബുക്ക് വഴി പരിചയപ്പെട്ട് പിന്നീട് പ്രണയത്തിലായ കാമുകനൊപ്പമാണ് പ്രവീണ ഒളിച്ചോടിയത്. യുവതിയുടെ ഭർത്താവായ എടവിലങ്ങ് സ്വദേശിയായ യുവാവാണ് പരാതിയുമായി പൊലീസിനെ സമീപിച്ചത്. ഭർത്താവിനെയും ഒന്നേകാൽ വയസായ കുഞ്ഞിനെയും ഉപേക്ഷിച്ചാണ് പ്രവീണ കാമുകനായ സജിത്തിനൊപ്പം പോയ്ത. ഫേസ്‌ബുക്കിലൂടെയാണ് പ്രവീണ സജിത്തിനെ പരിചയപ്പെടുന്നത്. ഈ സൗഹൃദം പ്രണയമായി മാറുകയായിരുന്നു. തുടർന്ന് സജിത്തിന്റെ പ്രേരണയാൽ പ്രവീണ കുഞ്ഞിനെയും ഭർത്താവിനെയും ഉപേക്ഷിച്ച് പോവുകയായിരുന്നു എന്നാണ് കേസ്. ഇതോടെയാണ് ഒളിച്ചോട്ടം അഴിക്കുള്ളിലായത്.

പ്രണയം തലയ്ക്ക് പിടിക്കുമ്പോൾ മനുഷ്യ ബന്ധങ്ങൾക്ക് യാതൊരു വിലയും നൽകാതെ പിഞ്ച് കുഞ്ഞുങ്ങളെ വരെയും ഉപേക്ഷിച്ച് ഒളിച്ചോടുന്ന വീട്ടമ്മമാരെ കുടുക്കുന്നതാണ് ജുവനൈൽ ജസ്റ്റീസ് ആക്ട്. ഈ കേസ് ചുമത്തിയാൽ ബന്ധുക്കളുടെ പരാതിയിൽ പൊലീസി പിടികൂടി കോടതിയിൽ ഹാജരാക്കും കോടതി റിമാൻഡ് ചെയ്യുകയും ചെയ്യും. കാരണം മറ്റൊന്നുമല്ല അമ്മയുടെ ചൂടും ചൂരും ഏറ്റ് വളരേണ്ട പിഞ്ച് കുഞ്ഞുങ്ങളെ ഉപേക്ഷിക്കുന്നതാണ് ഇവർ ജയിലഴിക്കുള്ളിലാകാനുള്ള പ്രധാന കാരണം. ഇത്തരത്തിൽ മറ്റൊരു കേസും കഴിഞ്ഞ ദിവസം ഉണ്ടായിരുന്നു. രണ്ട് വയസുള്ള മകളെ ഉപേക്ഷിച്ച് കാമുകനോപ്പം പോയ യുവതിയെയാണ് പൊലീസ് പിടികൂടി കോടതിയിൽ ഹാജരാക്കി റിമാൻഡ് ചെയ്തത്.

ഭരതന്നൂർ സേമ്യാക്കട അനീഷ് ഭവനിൽ സോണിയ എന്ന 21കാരിയെയാണ് നെടുമങ്ങാട് കോടതി റിമാൻഡ് ചെയ്തത്. യുവതിയെ കാണാനില്ലെന്ന് പാങ്ങോട് പൊലീസിൽ ബന്ധുക്കൾ പരാതി നൽകിയിരുന്നു. ജനുവരി 13 മുതലാണ് യുവതിയെ കാണാതാകുന്നത്. തുടർന്ന് പൊലീസ് നടത്തിയ അന്വേഷണത്തിൽ യുവതി മറ്റൊരു യുവാവിന്റെ കൂടെ ഒളിച്ചോടി പോയതാണെന്ന് വ്യക്തമായി. രണ്ട് വയസുള്ള മകളെയും ഭർത്താവിനെയും ഉപേക്ഷിച്ചാണ് സോണിയ ഒളിച്ചോടിയത്. അമ്മയുടെ സംരക്ഷണം അത്യന്താപേക്ഷിതമായ സമയം കുഞ്ഞിനെ ഉപേക്ഷിച്ച് പോയതിന് പാങ്ങോട് പൊലീസ് ബാലസംരക്ഷണ നിയമപ്രകാരം സോണിയയെ അറസ്റ്റ് ചെയ്യുകയായിരുന്നു.

തുടർന്ന് നെടുമങ്ങാട് കോടതിയിൽ ഹാജരാക്കുകുയും കോടതി റിമാൻഡ് ചെയ്യുകയും ചെയ്തു. കുഞ്ഞിനെ ഉപേക്ഷിക്കാൻ സോണിയയെ പ്രേരിപ്പിച്ചെനന്ന കുറ്റം ചുമത്തി കാമുകന് എതിരെയും പൊലീസ് കേസെടുത്തു. ഇതിനൊപ്പമാണ് പ്രവീണ-സജിത്ത് ഒളിച്ചോട്ടവും ചർച്ചയാകുന്നത്. മക്കളെ ഉപേക്ഷിച്ചുള്ള ഒളിച്ചോട്ടം വർധിച്ച സാഹചര്യത്തിലാണ് പൊലീസ് ജുവനൈൽ ജസ്റ്റിസ് നിയമം കർക്കശമാക്കിയിരുന്നു. കുഞ്ഞുങ്ങളെ ഉപേക്ഷിച്ച് ഒളിച്ചോടുന്നവർക്കെതിരെ ജുവനൈൽജസ്റ്റിസ് ആക്റ്റ് പ്രകാരം ജാമ്യമില്ലാ വകുപ്പ് ചുമത്തി കേസെടുക്കുകയാണ് പതിവ്. സാധാരണ ഒളിച്ചോടുന്ന യുവതീയുവാക്കളെ കോടതിയിൽ ഹാജരാക്കുമ്പോൾ അവരുടെ ഇഷ്ടത്തിനനുസരിച്ച് പോകാൻ അനുവദിക്കാറാണ് പതിവ്. എന്നാൽ മക്കളെ ഉപേക്ഷിച്ച് ഒളിച്ചോടുന്നവർ ഇനി ജയിലിലേയ്ക്കാവും പോകേണ്ടി വരിക എന്ന സ്ഥതിയിലേക്ക് കാര്യങ്ങൾ മാറിയിട്ടുണ്ട്.

അടുത്തിടെ നിരവധിപേർ ഇങ്ങനെ പൊലീസ് കേസിൽ കുടുങ്ങി അഴുക്കുള്ളിലായിരുന്നു. പെൺമക്കളെ ഉപേക്ഷിച്ച് നാടുവിട്ടശേഷം മറ്റൊരു പെൺകുട്ടിയുമായി ജീവിതം ആരംഭിച്ച ദേവികുളത്തെ പിതാവിനെയും അടുത്തിടെ പൊലീസ് ജയിലിൽ ആക്കിയിരുന്നു. കണ്ണൻദേവൻ കബനി ഗൂഡാർവിള എസ്റ്റേറ്റിൽ മാനില ഡിവിഷനിൽ താമസിക്കുന്ന ബാസ്റ്റിന്റെ മകൻ ആനന്ദിനെയാണ് ദേവികുളം പൊലീസ് അറസ്റ്റ് ചെയ്ത് ജയിലടച്ചത്.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP