Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202113Thursday

ബംഗാളികളിൽ നിന്ന് സ്വന്തം ആവശ്യത്തിന് വാങ്ങിയതെന്ന് മൊഴി; എക്‌സൈസ് പിടിച്ച ആക്ഷൻ ഹീറോ ബിജുവിലെ വില്ലൻ ക്വട്ടേഷൻ ഗുണ്ടയെന്നും കണ്ടെത്തൽ; കത്തി കയ്യിൽ സൂക്ഷിക്കുന്നത് സ്വയം രക്ഷയ്ക്ക്; ലൊക്കേഷനുകളിലെ സ്ഥിര സാന്നിധ്യത്തെ പിടികൂടിയത് മയക്കു മരുന്നുമായി; പ്രസാദ് ചർച്ചയാക്കുന്നതും സിനിമയിലെ ലഹരി

ബംഗാളികളിൽ നിന്ന് സ്വന്തം ആവശ്യത്തിന് വാങ്ങിയതെന്ന് മൊഴി; എക്‌സൈസ് പിടിച്ച ആക്ഷൻ ഹീറോ ബിജുവിലെ വില്ലൻ ക്വട്ടേഷൻ ഗുണ്ടയെന്നും കണ്ടെത്തൽ; കത്തി കയ്യിൽ സൂക്ഷിക്കുന്നത് സ്വയം രക്ഷയ്ക്ക്; ലൊക്കേഷനുകളിലെ സ്ഥിര സാന്നിധ്യത്തെ പിടികൂടിയത് മയക്കു മരുന്നുമായി; പ്രസാദ് ചർച്ചയാക്കുന്നതും സിനിമയിലെ ലഹരി

പ്രകാശ് ചന്ദ്രശേഖർ

കൊച്ചി: എറണാകുളം നോർത്ത് പരമാര റോഡിൽ നിന്ന് മയക്കുമരുന്നുമായി സിനിമ-സീരിയൽ നടനെ എക്സൈസ് പിടികൂടിയത് കത്തിയുമായി. തൃക്കാക്കര പള്ളിലാംകര സ്വദേശി കാവുങ്കൽകാവ് വീട്ടിൽ പ്രസാദിനെ (40) യാണ് എറണാകുളം എക്സൈസ് സർക്കിൾ ഇൻസ്പെക്ടർ അറസ്റ്റ് ചെയ്തത്.

2.5 ഗ്രാം ഹാഷിഷ് ഓയിൽ, 0.1 ഗ്രാം ബ്രൂപിനോർഫിൻ, 15 ഗ്രാം കഞ്ചാവ്, വളയൻ കത്തി എന്നിവ ഇയാളിൽനിന്ന് പിടിച്ചെടുത്തു. ആക്ഷൻ ഹീറോ ബിജു ഉൾപ്പെടെയുള്ള സിനിമകളിൽ പ്രസാദ് വില്ലൻ വേഷം അവതരിപ്പിച്ചിട്ടുണ്ട്. സ്വന്തം ഉപയോഗത്തിന് കൈയിൽ കരുതിയതാണ് മയക്കു മരുന്ന് എന്നാണ് നൽകിയ മൊഴി. ബംഗാളികളിൽ നിന്നാണ് ഇത് വാങ്ങിയതെന്നാണ് വെളിപ്പെടുത്തൽ.

എറണാകുളം സിഐ അൻവർ സാദത്തും പാർട്ടിയും ചേർന്നാണ് പസാദിനെ(40) അറസ്റ്റ് ചെയ്തത്. ഇയാളുടെ പേരിൽ വിവിധ പൊലീസ് സ്റ്റേഷനുകളിൽ 15 ലധികം കേസുകൾ ഉണ്ട്. ആക്ഷൻ ഹീറോ ബിജു, ഇബ, കർമനി എന്നി സിനിമകളിൽ വില്ലൻവേഷം അവതരിപ്പിച്ചിട്ടുണ്ട്. ഇയാൾ ക്വട്ടേഷൻ ഗുണ്ടായാണെന്ന് എക്‌സൈസ് പറയുന്നത്. പല ഭാഗത്തു നിന്നും ഭീഷണിയുണ്ട്. അതുകൊണ്ടാണ് കത്തി കരുതിയതെന്നാണ് നൽകിയ മൊഴി.

ചെറിയ അളവിൽ മയക്കുമരുന്നാണ് പിടിച്ചെടുത്തത്. അതുകൊണ്ട് തന്നെ സ്വന്തം ഉപയോഗത്തിനാണ് ഇത് കരുതിയതെന്ന മൊഴി വിശ്വസിക്കുകയാണ് എക്‌സൈസ്. പ്രതിക്കെതിരെ നർക്കോട്ടിക്ക് ഡ്രഗ്സ് ആൻഡ് സൈക്കോഡ്രാപിക്ക് സബ്സ്റ്റൻസ് വകുപ്പു പ്രകാരം കേസെടുത്തു. മുൻപ് നിരവധി അക്രമ കേസുകളുമായി ബന്ധപ്പെട്ട് വിവിധ സ്റ്റേഷനുകളിൽ കേസുകൾ നിലവിലുള്ള ആളാണ് പ്രസാദ്. നിരവധി സീരിയലുകളിലും അഭിനയിച്ചിട്ടുണ്ട്.

സിനിമയിൽ ലഹരിമാഫിയായുടെ പ്രവർത്തനം സജീവമാണന്ന് മുൻപേ റിപ്പോർട്ടുകൾ ഉണ്ടായിരുന്നു. ലഹരിപാർട്ടികളിൽ സിനിമാ പ്രവർത്തകരുടെ സാന്നിധ്യവും ചർച്ചയായിരുന്നു. മുൻപ് കാക്കനാട്ടെ ഫ്ളാറ്റിൽ നിന്ന് ഒരു സിനിമാ പ്രവർത്തകൻ നഗ്‌നനായി ഇറങ്ങിയോടിയത് ഏറെ വിവാദമായിരുന്നു. മറ്റൊരു പ്രമുഖ നടൻെ്റ പേരിലും ആരോപണം ഉയർന്നിരുന്നു.

എറണാകുളത്തെ ഒരു ഡിജെ പാർട്ടിയിൽ നിന്നും കഴിഞ്ഞ ദിവസവും മയക്കുമരുന്ന് പിടിച്ചിരുന്നു. ഇപ്പോൾ പിടിയിലായ പ്രസാദ് നിരവധി സിനിമാ ലോക്കേഷനുകളിൽ എത്തിയിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP