Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202030Friday

പുരുഷന്മാർക്ക് ഒരേ സമയം നാല് ഭാര്യമാരാകാമെങ്കിൽ സ്ത്രീകൾക്ക് എന്തുകൊണ്ട് നാല് ഭർത്താക്കന്മാരായിക്കൂടെ എന്ന് ജസ്റ്റിസ് കെമാൽപാഷ ചോദിച്ചത് പ്രകോപനമാക്കി; പ്രണയത്തിന്റെ പേരിലെ നിർബന്ധിത മതംമാറ്റങ്ങളെ ചോദ്യം ചെയ്തതും നെടുമ്പാശേരി കടത്തിലെ പ്രതികളെ തുറന്നു കാട്ടിയതും ജസ്റ്റീസ് കെടി ശങ്കരനേയും ശത്രുവാക്കി; പിന്നെ സുരേന്ദ്രനും ഉണ്ണിരാജയും; കനകമലയിൽ ആസൂത്രണം ചെയ്തത് കേരളത്തെ കത്തിക്കാൻ; ജോർജിയയിൽ നിന്ന് പൊളക്കാനിയെ പൊക്കുന്നത് സ്വർണ്ണ കടത്ത് കേസിലും നിർണ്ണായകമാകും

പുരുഷന്മാർക്ക് ഒരേ സമയം നാല് ഭാര്യമാരാകാമെങ്കിൽ സ്ത്രീകൾക്ക് എന്തുകൊണ്ട് നാല് ഭർത്താക്കന്മാരായിക്കൂടെ എന്ന് ജസ്റ്റിസ് കെമാൽപാഷ ചോദിച്ചത് പ്രകോപനമാക്കി; പ്രണയത്തിന്റെ പേരിലെ നിർബന്ധിത മതംമാറ്റങ്ങളെ ചോദ്യം ചെയ്തതും നെടുമ്പാശേരി കടത്തിലെ പ്രതികളെ തുറന്നു കാട്ടിയതും ജസ്റ്റീസ് കെടി ശങ്കരനേയും ശത്രുവാക്കി; പിന്നെ സുരേന്ദ്രനും ഉണ്ണിരാജയും; കനകമലയിൽ ആസൂത്രണം ചെയ്തത് കേരളത്തെ കത്തിക്കാൻ; ജോർജിയയിൽ നിന്ന് പൊളക്കാനിയെ പൊക്കുന്നത് സ്വർണ്ണ കടത്ത് കേസിലും നിർണ്ണായകമാകും

മറുനാടൻ മലയാളി ബ്യൂറോ

കൊച്ചി: കനകമലയിലെ രഹസ്യ യോഗത്തിൽ ഐസിസിന്റെ കണ്ണിലെ കരടായി മാറിയത് അന്ന് ഹൈക്കോടതി ജഡ്ജിമാരായിരുന്ന ജസ്റ്റീസ് കെമാൽപാഷയും ജസ്റ്റീസ് കെടി ശങ്കരനും. മുസ്ലിം വ്യക്തി നിയമത്തെ വിമർശിച്ചതാണ് കെമാൽപാഷയെ ഐസിസിന്റെ ശത്രുപക്ഷത്ത് എത്തിച്ചത്. ലൗജിഹാദിൽ മുസ്ലിം മതവിഭാഗത്തെ പ്രതിക്കൂട്ടിൽ നിർത്തിയത് ജസ്റ്റീസ് കെ ടി ശങ്കരന്റെ വാക്കുകളായിരുന്നു. ഇതും കെമാൽപാഷയേയും ശങ്കരനേയും വകരുത്താൻ തന്ത്രങ്ങൾ തയ്യാറാക്കുന്നതിലേക്ക് ഐസിസിന്റെ കേരളത്തിലെ പ്രധാനികളെ ചിന്തിപ്പിച്ചു. ബിജെപി നേതാവ് കെ സുരേന്ദ്രനും എറണാകുളം റൂറൽ എസ്‌പി ഉണ്ണിരാജയ്ക്കുമൊപ്പാണ് കെമാൽപാഷയേയും ജസ്റ്റീസ് ശങ്കരനേയും വകവരുത്താൻ കനകമലയിലെ യോഗത്തിനെത്തിയവർ ആസൂത്രണം നടത്തിയത്. ഇതാണ് എൻഐഎ പൊളിച്ചതും. മുഹമ്മദ് പൊളക്കാനി പിടിയിലാകുമ്പോൾ ഈ കേസ് വീണ്ടും ചർച്ചയാവുകയാണ്. സ്വർണ്ണ കടത്തിലെ തീവ്രവാദ വഴിയും കൂടുതൽ തെളിയാനുള്ള സാധ്യതയാണ് ഉയരുന്നത്.

ജസ്റ്റി്സ് ബി കെമാൽപാഷ നടത്തിയ മുസ്ലിം വ്യക്തി നിയമം സംബന്ധിച്ച പരാമർശം ഏറെ ചർച്ചയായിരുന്നു. മുസ്ലിം വ്യക്തി നിയമത്തിൽ സ്ത്രീകളുടെ നേർക്ക് കടുത്ത വിവേചനമാണ് നിലനിൽക്കുന്നതെന്ന് പറഞ്ഞ അദ്ദേഹം, വ്യക്തിനിയമത്തിൽ കൂടുതൽ പരിഗണന കിട്ടുന്നത് പുരുഷന്മാർക്കാണെന്നും ഇങ്ങനെയുള്ള പുരുഷാധിപത്യത്തിന് വഴിയൊരുക്കിയത് മതമേലധ്യക്ഷന്മാരാണെന്നും ആഞ്ഞടിച്ചു. ഖുർആനിൽ പറയുന്ന അവകാശങ്ങൾ പോലും സ്ത്രീകൾക്ക് ലഭിക്കുന്നില്ലെന്നും ജസ്റ്റിസ് കെമാൽപാഷ പറഞ്ഞിരുന്നു. പുരുഷന്മാർക്ക് ഒരേ സമയം നാല് ഭാര്യമാരാകാമെങ്കിൽ സ്ത്രീകൾക്ക് എന്തുകൊണ്ട് നാല് ഭർത്താക്കന്മാരായിക്കൂടെ എന്ന് ജസ്റ്റിസ് കെമാൽപാഷ ചോദിച്ചു. വിവാഹം കഴിച്ചെത്തുന്ന വീടിനുമേൽ പെൺകുട്ടിക്കുള്ള അവകാശം ഉൾപ്പെടെയുള്ള കാര്യങ്ങളിൽ വ്യക്തമായ നിർവചനമില്ലാതെ ഗാർഹിക പീഡന നിരോധ നിയമത്തിന് പൂർണമായ ഫലപ്രാപ്തിയുണ്ടാകില്ല. ഗാർഹിക പീഡനങ്ങളിൽ നിന്ന് രക്ഷ നേടണമെങ്കിൽ സ്ത്രീകൾ തന്നെ മുന്നോട്ടിറങ്ങണമെന്നും അദ്ദേഹം വ്യക്തമാക്കിയിരുന്നു.

പ്രണയത്തിന്റെ പേരിൽ നിർബന്ധിത മതംമാറ്റങ്ങൾ നടക്കുന്നതായും ഇത് തടയാൻ നിയമനിർമ്മാണം ആലോചിക്കണമെന്നും 2009 ഡിസംബറിൽ കേരള ഹൈക്കോടതി ജഡ്ജി കെ.ടി. ശങ്കരൻ വ്യക്തമാക്കിയിരുന്നു. ചില സംഘടനകളുടെ സഹായത്തോടെ ആസൂത്രിതമായി ഒരു പ്രത്യേക മതത്തിലേക്ക് പ്രണയത്തിലൂടെയുള്ള മതംമാറ്റം നടക്കുന്നു. നാല് വർഷത്തിനിടെ നാലായിരത്തോളം പ്രണയ മതംമാറ്റങ്ങൾ നടന്നു. 1996 മുതൽ ചില മുസ്ലിം സംഘടനകൾ ഇത്തരത്തിലുള്ള പ്രവർത്തനം തുടങ്ങിയതായാണ് മനസിലാക്കാൻ സാധിക്കുന്നതെന്നും കോടതി നിരീക്ഷിച്ചു. അന്വേഷണ ഏജൻസികൾ കോടതിയിൽ ഹാജരാക്കിയ റിപ്പോർട്ടിന്റെ അടിസ്ഥാനത്തിൽ ജസ്റ്റിസ് ശങ്കരൻ നടത്തിയ പരാമർശം പ്രണയ ഭീകരതയുടെ ആഴം അനാവൃതമാക്കിയെന്ന് ഹിന്ദു സംഘടനകൾ ഉയർത്തിക്കാട്ടിയിരുന്നു.

ഇതിനൊപ്പമാണ് കോഫെപോസ കേസിൽ കരുതൽ തടവുകാരായ പ്രതികളെ വിട്ടുകിട്ടണമെന്നാവശ്യപ്പെട്ടു സമർപ്പിച്ച ഹേബിയസ് കോർപസ് ഹർജി പരിഗണിക്കുന്നതിൽ നിന്നു ഹൈക്കോടതി ജഡ്ജി ജസ്റ്റീസ് കെ.ടി. ശങ്കരൻ അടുത്തിടെ പിന്മാറിയതും തീവ്ര നിലപാടുകരെ കുറ്റപ്പെടുത്തുന്ന തരത്തിലായിരുന്നു. നെടുമ്പാശേരിയിൽ സ്വർണക്കടത്ത് നടത്തിയെന്ന കേസിലെ പ്രതികളുടെ കരുതൽ തടങ്കൽ ഒഴിവാക്കാൻ 25 ലക്ഷം രൂപ വാഗ്ദാനം നൽകിയെന്നും ഈ സാഹചര്യത്തിൽ ഹർജി പരിഗണിക്കുന്നതിൽ നിന്നു പിന്മാറുകയാണെന്നും ജസ്റ്റീസ് കെ.ടി. ശങ്കരൻ കോടതിയിൽ അറിയിക്കുകയായിരുന്നു. ഈ കേസിനും തീവ്രവാദ ബന്ധമുണ്ടെന്ന് എൻഐഎ കണ്ടെത്തിയിരുന്നു. സ്വർണ്ണ കടത്ത് കേസിനു പിന്നിലും ഈ സംഭവത്തിന് ബന്ധമുണ്ടോ എന്ന് എൻഐഎ പരിശോധിക്കുന്നുണ്ട്. ഈ കേസുമായി ബന്ധപ്പെട്ട മറ്റൊരു ജസ്റ്റീസ് നിരീക്ഷണത്തിലാണെന്ന റിപ്പോർട്ടുകളും ഏറെ വിവാദമായിരുന്നു.

കണ്ണൂരിലെ പാനൂർ മേക്കുന്ന് കനകമലയിൽ നിന്നു ദേശീയ അന്വേഷണസംഘം (എൻ.ഐ.എ) പിടികൂടിയ കണ്ണൂർ ചൊക്ലി അണിയാറത്ത് മദീന മഹലിൽ മൻസീദ് (30) ആഗോള ഭീകരസംഘടനയായ ഇസ്ലാമിക് സ്റ്റേറ്റ് (ഐ.എസ്) കേരളഘടകത്തിന്റെ ഓപ്പറേഷൻസ് മേധാവി. ഉമ്മർ അൽ ഹിന്ദി, മുത്തുക്ക, ഹദ്ദൂദ് എന്നീ പേരുകളിലറിയപ്പെടുന്ന ഇയാളാണു കേരളത്തിൽ ഐ.എസ്. പ്രവർത്തനങ്ങൾ ഏകോപിപ്പിച്ചതും തീവ്രവാദ ആശയങ്ങൾ പരസ്പരം പങ്കുവയ്ക്കാൻ സാമൂഹികമാധ്യമമായ ടെലിഗ്രാമിൽ അക്കൗണ്ട് തുടങ്ങിയതും. ഇയാളുടെ നേതൃത്വത്തിലാണ് നാല് പേരേയും കൊലപ്പെടുത്താൻ തന്ത്രങ്ങൾ മെനഞ്ഞത്. തീവ്രസ്വഭാവമുള്ള ഒരു മുസ്ലിം സംഘടനയുമായി ഉറ്റബന്ധമുള്ള യുവാക്കളെ സംഘടിപ്പിച്ചാണു മൻസീദ് കേരളത്തിൽ ഐസിസ് പ്രവർത്തനങ്ങൾക്ക് നേതൃത്വം നൽകിയത്. ഇതിന് പിന്നിലെ ബുദ്ധിയൊരുക്കൽ മുഹമ്മദ് പൊളക്കാനിയായിരുന്നു.

തുടക്കത്തിൽ 20 പേരുള്ള ദൗത്യസംഘമായിരുന്നു. രഹസ്യസ്വഭാവം കാത്തുസൂക്ഷിക്കാൻ അംഗസംഖ്യ പിന്നീടു പതിനാറായി ചുരുക്കി. ടെലിഗ്രാമിലായിരുന്നു ആശയവിനിമയം. ഫേസ്‌ബുക്കിലും വ്യാജവിലാസത്തിൽ മൻസീദ് അക്കൗണ്ട് തുടങ്ങി. ഇതിനെല്ലാം പിന്നിൽ പൊളക്കാനിയുടെ ബുദ്ധിയായിരുന്നു. കമ്പ്യൂട്ടർ വിദഗ്ധരും വിദ്യാസമ്പന്നരുമായ യുവാക്കളെ ഐസിസിൽ ചേർക്കാനാണ് ഇവർ ശ്രമിച്ചിരുന്നത്. മലയാളത്തിൽ ഐസിസ്. ആശയങ്ങൾ പ്രചരിപ്പിക്കാൻ ബ്ലോഗ് തുടങ്ങിയതും പൊളക്കാനിയുടെ നിർദ്ദേശം അനുസരിച്ച് മസൂദിന്റെ നേതൃത്വത്തിലാണെന്നു ദേശീയ അന്വേഷണ ഏജൻസി (എൻ.ഐ.എ) സംശയിക്കുന്നു. വിദേശരാജ്യങ്ങളിൽനിന്ന് ഇവർക്കു വൻതോതിൽ പണമെത്തിയിരുന്നു.

കനകമലയിൽ കോയമ്പത്തൂർ, തൃശൂർ,മലപ്പുറം, കോഴിക്കോട് സ്വദേശികളെ എത്തിച്ചതും, സൗകര്യം ചെയ്തുകൊടുത്തതും സമീപവാസി അണിയാരത്തെ മൻസീദായിരുന്നുവെന്ന് അന്വേഷണ സംഘം കണ്ടെത്തിയിരുന്നു. ആളുകൾ കൂടുതൽ ശ്രദ്ധകേന്ദ്രീകരിക്കില്ലെന്ന് ഉറപ്പുള്ളതിനാലാണ് ഈ സുരക്ഷിതകേന്ദ്രം ഇവർ തിരഞ്ഞെടുത്തത്. എൻഐഎയുടെ നിരീക്ഷണം ഇവർ മനസ്സിലാക്കിയിരുന്നില്ല. ഇതാണ് വിനയായി മാറിയതും കനകമല ഗൂഢാലോചനയെ പൊളിച്ചതും.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP