'താത്ത'യിൽ നിന്നും പെൺവാണിഭത്തിൽ ഹരിശ്രീ കുറിക്കുന്നത് പതിനേഴാം വയസ്സിൽ; റെന്റ് എ കാർ...

'താത്ത'യിൽ നിന്നും പെൺവാണിഭത്തിൽ ഹരിശ്രീ കുറിക്കുന്നത് പതിനേഴാം വയസ്സിൽ; റെന്റ് എ കാർ സ്ഥാപന ഉടമ എന്ന പേരിൽ വീടുകൾ വാടകയ്‌ക്കെടുത്തത് സമ്പന്നരുടെ കേന്ദ്രങ്ങളിൽ; ആഡംബര ജീവിതം നയിച്ച സുഷി പൊലീസ് പിടിയിലായത് കെണി മനസ്സിലാക്കിയ 19 കാരി പരാതി നൽകിയതോടെ; 'മാലാഖ'മാർക്കൊപ്പം 'ചായ' കുടിക്കാനെത്തിയ 'തേനീച്ച'കൾ ഓടിയത് ഉടുതുണി ഇല്ലാതെയും

January 29, 202007:37 PM IST Permalink

മറുനാടൻ മലയാളി ബ്യൂറോ

കൊച്ചി: ഇരിങ്ങാലക്കുട കിഴുത്താണിയിലെ സെക്‌സ് റാക്കറ്റിന് നേതൃത്വം നൽകിയ കൊടുങ്ങല്ലൂർ പെരിഞ്ഞനം പൊന്മാനിക്കുടം കീഴ്പ്പുള്ളി സുഷിൻ എന്ന സുഷി പെൺവാണിഭത്തിന് തുടക്കം കുറിക്കുന്നത് തന്റെ പതിനേഴാം വയസ്സിൽ. സ്വകാര്യ ബസിലെ ജീവനക്കാരനായിരിക്കെ പരിചയത്തിലായ 'താത്ത ' എന്നറിയപ്പെടുന്ന സ്ത്രീയുമായി ചേർന്നാണ് ഇയാൾ പെൺവാണിഭം ആരംഭിക്കുന്നത്. ജില്ലയിലെ വിവിധ സ്റ്റേഷനുകളിൽ ക്രിമിനൽ കേസുകളിൽ പ്രതിയാണ് സുഷി. റിയൽ എസ്റ്റേറ്റ് വ്യാപാരി, കാർ റെന്റ് സ്ഥാപന ഉടമ എന്നൊക്കെ പരിചയപ്പെടുത്തി വീട് വാടകയ്‌ക്കെടുത്താണ് പെൺവാണിഭം നടത്തിയിരുന്നത്.

നേരത്തെ ബസ് ക്ലീനറായിരുന്നു സുഷി. കൂലിത്തല്ലും മറ്റുമായിരുന്നു അന്ന് പ്രധാന ജോലി. കേസിൽ പെട്ടതോടെ കർണാടകത്തിലേക്കു കടന്ന സുഷി മാസങ്ങൾക്കു ശേഷം തിരിച്ചെത്തി പെരിന്തൽമണ്ണയിൽ കുറേ നാൾ താമസിച്ചു. പിന്നീട് കയ്പമംഗലം, ഇരിങ്ങാലക്കുട ഭാഗങ്ങളിൽ താമസിച്ച് പെൺവാണിഭ സംഘത്തിനു നേതൃത്വം നൽകുകയായിരുന്നു. ഇയാളുടെ ഇടപാടുകളെക്കുറിച്ച് അറിവു ലഭിച്ച പൊലീസ് ദിവസങ്ങളായി നിരീക്ഷിച്ചു വരികയായിരുന്നു. കിഴുത്താണിയിൽ ഇയാൾ താമസിക്കുന്ന സ്ഥലം തിരിച്ചറിഞ്ഞ് ആൾ സ്ഥലത്ത് ഉണ്ടെന്ന് ഉറപ്പു വരുത്തിയ ശേഷമാണ് വീടു വളഞ്ഞതും പ്രതിയെ ഓടിച്ചുപിടിച്ചതും.

Stories you may Like

മൊബൈൽ നമ്പർ ശേഖരിച്ച് പെൺകുട്ടികളുടെ ചിത്രങ്ങൾ അയച്ച് നൽകി ആവശ്യക്കാരിൽനിന്നും തുക മുൻകൂർ വാങ്ങിയാണ് ഇടപാടുകൾ നടത്തിവന്നിരുന്നത്. ഇതിനായി നിരവധി ഫോണുകളും സിം കാർഡുകളും ഇയാൾ ഉപയോഗിച്ചിരുന്നു. വിദേശ മലയാളികളും മറ്റുമാണ് പ്രധാന ഇടപാടുകാർ. ഇടപാടുകാരിലൊരാളാണ് പിടിയിലായ അനീഷ്. ഇരുവരെയും കഴിഞ്ഞ ദിവസം പൊലീസ് പിടികൂടിയത് പിന്നാലെ ഓടിയിട്ടാണ്. ഇവരെ പിടികൂടാൻ ശ്രമിക്കുമ്പോൾ സുഷി ഓടി മതിലുകൾ ചാടിക്കടന്ന് രക്ഷപ്പെടാൻ ശ്രമിച്ചു. വിട്ടുകൊടുക്കാതെ പൊലീസും മതിൽ ചാടിക്കടന്നതോടെയാണ് പ്രതികൾ പിടിയിലായത്.

എല്ലാത്തിനും കോഡ് ഭാഷ

കോഡ് ഭാഷകൾ ഉപയോഗിച്ചാണ് ഇടപാടുകാരുമായി സുഷി ബന്ധപ്പെട്ടിരുന്നത്. പൊലീസിന്റെ പിടിയിലായ സംഘത്തിന്റെ മുഖ്യകണ്ണിയുടെ ഫോൺ പരിശോധിച്ചപ്പോൾ കണ്ട സന്ദേശങ്ങളിലാണ് ഈ കോഡുകൾ പൊലീസ് കണ്ടെത്തിയത്. 'മാലാഖ' വന്നിട്ടുണ്ട്, 'ചായ കുടി'ക്കാൻ പോരേ 'ഹണിബീ' എന്ന സന്ദേശം യുവതിയുടെ ഫോട്ടോയ്‌ക്കൊപ്പം ഏതാണ്ട് 70 പേർക്ക് അയച്ചു കൊടുത്തിട്ടുണ്ട്. എസ്‌കോർട്ട്, ഗൈഡ്, തുടങ്ങിയ കോഡ് വാക്കുകളും സംഘം ഉപയോഗിക്കുന്നുണ്ടെന്നു വ്യക്തമായതായി പൊലീസ് പറയുന്നു.

മോഡലിങ്ങിന് അവസരം നൽകുമെന്ന വാഗ്ദാനം വിശ്വസിച്ചെത്തിയ 19 കാരി കെണി തിരിച്ചറിഞ്ഞ് പരാതിപ്പെട്ടതോടെയാണ് സംഘത്തെക്കുറിച്ചു പൊലീസിനു വിവരം ലഭിക്കുന്നത്. പെൺകുട്ടിയെ പീഡിപ്പിക്കുകയും പലർക്കും കാഴ്ച വയ്ക്കുകയും ചെയ്‌തെന്നായിരുന്നു പരാതി. നേരത്തെ പിടിയിലായ കൂടപ്പുഴ സ്വദേശി ഡിസ്‌കോ ജോക്കിയായ അജിത് വഴിയാണ് യുവതി പ്രതിയുമായി പരിചയത്തിലായതും കെണിയിൽ പെട്ടതും.

ഈ പെൺകുട്ടിയുടെ പടമാണ് വാട്‌സാപ് അടക്കമുള്ള സമൂഹമാധ്യമങ്ങളിലൂടെ അയച്ചു കൊടുത്ത് പലരിൽനിന്നും പ്രതികൾ പണം തട്ടിയെടുക്കുന്നത്. ഇവരുടെ വലയിലുള്ള നിരവധി പെൺകുട്ടികളുടെ ഫോൺ നമ്പരുകളും ഫോട്ടോകളും പൊലീസ് കണ്ടെടുത്തിട്ടുണ്ട്. പെൺകുട്ടിയെ ലൈംഗികമായി പീഡിപ്പിച്ചെന്ന പരാതിയിലാണ് അനീഷിനെ പൊലീസ് പിടികൂടിയത്.

പെൺകുട്ടിയിൽ നിന്നും കിട്ടിയ വിവരമനുസരിച്ച് പൊലീസ് എത്തുമ്പോൾ കോഴിക്കോട് സ്വദേശിയായ യുവതിയും ചില ഇടപാടുകാരും വീട്ടിൽ ഉണ്ടായിരുന്നു. പൊലീസ് എത്തിയതോടെ തുണി പോലും എടുക്കാതെ എല്ലാവരും നാലുപാടും ഓടി. എന്നാൽ ഇടപാടുകാരനായ അനീഷും നടത്തിപ്പുകാരനായ സുഷിയും പിടിയിലാകുകയായിരുന്നു.

പെൺവാണിഭം നടത്തിയിരുന്നത് സമ്പന്നരുടെ കേന്ദ്രങ്ങളിൽ

സമ്പന്നരായ ആളുകൾ താമസിക്കുന്ന സ്ഥലങ്ങളിൽ വീട് വാടകയ്‌ക്കെടുത്താണ് ഇയാൾ പെൺവാണിഭം നടത്തിയിരുന്നത്. റിയൽ എസ്റ്റേറ്റ് ബിസിനസ്, യൂസ്ഡ് വാഹനക്കച്ചവടം തുടങ്ങിയ ഇടപാടുകളാണെന്നു പറഞ്ഞാണ് സുഷി സമ്പന്നരായ ആളുകൾ താമസിക്കുന്ന പ്രദേശത്ത് വീട് വാടകയ്‌ക്കെടുത്തിരുന്നത്. അതുകൊണ്ടുതന്നെ ഇവിടെ വാഹനങ്ങൾ വന്നു പോകുന്നത് അയൽവാസികൾ കാര്യമാക്കിയിരുന്നില്ല. ഒടുവിൽ പൊലീസ് എത്തിയപ്പോഴാണ് നാട്ടുകാർ കാര്യമറിഞ്ഞത്. വിദേശ മലയാളികളും മറ്റുമാണ് ഇവരുടെ പ്രധാന ഇടപാടുകാരെന്ന് പൊലീസ് പറയുന്നു. ഓൺലൈനിൽ ആവശ്യക്കാർ ബന്ധപ്പെടുമ്പോൾ ചിത്രങ്ങൾ അയച്ചു കൊടുത്താണ് അവരെ വലയിലാക്കിയിരുന്നത്. പണം മുൻകൂർ വാങ്ങുന്നതാണ് പതിവ്. ഇങ്ങനെ സമ്പാദിച്ച പണമത്രയും ആഡംബര ജീവിതത്തിനു ചെലവഴിച്ചെന്നാണ് ഇയാൾ പൊലീസിനോടു പറഞ്ഞത്.

തേനീച്ചകളെല്ലാം കുടുങ്ങും

മാലാഖമാരെ തേടിയെത്തിയ 'തേനീച്ചകളെല്ലാം വലയിലാകും എന്നാണ് വിവരം. സുഷി പെൺവാണിഭത്തിന് ഇരയാക്കിയവരിൽ പ്രായപൂർത്തിയാകാത്ത പെൺകുട്ടികൾ ഉൾപ്പെട്ടിട്ടുണ്ടോ എന്നും അന്വേഷണ സംഘം പരിശോധിക്കും. അങ്ങനെയെങ്കിൽ ഇടപാടുകാരെ കാത്തിരിക്കുന്നതും മുട്ടൻ പണിയാണ്. വരും ദിവസങ്ങളിൽ കൂടുതൽ സ്ത്രീകൾ പെൺവാണിഭ സംഘത്തെ കുറിച്ചുള്ള പരാതിയുമായി എത്താനുള്ള സാധ്യതയും പൊലീസ് തള്ളിക്കളയുന്നില്ല. സുഷിയുടെ ഫോണിൽ നമ്പറുള്ള യുവതികളുടെയും യുവാക്കളുടെയും വിശദവിവരങ്ങൾ ശേഖരിച്ചിട്ടുണ്ട്. ഇവരെക്കുറിച്ച് കൂടുതൽ അന്വേഷണം നടത്തുമെന്ന് എസ്‌ഐ പി.ഡി. അനിൽകുമാർ പറഞ്ഞു.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +