Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202218Thursday

മൂന്നു വർഷമായി തുടർന്ന പ്രണയത്തിൽ നിന്നും പിന്മാറിയത് പകയായി; യുവതിയുടെ നഗ്നചിത്രങ്ങൾ പുതിയ കാമുകന് അയച്ചുകൊടുത്ത് യുവാവ്; ഇരുവരും ചിത്രങ്ങൾ യുവതിയുടെ കുടുംബത്തിനും കൈമാറി സമൂഹമാധ്യമത്തിലൂടെ പ്രചരിപ്പിച്ചു;മൂന്നാറിൽ യുവതിയുടെ നഗ്‌ന ചിത്രങ്ങൾ പ്രചരിപ്പിച്ച സംഭവത്തിൽ ഒരാൾ കൂടി അറസ്റ്റിൽ

മൂന്നു വർഷമായി തുടർന്ന പ്രണയത്തിൽ നിന്നും പിന്മാറിയത് പകയായി; യുവതിയുടെ നഗ്നചിത്രങ്ങൾ പുതിയ കാമുകന് അയച്ചുകൊടുത്ത് യുവാവ്; ഇരുവരും ചിത്രങ്ങൾ യുവതിയുടെ കുടുംബത്തിനും കൈമാറി സമൂഹമാധ്യമത്തിലൂടെ പ്രചരിപ്പിച്ചു;മൂന്നാറിൽ യുവതിയുടെ നഗ്‌ന ചിത്രങ്ങൾ പ്രചരിപ്പിച്ച സംഭവത്തിൽ  ഒരാൾ കൂടി അറസ്റ്റിൽ

മറുനാടൻ മലയാളി ബ്യൂറോ

മൂന്നാർ: യുവതിയുടെ നഗ്‌നചിത്രങ്ങൾ സമൂഹമാധ്യമങ്ങൾ വഴി പ്രചരിപ്പിച്ച സംഭവത്തിൽ ഒരാൾകൂടി അറസ്റ്റിലായി. വണ്ടിപ്പെരിയാർ സ്വദേശി വി.സഞ്ജയിനെ (20) ആണ് മൂന്നാർ എസ്.എച്ച്.ഒ. മനേഷ് കെ.പൗലോസിന്റെ നേതൃത്വത്തിൽ അറസ്റ്റുചെയ്തത്.യുവതിയുടെ മുൻസുഹൃത്തായ കണ്ണൻദേവൻ കമ്പനി നല്ലതണ്ണി എസ്റ്റേറ്റിൽ ഈസ്റ്റ് ഡിവിഷനിൽ ഡി.സന്തോഷ് (27) കഴിഞ്ഞ ഏപ്രിൽ 19-ന് അറസ്റ്റിലായിരുന്നു.

ഇരുപതുകാരിയുടെ പരാതിയെത്തുടർന്നാണ് അറസ്റ്റ്. യുവതിയുമായി മൂന്നുവർഷമായി സന്തോഷ് പ്രണയത്തിലായിരുന്നു. എന്നാൽ, പിന്നീട് യുവതി ബന്ധമുപേക്ഷിച്ച് സഞ്ജയുമായി പ്രണയത്തിലായി. ഇതിന്റെ വൈരാഗ്യത്തിൽ സന്തോഷ് കൈവശമുണ്ടായിരുന്ന നഗ്‌നദൃശ്യങ്ങൾ സഞ്ജയിന് അയച്ചുകൊടുത്തു. തുടർന്ന് സഞ്ജയ് ഇവ യുവതിയുടെ ബന്ധുക്കൾക്കും അയച്ചുകൊടുത്തു. സമൂഹമാധ്യമങ്ങൾവഴി പ്രചരിപ്പിക്കുകയും ചെയ്തു.

അറസ്റ്റിലായ സന്തോഷിനെ ചോദ്യംചെയ്തതിൽനിന്ന് ദൃശ്യങ്ങൾ സഞ്ജയിന് അയച്ചുകൊടുത്തതായി മൊഴി നൽകിയിരുന്നു. പൊലീസ് ഫോൺ പിടിച്ചെടുത്ത് നടത്തിയ പരിശോധനയിലാണ് ദൃശ്യങ്ങൾ പ്രചരിപ്പിച്ചത് സഞ്ജയ് ആണെന്ന് കണ്ടെത്തിയത്. കോയമ്പത്തൂരിലെ സ്വകാര്യ കോളേജിലെ ബിരുദ വിദ്യാർത്ഥിയാണിയാൾ. ദേവികുളം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP