Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202218Thursday

പ്രവാസിയുടെ ഭാര്യയെ തൂങ്ങിമരിച്ച നിലയിൽ കണ്ടെത്തി; മരണം കുട്ടികളെ സ്‌കൂളിൽ വിട്ടതിന് പിന്നാലെ; മരണത്തിൽ ദുരൂഹതയെന്ന് ആരോപണം; ഭർതൃസഹോദരിക്കെതിരെ ഗുരുതര ആരോപണവുമായി ബന്ധുക്കൾ

പ്രവാസിയുടെ ഭാര്യയെ തൂങ്ങിമരിച്ച നിലയിൽ കണ്ടെത്തി; മരണം കുട്ടികളെ സ്‌കൂളിൽ വിട്ടതിന് പിന്നാലെ; മരണത്തിൽ ദുരൂഹതയെന്ന് ആരോപണം; ഭർതൃസഹോദരിക്കെതിരെ ഗുരുതര ആരോപണവുമായി ബന്ധുക്കൾ

മറുനാടൻ മലയാളി ബ്യൂറോ

കൊട്ടാരക്കര: ഭർതൃഗൃഹത്തിൽ യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. എഴുകോൺ ഇടക്കോട് കാവുവിള വീട്ടിൽ ഓമനക്കുട്ടന്റെയും ജാനമ്മയുടെയും മകൾ ഷീനയാണ് (34) മരിച്ചത്. പവിത്രേശ്വരം വഞ്ചിമുക്ക് മൂഴിയിൽ രഘുമന്ദിരത്തിൽ ഇന്നലെ രാവിലെ പതിനൊന്ന് മണിയോടെയാണ് മൃതദേഹം കണ്ടെത്തിയത്.

കുട്ടികളെ സ്‌കൂളിൽ വിട്ടശേഷം മുകളിലെ നിലയിലേക്ക് പോയ ഷീന തിരികെ വരാഞ്ഞതിനെ തുടർന്ന് അന്വേഷിച്ചപ്പോഴാണ് കിടപ്പുമുറിയിൽ തൂങ്ങി മരിച്ച നിലയിൽ കണ്ടെത്തിയത്. ഭർത്താവ് രാജേഷ് സൗദി അറേബ്യയിലാണ്. മൂന്നുമാസം മുമ്പാണ് നാട്ടിൽ വന്നശേഷം മടങ്ങിയത്. രാജേഷിന്റെ മാതാപിതാക്കൾക്കും സഹോദരിക്കും സഹോദരിയുടെ ഭർത്താവിനുമൊപ്പമാണ് ഷീന താമസിച്ചിരുന്നത്.

മരണത്തിൽ ദുരൂഹതയുണ്ടെന്ന് യുവതിയുടെ ബന്ധുക്കൾ ആരോപിച്ചു. രാജേഷിന്റെ സഹോദരി ഷീനയെ മർദിച്ചിരുന്നു എന്നത് അടക്കമുള്ള ആരോപണങ്ങളാണ് ഉയർത്തിയിരിക്കുന്നത്. ശാസ്താംകോട്ട ഡിവൈ.എസ്‌പി എസ്.ഷെരീഫ്, പുത്തൂർ സിഐ ജി.സുഭാഷ് കുമാർ, എസ്‌ഐ ടി.ജെ.ജയേഷ് എന്നിവരുടെ നേതൃത്വത്തിൽ പൊലീസ് ഇൻക്വസ്റ്റ് തയ്യാറാക്കി. ഫോറൻസിക് വിഭാഗവും തെളിവെടുപ്പ് നടത്തി.

പോസ്റ്റമോർട്ടത്തിന് ശേഷമേ മരണത്തിൽ വ്യക്തത വരുകയുള്ളുവെന്ന് പൊലീസ് അറിയിച്ചു. ഏഴ് വർഷം മുമ്പാണ് ഷീനയും രാജേഷും വിവാഹിതരായത്. മക്കൾ: തീഷ്ണ, തീർത്ഥ, തൃഷ്ണ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP