Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202123Friday

കുമളി ചെക്‌പോസ്റ്റിൽ വൻ ലഹരി മരുന്ന് വേട്ട; ഹാഷിഷ് ഓയിൽ അടക്കം ഒരു കോടി രൂപയുടെ ലഹരി മരുന്നുമായി കട്ടപ്പന സ്വദേശികളായ മൂന്ന് പേർ അറസ്റ്റിൽ: ലഹരി മരുന്ന് എത്തിച്ചത് കട്ടപ്പന സ്വദേശിയായ കൗസല്യ ടോമിക്കു വേണ്ടിയെന്ന് പിടിയിലായ മൂവർ സംഘം

കുമളി ചെക്‌പോസ്റ്റിൽ വൻ ലഹരി മരുന്ന് വേട്ട; ഹാഷിഷ് ഓയിൽ അടക്കം ഒരു കോടി രൂപയുടെ ലഹരി മരുന്നുമായി കട്ടപ്പന സ്വദേശികളായ മൂന്ന് പേർ അറസ്റ്റിൽ: ലഹരി മരുന്ന് എത്തിച്ചത് കട്ടപ്പന സ്വദേശിയായ കൗസല്യ ടോമിക്കു വേണ്ടിയെന്ന് പിടിയിലായ മൂവർ സംഘം

മറുനാടൻ മലയാളി ബ്യൂറോ

കുമളി: കുമളി ചെക്‌പോസ്റ്റിൽ വൻ ലഹരി മരുന്ന് വേട്ട; അതിർത്തി എക്‌സൈസ് ചെക്‌പോസ്റ്റിൽ നടത്തിയ തിരച്ചിലിലിൽ മൂന്നംഗ സംഘം സഞ്ചരിച്ച കാറിൽ നിന്നും ഒരു കോടി രൂപയുടെ ലഹരിമരുന്നു പിടികൂടി. ഇടുക്കി കട്ടപ്പന സ്വദേശികളാണ് പൊലീസ് പിടിയിലായവർ. കട്ടപ്പന ഇരട്ടയാർ ശാന്തിഗ്രാം പാറത്തരികത്ത് മഹേഷ് (26), ദൈവംമേട് എടാട്ട് തറയിൽ പ്രദീപ് (30), വാഴവര ചേറ്റുകുഴി വീട്ടിൽ റെനി (40) എന്നിവരാണ് പിടിയിലായത്.

കട്ടപ്പന സ്വദേശിയായ ലഹരിമരുന്ന് കച്ചവടക്കാരൻ കൗസല്യ ടോമിക്കു വേണ്ടിയാണ് ഇവ കൊണ്ടുവന്നതെന്ന് പിടിയിലായവർ മൊഴി നൽകി. ആന്ധ്രയിൽ നിന്ന് ബസിൽ കമ്പത്ത് എത്തിച്ച കഞ്ചാവും ഹാഷിഷ് ഓയിലും അവിടെ നിന്ന് കാറിൽ കട്ടപ്പനയിലേക്കു കൊണ്ടുവരുമ്പോഴാണ് മൂവർ സംഘം പിടിയിലായത്. മഹേഷും പ്രദീപും ആന്ധ്രയിൽ നിന്ന് ലഹരിമരുന്നുമായി കമ്പത്ത് എത്തിയപ്പോൾ കട്ടപ്പനയിൽ നിന്ന് ടോമിയും സഹായിയായ റെനിയും കാറിൽ ഇവിടെയെത്തി. തുടർന്ന് ലഹരിമരുന്ന് കാറിൽ കയറ്റി ഇത് കട്ടപ്പനയിലെത്തിക്കാൻ മഹേഷ്, പ്രദീപ്, റെനി എന്നിവരെ ടോമി ചുമതലപ്പെടുത്തുകയായിരുന്നു.

സ്‌ക്വാഡിന്റെ ചുമതലയുള്ള സർക്കിൾ ഇൻസ്‌പെക്ടർ ടി. അനിൽകുമാറിനു ലഭിച്ച രഹസ്യവിവരത്തെത്തുടർന്ന് കുമളി ചെക്‌പോസ്റ്റിൽ നടത്തിയ പരിശോധനയിലാണ് ഇവർ പിടിയിലായത്.
സർക്കിൾ ഇൻസ്‌പെക്ടർ ടി. അനിൽകുമാറിനു പുറമേ സർക്കിൾ ഇൻസ്‌പെക്ടർ ജി. കൃഷ്ണകുമാർ, എക്‌സൈസ് ഇൻസ്‌പെക്ടർ ടി.ആർ. മുകേഷ്‌കുമാർ, അസി. എക്‌സൈസ് ഇൻസ്‌പെക്ടർ എസ്. മധുസൂദനൻ നായർ, പ്രിവന്റീവ് ഓഫിസർ രാജ്കുമാർ, സിവിൽ എക്‌സൈസ് ഓഫിസർമാരായ പി. സുബിൻ, എസ്. ഷംനാദ്, എസ്.ആർ. രാജേഷ്, അനീഷ് എന്നിവരാണ് പരിശോധക സംഘത്തിലുണ്ടായിരുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP