Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202028Saturday

യുവതിയെ ലോക്കപ്പിലിട്ട് ബലാത്സം​ഗം ചെയ്തത് അഞ്ച് പൊലീസുകാർ ചേർന്ന്; തുടർച്ചയായ പത്ത് ദിവസത്തെ പീഡനം തടയാൻ വനിതാ കോൺസ്റ്റബിൾ ശ്രമിച്ചിരുന്നെന്നും മൊഴി; 20കാരിയായ കൊലക്കേസ് പ്രതി ജുഡീഷ്യൽ സംഘത്തോട് നടത്തിയത് ഞെട്ടിക്കുന്ന വെളിപ്പെടുത്തൽ

യുവതിയെ ലോക്കപ്പിലിട്ട് ബലാത്സം​ഗം ചെയ്തത് അഞ്ച് പൊലീസുകാർ ചേർന്ന്; തുടർച്ചയായ പത്ത് ദിവസത്തെ പീഡനം തടയാൻ വനിതാ കോൺസ്റ്റബിൾ ശ്രമിച്ചിരുന്നെന്നും മൊഴി; 20കാരിയായ കൊലക്കേസ് പ്രതി ജുഡീഷ്യൽ സംഘത്തോട് നടത്തിയത് ഞെട്ടിക്കുന്ന വെളിപ്പെടുത്തൽ

മറുനാടൻ ഡെസ്‌ക്‌

ഭോപ്പാൽ: തന്നെ ലോക്കപ്പിലിട്ട് പൊലീസുകാർ ദിവസങ്ങളോളം കൂട്ടബലാത്സം​ഗം ചെയ്തെന്ന പരാതിയുമായി യുവതി. മധ്യപ്ര​ദേശിലെ രേവ ജില്ലയിലാണ് സംഭവം. മംഗവാനിലെ പൊലീസ് സ്റ്റേഷനിലാണ് യുവതി കൂട്ടബലാത്സം​ഗത്തിനിരയായത്. സ്റ്റേഷൻ ഹൗസ് ഓഫീസറും സബ് ഡിവിഷണൽ പൊലീസ് ഓഫീസറും ഉൾപ്പെടെ അഞ്ച് പൊലീസ് ഉദ്യോഗസ്ഥർ ഈ വർഷം മെയ് മാസത്തിൽ 10 ദിവസത്തേക്ക് പൂട്ടിയിട്ട് ബലാത്സംഗം ചെയ്തുവെന്ന് 20 കാരിയായ യുവതി പരാതിയിൽ പറയുന്നു.

പരാതിക്കാരിയായ സ്ത്രീ കൊലപാതകക്കേസിലെ പ്രതിയാണ്. ഒക്ടോബർ 10 ന് അഡീഷണൽ ജില്ലാ ജഡ്ജിയും അഭിഭാഷകരുടെ സംഘവും ജയിലിൽ സന്ദർശനത്തിന് എത്തിയപ്പോഴാണ് സംഭവം പുറത്തുവന്നത്. ജഡ്ജിക്ക് മുൻപാകെ യുവതി പരാതി പറയുകയായിരുന്നു. തുടർന്ന് ജഡ്ജി ജുഡീഷ്യൽ അന്വേഷണത്തിന് ഉത്തരവിടുകയായിരുന്നു. എന്തുകൊണ്ട് ഇക്കാര്യം നേരത്തെ പറഞ്ഞിരുന്നില്ലെന്ന ചോദ്യത്തിന് വാർഡനോട് മൂന്ന് മാസം മുൻപ് വാർഡനോട് പറഞ്ഞിരുന്നു. ബലാത്സംഗത്തിനിരയായ കാര്യം ആരോടെങ്കിലും പറഞ്ഞാൽ പിതാവിനെ കൊലപാതകക്കേസിൽ അറസ്റ്റ് ചെയ്യുമെന്ന് പൊലീസ് ഭീഷണിപ്പെടുത്തിയതായും യുവതി പറയുന്നു. എന്നാൽ യുവതി കുറ്റകൃത്യത്തെ കുറിച്ച് തന്നെ അറിയിച്ചതായി വാർഡൻ സമ്മതിച്ചതായാണ് റി്‌പ്പോർട്ടുകൾ.

മെയ 9നും മെയ് 21 നും ഇടയിൽ ആണ് താൻ ബലാത്സംഗത്തിനിരയായതെന്ന് യുവതി പറയുന്നു. ഒരു വനിതാ കോൺസ്റ്റബിൾ ഇതിനെതിരെ രംഗത്തെത്തിയെങ്കിലും അവരെ സംഘം താക്കീത് ചെയ്‌തെന്നും യുവതി പറഞ്ഞു. യുവതി ബലാത്സംഗത്തെക്കുറിച്ച് ജയിൽ വാർഡനോടും പറഞ്ഞിരുന്നു. എന്നാൽ യുവതിയെ മെയ് 21 നാണ് അറസ്റ്റ് ചെയ്തതെന്നാണ് പൊലീസ് പറയുന്നത്.

കൊലപാതകക്കേസിലെ പ്രതിയായ യുവതി ഇപ്പോൾ ജയിൽ കസ്റ്റഡിയിലാണ്. ഒക്ടോബർ 10 ന് ജയിൽ പരിശോധനയ്ക്ക് എത്തിയ അഡീഷണൽ ജില്ലാ ജഡ്ജിയുടെയും അഭിഭാഷകരുടെയും മുമ്പാകെയാണ് അവർ ആരോപണം ഉന്നയിച്ചത്. തുടർന്ന് ജുഡീഷ്യൽ അന്വേഷണത്തിന് ഉത്തരവിട്ട ജില്ലാ ജഡ്ജി നടപടിയെടുക്കാൻ രേവ എസ്‌പി രാകേഷ് സിങ്ങിന് കത്തെഴുതി. കോടതിയിൽ നിന്ന് കത്ത് ഇതുവരെ ലഭിച്ചിട്ടില്ലെന്ന് എസ്‌പി പറഞ്ഞു.

“അവൾ ഒരു കൊലപാതക കേസിലെ പ്രതിയാണ്,” അദ്ദേഹം പറഞ്ഞു. മെയ് 9 നും മെയ് 21 നും ഇടയിൽ തന്നെ ബലാത്സംഗം ചെയ്തുവെന്ന് പരാതിക്കാരി പറയുന്നു. മംഗവാൻ പൊലീസ് സ്റ്റേഷൻ പരിധിയിലെ ഒരു ഗ്രാമത്തിൽ സുധ വർമ്മ എന്ന സ്ത്രീയെ കൊലപ്പെടുത്തി അഞ്ച് ദിവസത്തിന് ശേഷം മെയ് 21 നാണ് യുവതിയെ അറസ്റ്റ് ചെയ്തതെന്ന് പൊലീസ് പറയുന്നു.

എസ്‌ഡി‌ഒ‌പി, പൊലീസ് സ്റ്റേഷൻ ചുമതലയുള്ള മൂന്ന് കോൺസ്റ്റബിൾമാർ എന്നിവരാണ് തന്നെ ബലാത്സംഗത്തിനിരയായതെന്ന് യുവതി ആരോപിക്കുന്നു. ഒക്ടോബർ 10 ന് ഒരു വനിതാ കോൺസ്റ്റബിൾ ഇതിനെതിരെ പ്രതിഷേധിച്ചിരുന്നുവെങ്കിലും സീനിയർ പൊലീസുകാർ ഇവരെ ശാസിച്ചു.

സുപ്രീംകോടതി ഉത്തരവനുസരിച്ചാണ് ജയിലിലെ വനിതാ തടവുകാരെ സന്ദർശിച്ച് റിപ്പോർട്ടുകൾ സമർപ്പിക്കുന്നതായി ജുഡീഷ്യൽ സംഘം ജയിൽ സന്ദർശിച്ചത്. “ എന്തുകൊണ്ടാണ് അവൾ നേരത്തെ സംസാരിക്കാത്തതെന്ന് ഞങ്ങൾ ചോദിച്ചപ്പോൾ, മൂന്ന് മാസം മുമ്പ് വാർഡനോട് പറഞ്ഞതായി അവൾ പറഞ്ഞു. പൊലീസുകാർ തന്നോട് ഇത് ചെയ്തതായും ജയിലിൽ പൊലീസുകാരുണ്ടെന്നും അവർ ചൂണ്ടിക്കാട്ടി. കൊലപാതകക്കേസിൽ പിതാവിനെ പ്രതിചേർക്കാമെന്ന് പ്രതി പൊലീസുകാർ ഭീഷണിപ്പെടുത്തിയെന്ന് അവർ പറയുന്നു. ” ഒക്ടോബർ 10 ന് യുവതിയോട് സംസാരിച്ച സംഘത്തിന്റെ ഭാഗമായ അഭിഭാഷകൻ സതീഷ് മിശ്ര പറഞ്ഞു.

മൊബൈൽ കോൾ വിശദാംശങ്ങൾ, മൊബൈൽ ലൊക്കേഷൻ, മറ്റ് തെളിവുകൾ എന്നിവയുടെ അടിസ്ഥാനത്തിൽ മെയ് 21 നാണ് യുവതിയെയും ഒരു പുരുഷ സുഹൃത്തിനെയും അറസ്റ്റ് ചെയ്തതെന്ന് രേവ എസ്‌പി രാകേഷ് സിങ് പറഞ്ഞു. യുവതിയുടെ മൊഴിയുടെ അടിസ്ഥാനത്തിൽ കുറ്റകൃത്യത്തിന് ഉപയോഗിച്ച ആയുധം മെയ് 21 ന് ഗ്രാമീണരുടെ സാന്നിധ്യത്തിൽ ഒരു സെപ്റ്റിക് ടാങ്കിൽ നിന്ന് കണ്ടെടുത്തു. അവളുടെ രക്തം പുരണ്ട വസ്ത്രങ്ങളും കണ്ടെടുത്തു.  പോരാട്ടത്തിനിടെ കാലുകൾക്ക് പരിക്കേറ്റതിനാൽ അവർക്ക് വൈദ്യപരിശോധന നടത്തി, ”എസ്‌പി പറഞ്ഞു. യുവതിയുടെ കൂട്ടുപ്രതിക്ക് ജാമ്യം ലഭിച്ചിട്ടുണ്ടെങ്കിലും അവർ ഇപ്പോഴും റിമാൻഡിലാണെന്ന് പൊലീസ് പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP