Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202424Wednesday

കുഞ്ഞുമായി നടന്നു വരുന്ന യുവതിയെ കണ്ടപ്പോൾ കോട്ടയം കെഎസ്ആർടിസി എയ്ഡ്പോസ്റ്റിലെ പൊലീസുകാരന് സംശയം; തടഞ്ഞു നിർത്തി വെസ്റ്റ് പൊലീസിന് കൈമാറിയപ്പോൾ കടമ്പനാട്ട് നിന്ന് കാണാതായ അമ്മയും കുഞ്ഞും തന്നെ; ഉടൻ ശാസ്താംകോട്ട പൊലീസിന് കൈമാറും; 10 ദിവസത്തെ പരിഭ്രാന്തിക്ക് ശുഭസമാപ്തി

കുഞ്ഞുമായി നടന്നു വരുന്ന യുവതിയെ കണ്ടപ്പോൾ കോട്ടയം കെഎസ്ആർടിസി എയ്ഡ്പോസ്റ്റിലെ പൊലീസുകാരന് സംശയം; തടഞ്ഞു നിർത്തി വെസ്റ്റ് പൊലീസിന് കൈമാറിയപ്പോൾ കടമ്പനാട്ട് നിന്ന് കാണാതായ അമ്മയും കുഞ്ഞും തന്നെ; ഉടൻ ശാസ്താംകോട്ട പൊലീസിന് കൈമാറും; 10 ദിവസത്തെ പരിഭ്രാന്തിക്ക് ശുഭസമാപ്തി

ശ്രീലാൽ വാസുദേവൻ

കോട്ടയം: കടമ്പനാട്ട് നിന്ന് കാണാതായ അമ്മയെയും അഞ്ചു വയസുള്ള മകളെയും കണ്ടെത്തി. കോട്ടയം കെഎസ്ആർടിസി ബസ് സ്റ്റേഷൻ പൊലീസ് എയ്ഡ് പോസ്റ്റിലുണ്ടായിരുന്ന പൊലീസുകാരന് തോന്നിയ സംശയമാണ് ഇവരെ തിരികെ കിട്ടാൻ കാരണമായത്.

ശാസ്താംകോട്ട പൊലീസ് സ്റ്റേഷൻ പരിധിയിലുള്ള കടമ്പനാട് ഐവർകാലാ ഭരണിക്കാവ് അമ്പലത്തിന് സമീപം കാഞ്ഞിരവിള കിഴക്കേതിൽ ആൽവിൻ റോയിയുടെ ഭാര്യ ആൻസി കുട്ടി (30), മകൾ ആൻഡ്രിയ ആൽവിൻ (അഞ്ച്) എന്നിവരെയാണ് മെയ്‌ 10 മുതൽ കാണാതായത്.

ഏറ്റവുമൊടുവിലായി ഇന്നലെ ഉച്ചയ്ക്ക രണ്ടരയ്ക്ക് കരുനാഗപ്പള്ളി കെഎസ്ആർടിസിക്ക് സമീപമുള്ള എടിഎം കൗണ്ടറിലാണ് ഇവരെ അവസാനമായി കണ്ടത്. എടിഎമ്മിൽ നിന്ന് 300 രൂപയും പിൻവലിച്ച് യാത്ര തുടർന്ന ഇവർക്ക് വേണ്ടി അന്വേഷണം ഊർജിതമാക്കിയിരുന്നു. ലുക്കൗട്ട് നോട്ടീസും പുറപ്പെടുവിച്ചു. ഇത് കണ്ട് സംശയം തോന്നിയ പൊലീസുകാരൻ ഇന്ന് രാത്രി ഏഴരയോടെയാണ് ഇവരെ തടഞ്ഞു വച്ച് കോട്ടയം വെസ്റ്റ് പൊലീസിന് കൈമാറിയത്. പൊലീസ് സ്റ്റേഷനിലുള്ള ഇവരെ ശാസ്താം കോട്ട പൊലീസിന് കൈമാറും.

ഭർത്താവിനൊപ്പം വിദേശത്ത് പോകാനുള്ള മടി കൊണ്ടാണ് ഇവർ വീടു വിട്ടിറങ്ങിയതെന്ന് പറയുന്നു. കാണാതാകുമ്പോൾ കൈയിൽ ഇരുപതിനായിരം രൂപയോളമുണ്ടായിരുന്നു. ഭർത്താവ് ആൽവിൻ വിദേശത്ത് ജോലി ചെയ്യുകയാണ്. മെയ്‌ 10 മുതൽ ആൻസിയെയും ആൻഡ്രിയയെയും കാണാനില്ലെന്ന പരാതിയിൽ ശാസ്താംകോട്ട പൊലീസ് കേസ് രജിസ്റ്റർ ചെയ്തിരുന്നു. തുടർന്ന് മണർകാട്, പുതുപ്പള്ളി, കോട്ടയം, തിരുവല്ല, തിരുവനന്തപുരം തുടങ്ങിയ സ്ഥലങ്ങളിൽ പള്ളിയുടെ സമീപത്ത് അമ്മയെയും മകളെയും കണ്ടിരുന്നു. തിരുവല്ലയിൽ വച്ച് ഒരു പരിചയക്കാരി ഇവരെ കണ്ടിരുന്നു. സ്‌കൂട്ടറിൽ വന്ന അവർ അമ്മയെയും മകളെയും തടഞ്ഞു നിർത്തി വിവരങ്ങൾ ചോദിച്ചറിയുകയും വീട്ടിൽ വിവരം അറിയിക്കാൻ ഫോൺ വിളിക്കാൻ തുടങ്ങുകയും ചെയ്യുന്നതിനിടെ ഇവർ അപ്രത്യക്ഷമായി.

കഴിഞ്ഞ 17 ന് ആൻസിയെയും മകളെയും ബഹറിനിലേക്ക് കൊണ്ടു പോകാൻ ആൽവിൻ ടിക്കറ്റ് അയച്ചു കൊടുത്തിരുന്നു. 17 നായിരുന്നു പോകേണ്ടിയിരുന്നത്. ഇതിന് തൊട്ടുമുൻപാണ് ഇവരെ കാണാതായത്. പള്ളിയിൽ പോകുന്നുവെന്ന് പറഞ്ഞാണ് വീട്ടിൽ നിന്ന് ഇറങ്ങിയത്. ഈ സമയം ഇവരുടെ കൈവശം പണമുണ്ടായിരുന്നു. അത് തീർന്നതു കൊണ്ടാകാം ഇപ്പോൾ കരുനാഗപ്പള്ളിയിൽ നിന്ന് 300 രൂപ പിൻവലിച്ചതെന്ന് കരുതുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP