Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

വാടക വീട്ടിൽ താമസിക്കുന്നതിനിടെയിലെ പരിചയം; വിവാഹ വാഗ്ദാനം നൽകി വിവിധ സ്ഥലങ്ങളിൽ കൊണ്ടുപോയി പീഡിപ്പിച്ചു; 11.40 ലക്ഷം രൂപയും തട്ടിയെടുത്തു; വിവാഹം രജിസ്റ്റർ ചെയ്യാൻ നടപടി ആരംഭിച്ച ശേഷം കാണാതായി; 70കാരനെതിരെ 50കാരിയായ വീട്ടമ്മയുടെ പരാതി

വാടക വീട്ടിൽ താമസിക്കുന്നതിനിടെയിലെ പരിചയം; വിവാഹ വാഗ്ദാനം നൽകി വിവിധ സ്ഥലങ്ങളിൽ കൊണ്ടുപോയി പീഡിപ്പിച്ചു; 11.40 ലക്ഷം രൂപയും തട്ടിയെടുത്തു; വിവാഹം രജിസ്റ്റർ ചെയ്യാൻ നടപടി ആരംഭിച്ച ശേഷം കാണാതായി; 70കാരനെതിരെ 50കാരിയായ വീട്ടമ്മയുടെ പരാതി

മറുനാടൻ മലയാളി ബ്യൂറോ

ആലുവ: വിവാഹ വാഗ്ദാനം നൽകി ലൈംഗികമായി പീഡിപ്പിക്കുകയും പണം തട്ടിയെടുക്കുകയും ചെയ്തതായി പരാതി. ആലുവ യു.സി കോളജിന് സമീപം മക്കൾക്കൊപ്പം താമസിക്കുന്ന കണ്ണൂർ താഴെച്ചൊവ്വ സ്വദേശിനിയായ 50കാരിയാണ് പരാതിക്കാരി.

വിവാഹ വാഗ്ദാനം നൽകി വിവിധ സ്ഥലങ്ങളിൽ വച്ച് ലൈംഗികമായി പീഡിപ്പിക്കുകയും ഇതിന് പുറമേ പല സമയങ്ങളുമായി 11.40 ലക്ഷം രൂപ തട്ടിയെടുക്കുകയും ചെയ്തതായാണ് പരാതി നൽകിയത്. പരാതിയുടെ അടിസ്ഥാനത്തിൽ ആലങ്ങാട് കോട്ടപ്പുറം സ്വദേശി പി.കെ.എം. അഷറഫിനെതിരെ (70) ആലുവ ഈസ്റ്റ് പൊലീസ് കേസെടുത്തു. വീട്ടമ്മ ആലുവ കോടതി മുമ്പാകെ പ്രതിക്കെതിരെ മൊഴി നൽകിയിട്ടുണ്ട്.

പ്രതിയുടെ വീടിനടുത്ത വാടക വീട്ടിൽ താമസിക്കുമ്പോഴാണ് ഇരുവരും പരിചയപ്പെട്ടത്. നെടുമ്പാശേരി വിമാനത്താവളത്തിന് സമീപവും ദേശത്തും പ്രവർത്തിക്കുന്ന ഹോട്ടലിന്റെ ഉടമയാണെന്ന് പറഞ്ഞാണ് സൗഹൃദം സ്ഥാപിച്ചത്. പിന്നീട് വീടിന്റെ പണയതുകയായി ലഭിച്ച 10 ലക്ഷം രൂപയും കൂടാതെ 1.40 ലക്ഷം രൂപയും വായ്പയായി വാങ്ങി.

വിവാഹ വാഗ്ദാനം നൽകിയാണ് പണം വാങ്ങിയത്. ഒന്നര മാസത്തിലേറെ വീട്ടിൽ താമസിക്കുകയും ചെയ്തു. വിവാഹം രജിസ്റ്റർ ചെയ്യാൻ നടപടി ആരംഭിച്ച ശേഷം കാണാതാവുകയായിരുന്നുവെന്നാണ് പരാതി. ആലുവ സിഐ പി.എസ്. രാജേഷിന്റെ നേതൃത്വത്തിൽ അന്വേഷണം തുടങ്ങി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP