Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202026Monday

കൊടുങ്ങല്ലൂർ സ്വദേശിയായ ഫാസിൽ ഫരീദ് ദുബായിലെ ബിസിനസുകാരൻ; ആഡംബര കാറുകളുടെ ഇഷ്ടക്കാരൻ; ജിംനേഷ്യവും വാഹന വർക്ക് ഷോപ്പും അടക്കമുള്ള സ്ഥാപനങ്ങളുടെ ഉടമ; സുഹൃത് വലയത്തിൽ ഉള്ളത് മലയാളത്തിലെ പ്രശസ്ത സിനിമാക്കാരും;ജിംനേഷ്യത്തിന്റെ ഉദ്ഘാടനത്തിന് എത്തിയത് ബോളിവുഡ് താരം; കോഴിക്കോട്ടെ സ്വർണ്ണക്കടത്തുകാരുമായി അടുത്ത ബന്ധമെന്ന് റിപ്പോർട്ടുകൾ; നയതന്ത്ര ബാഗേജ് വഴി സ്വർണം കടത്തിയ ഫരീദിനെ ഇന്ത്യയിലേക്ക് കൈമാറാൻ യുഎഇയോട് ആവശ്യപ്പെട്ടേക്കും

കൊടുങ്ങല്ലൂർ സ്വദേശിയായ ഫാസിൽ ഫരീദ് ദുബായിലെ ബിസിനസുകാരൻ; ആഡംബര കാറുകളുടെ ഇഷ്ടക്കാരൻ; ജിംനേഷ്യവും വാഹന വർക്ക് ഷോപ്പും അടക്കമുള്ള സ്ഥാപനങ്ങളുടെ ഉടമ; സുഹൃത് വലയത്തിൽ ഉള്ളത് മലയാളത്തിലെ പ്രശസ്ത സിനിമാക്കാരും;ജിംനേഷ്യത്തിന്റെ ഉദ്ഘാടനത്തിന് എത്തിയത് ബോളിവുഡ് താരം; കോഴിക്കോട്ടെ സ്വർണ്ണക്കടത്തുകാരുമായി അടുത്ത ബന്ധമെന്ന് റിപ്പോർട്ടുകൾ; നയതന്ത്ര ബാഗേജ് വഴി സ്വർണം കടത്തിയ ഫരീദിനെ ഇന്ത്യയിലേക്ക് കൈമാറാൻ യുഎഇയോട് ആവശ്യപ്പെട്ടേക്കും

മറുനാടൻ മലയാളി ബ്യൂറോ

ദുബായ്: കേരളത്തെ പിടിച്ചുകുലുക്കിയ നയതന്ത്ര ബാഗേജിലെ സ്വർണ്ണക്കടത്തിൽ പ്രധാന പ്രതികൾ പിടിയിലായിക്കഴിഞ്ഞു. ഇനിയുള്ള് ഫാസിൽ ഫാരീദ് എന്ന മൂന്നാം പ്രതിയാണ്. ഇയാളാണ് ബാഗേജ് അയച്ചത് എന്നതിന്റെ വെളിച്ചത്തിലാണ് ഇപ്പോൾ ദുബായിലുള്ള ഫാസിലിനെ എൻഐഎ പ്രതിപട്ടികയിൽ ചേർത്തത്. ദുബായിൽ സിനിമാക്കാർ അടക്കമുള്ളവരുമായി അടുത്ത ബന്ധമുണ്ടായിരുന്ന വ്യക്തിയാണ് ഫാസിൽ ഫരീദ്. കാണാൻ മൊഞ്ചുള്ള ജിംനേഷ്യം ഉടമ. കണ്ടാൽ അടിമുടി ജെന്റൽമാൻ. തൃശ്ശൂർ കൊടുങ്ങല്ലൂർ സ്വദേശിയായ ഫാസിൽ ഇപ്പോൾ പിടികിട്ടാപ്പുള്ളിയാണ്. ദേശീയ അന്വേഷണ ഏജൻസി രജിസ്റ്റർ ചെയ്ത എഫ്.ഐ.ആറിൽ മൂന്നാം പ്രതിയാണ് ഇദ്ദേഹം.

ദുബായിലെ ബിസിനസുകാരൻ എന്നാണ് ഫാസിൽ ഫരീദ് അറിയപ്പെടുന്നത്. ദുബായിൽ ഒരു ജിംനേഷ്യവും ആഡംബര വാഹന വർക് ഷോപ് അടക്കമുള്ള സ്ഥാപനങ്ങൾ സ്വന്തമായുള്ള ബിസിനസുകാരനായ ഫാസിൽ ദുബായ് നഗരപ്രദേശമായ റാഷിദിയ്യയിലാണ് താമസിക്കുന്നത്. ദുബായിലെത്തുന്ന സിനിമക്കാരുമായി അടുത്ത സൗഹൃദം സൂക്ഷിക്കുന്ന പ്രതി കോഴിക്കോട്ടെ സ്വർണക്കടത്തുകാരുമായി ബന്ധം പുലർത്തുന്നില്ലെന്നാണ് മാധ്യമ റിപ്പോർട്ടുകൾ. മലയാള സിനിമയിലെ പ്രമുഖരും ഫാസിലിന്റെ സുഹൃദ് പട്ടികയിൽ ഉണ്ടെന്ന് മലയാള മനോരമ റിപ്പോർട്ടു ചെയ്തു. എന്നാൽ, ഇയാൾ സ്വർണ്ണക്കടത്തിലെ മുഖ്യകണ്ണിയാണോ എന്ന കാര്യത്തിൽ കൂടുതൽ വ്യക്തത വരേണ്ടതുണ്ട്.

ഒരു ബോളിവുഡ് താരമാണ് ഫാസിലിന്റെ ജിംനേഷ്യം ഉദ്ഘാടനം ചെയ്തത്. നേരത്തെയും ഫാസിൽ ഫരീദ് ദുബായിൽ നിന്ന് സ്വർണക്കള്ളക്കടത്ത് നടത്തിയിട്ടുണ്ട്. കുറഞ്ഞ തോതിൽ സ്വർണം കടത്തി തുടങ്ങിയ ഇയാൾ ഇതാദ്യമായാണ് ഇത്രയും വൻതോതിൽ സ്വർണം കടത്തുന്നത്. തിരുവനന്തപുരത്തെ യുഎഇ കോൺസുലേറ്റിന്റെ വിലാസത്തിലാണ് നയതന്ത്ര ബാഗേജിൽ 30 കിലോഗ്രാം സ്വർണം കള്ളക്കടത്ത് നടത്തിയത്. ഇത്രയും വലിയ കള്ളക്കടത്ത് നടത്തിയത് ഇയാൾ ഒറ്റയ്ക്കായിരിക്കില്ലെന്നാണ് കരുതുന്നത്. ഫാസിൽ ഫരീദിനെ പിടികൂടുന്നതോടെ കേസിൽ നിർണായക വഴിത്തിരിവ് ഉണ്ടാകുമെന്നാണ് പ്രതീക്ഷ.

കേസിൽ മൂന്നാം പ്രതിയായ ഫാസിൽ ബന്ധങ്ങളാണ് ഇപ്പോൾ അന്വേഷിക്കുന്നത്. സ്വർണ്ണക്കടത്തിലൂടെ ലഭിക്കുന്ന ഭീമമായ തുക ദേശ വിരുദ്ധ പ്രവർത്തനങ്ങൾക്കായി ഉപയോഗിക്കുന്നുവെന്ന് രഹസ്യാന്വേഷണ ഏജൻസികൾ വഴി എൻഐഎക്ക് വിവരം ലഭിച്ചുവെന്നാണ് സൂചനകളും പുറത്തുവന്നിരുന്നു. മംഗളം ദിനപത്രമായിരുന്നു ഇത്തരമൊരു വാർത്ത റിപ്പോർട്ടു ചെയ്തത്. ഇപ്പോഴത്തോ സാഹചര്യത്തിൽ സ്വർണക്കടത്ത് കേസിൽ പ്രതിചേർത്ത സാഹചര്യത്തിൽ ദുബായിലുള്ള മൂന്നാംപ്രതി ഫാസിൽ ഫരീദിനെ ഇന്ത്യയിലേക്ക് കൈമാറാൻ യുഎഇയോട് ആവശ്യപ്പെട്ടേക്കുമെന്ന് സൂചന. ഇതിനുള്ള നടപടിക്രമങ്ങൾ ഉടൻ ഉണ്ടായേക്കും.

കേസിൽ മൂന്നാം പ്രതിയായ ഫാസിലിന്റെ ബന്ധങ്ങളാണ് ഇപ്പോൾ അന്വേഷിക്കുന്നത്. സ്വർണ്ണക്കടത്തിലൂടെ ലഭിക്കുന്ന ഭീമമായ തുക ദേശ വിരുദ്ധ പ്രവർത്തനങ്ങൾക്കായി ഉപയോഗിക്കുന്നുവെന്ന് രഹസ്യാന്വേഷണ ഏജൻസികൾ വഴി എൻഐഎക്ക് വിവരം ലഭിച്ചുവെന്നാണ് സൂചന. ദുബായിയിൽ ബിസിനസ് ചെയ്യുന്ന ഫാസിൽ കൊടുങ്ങല്ലൂർ മൂന്ന് പിടിക സ്വദേശിയാണ്. ദുബായിയിൽ ഇയാൾക്ക് സ്വന്തമായ ജിംനേഷ്യവും ഉണ്ട്. സിനിമാ മേഖലയിൽ ബന്ധങ്ങളുള്ള ഫാസിൽ ആഡംബര വാഹനപ്രിയനാണ്. കേസുമായി ബന്ധപ്പെട്ട വിഷയങ്ങളിൽ പ്രതികരണം തേടിയെങ്കിലും ഫാസിൽ ഒഴിഞ്ഞ് മാറുകയായിരുന്നു.

അതേസമയം സ്വർണക്കടത്തുകേസിൽ ഇന്നലെ അറസ്റ്റിലായ സ്വപ്ന സുരേഷ്, സന്ദീപ് നായർ എന്നിവരെ എൻ ഐ എ സംഘം കൊച്ചിയിലെത്തിച്ചു. ഇരുവരെയും കൊച്ചിയിലെ എൻ ഐ ഐ ഓഫീസിലെത്തിച്ചു. ഇവരെ ചോദ്യം ചെയ്തു തുടങ്ങിയിട്ടുണ്ട്. ഇതിനായി റോ അടക്കമുള്ള ഉന്നത ഉദ്യോഗസ്ഥർ സ്ഥലത്തെത്തിയിട്ടുണ്ട്. പ്രതിഷേധപ്രകടനങ്ങൾ ഉണ്ടാവുമെന്ന് ഭയന്ന് എൻ ഐ ഐ ഓഫീസിലും പരിസരത്തും ശക്തമായ പൊലീസ് ബന്തവസാണ് ഏർപ്പെടുത്തിയിരിക്കുന്നത്. പ്രദേശത്ത് പൊലീസ് ബാരിക്കേഡുകൾ സ്ഥാപിച്ചിട്ടുണ്ട്. മാധ്യമപ്രവർത്തകർ ഉൾപ്പെടെയുള്ള ആരെയും ഓഫീസ് പരിസരത്തേക്ക് കടത്തിവിടുന്നില്ല.

ഇന്നലെയാണ് സ്വപ്നയും സന്ദീപും ബംഗളൂരുവിൽ അറസ്റ്റിലായത്. ഇവരുമായി ഇന്നുപുലർച്ചെയാണ് എൻ ഐ ഐ സംഘം കേരളത്തിലേക്ക് തിരിച്ചത്. പതിനൊന്നരയോടെ സംഘം വാളയാർ ചെക്പോസ്റ്റുകടന്നു. പ്രതികളെ കാണാനായി റോഡുവക്കിൽ ജനക്കൂട്ടമുണ്ടായിരുന്നു.എന്നാൽ വടക്കൻഞ്ചേരിക്കുസമീപത്തുവച്ച് സ്വപ്നയുമായി എത്തിയ വാഹനത്തിന്റെ ടയർ പഞ്ചറായി. തുടർന്ന് സന്ദീപുമായി എത്തിയ വാഹനത്തിലേക്ക് സ്വപ്നയെ മാറ്റിയശേഷം സംഘംയാത്ര തുടരുകയായിരുന്നു. തുണികൊണ്ട് മുഖംമറച്ചിരിക്കുകയായിരുന്നു സ്വപ്ന. വഴിനീളെ കേരളപൊലീസ് എൻ ഐ എ സംഘത്തിന് സുരക്ഷയൊരുക്കിയിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP