കുട്ടികൾക്ക് സൗജന്യമായി കഞ്ചാവ് നൽകും..കഞ്ചാവിനോട് താൽപര്യമില്ലാത്താർക്ക് 50 മുതൽ 100...

കുട്ടികൾക്ക് സൗജന്യമായി കഞ്ചാവ് നൽകും..കഞ്ചാവിനോട് താൽപര്യമില്ലാത്താർക്ക് 50 മുതൽ 100 രൂപ വരെ നൽകും;ശേഷം പ്രലോഭിപ്പിച്ച് പ്രകൃതി വിരുദ്ധ പീഡനം നടത്തും;വശീകരിച്ചത് പത്താം ക്ലാസ് വിദ്യാർത്ഥികളായ ആറ് പേരെ; അറസ്റ്റിലായ ആറു പേരിൽ രണ്ടു പേർ 70 വയസ്സ് പിന്നിട്ടവർ; മലപ്പുറത്തുണ്ടായ സംഭവത്തിൽ രജിസ്റ്റർ ചെയ്തത് 16 പോക്സോ കേസുകൾ

April 08, 201909:57 PM IST Permalink

ജംഷാദ് മലപ്പുറം

മലപ്പുറം: പത്താം ക്ലാസുകാരായ വിദ്യാർത്ഥികൾക്ക് ആദ്യം സൗജന്യമായി കഞ്ചാവ് ബീഡി വലിക്കാൻ നൽകി.. ഇത് വലിച്ചാൽ നിങ്ങൾ ഇതുവരെ അനുഭവിക്കാത്ത സുഖം ലഭിക്കും..മറ്റാരോടും പറയരുത്, എന്നെല്ലാം പറഞ്ഞ് കുഞ്ഞുങ്ങളെ പാട്ടിലാക്കി കഞ്ചാവ് ബീഡി വലിപ്പിച്ചു. കഞ്ചാവ് വലിക്കാൻ തയ്യാറാകാത്തവർക്ക് 50രൂപ മുതൽ 100രൂപവരെ മിഠായി വാങ്ങാൻ നൽകി. ശേഷം സൗഹൃദം നടിച്ചുകൊണ്ടുപോയി പ്രകൃതി വിരുദ്ധപീഡനം നടത്തൽ പതിവാക്കി. ഒരു വിദ്യാർത്ഥി ഇതിനോടകം അഞ്ച് കഞ്ചാവ് ബീഡി വലിച്ചിട്ടുണ്ടെന്ന് പൊലീസിന് മൊഴി നൽകി. മലപ്പുറം കൽപകഞ്ചേരിയിലാണ് സംഭവം.

പത്താം ക്ലാസ് പരീക്ഷ കഴിഞ്ഞ് ഫലം കാത്തിരിക്കുന്ന 15,16 വയസ്സുകാരായ ആറു വിദ്യാർത്ഥികളെയാണ് ഇത്തരത്തിൽ പ്രകൃതിവിരുദ്ധ പീഡനത്തിനിരയാക്കിയത്. കേസിൽ ആറുപേരെ കൽപകഞ്ചേരി പൊലീസ് അറസ്റ്റ്ചെയ്തപ്പോൾ ഇതിൽ രണ്ടുപേർ 70വയസ്സ് കഴിഞ്ഞ വൃദ്ധന്മാരാണെന്നതാണ് അത്ഭുതം. ഇരുവരും കുട്ടികൾക്ക് കഞ്ചാവ് നൽകിയിട്ടില്ലെങ്കിലും പണം നൽകിയാണ് പ്രലോഭിപ്പിച്ചതെന്ന് പൊലീസ് പറയുന്നു.

സ്‌കൂളിലെ സെന്റ് ഓഫ് കഴിഞ്ഞെത്തിയ മകന്റെ പെരുമാറ്റത്തിൽ സംശയം തോന്നിയതിനെ തുടർന്ന് പിതാവ് നടത്തിയ അന്വേഷണമാണ് സംഭവം പുറത്തു കൊണ്ടുവന്നത്. കേസിൽ ആറുപേർ അറസ്റ്റിലായെങ്കിലും ഇവർക്ക് പുറമെ പത്തോളം പേർക്കെതിരെ കേസുണ്ടെന്ന് കൽപ്പകഞ്ചേരി എസ്‌ഐ പ്രിയൻ പറഞ്ഞു. സംഭവത്തിൽ 16പോക്സോ കേസുകൾ പൊലീസ് രജിസ്റ്റർ ചെയ്തു.കൽപകഞ്ചേരി ഇരിങ്ങാവൂർ പരിസരവാസികളായ സിദ്ദീക്ക്, സലാം, ബഷീർ, സുഹൈൽ എന്നീ നാലംഗ പ്രതികൾക്ക് പുറമെ 70വയസ്സ് പിന്നിട്ട് ഉണ്ണിക്കുട്ടി, കോയാൻഹാജി എന്നിവരെയാണ് കൽപ്പകഞ്ചേരി എസ്‌ഐ പ്രിയനും സംഘവും അറസ്റ്റ് ചെയ്തത്.

മറ്റുള്ള പ്രതികൾ 35മുതൽ 45വയസ്സുവരെ പ്രായമുള്ളവരാണ്, പ്രതികൾ പെയ്ന്റിങ്, ഇറച്ചി പണിക്കാരാണെന്നും എസ്‌ഐ പറഞ്ഞു. പത്താം ക്ലാസ് സെന്റ് ഓഫ് കഴിഞ്ഞെത്തിയ മകന്റെ പെരുമാറ്റത്തിൽ സംശയം തോന്നിയതിനെ തുടർന്ന് ഒരുകുട്ടിയുടെ പിതാവ് നടത്തിയ അന്വേഷണമാണ് സംഭവം പുറത്തു കൊണ്ടുവന്നത്. ഇദ്ദേഹം മകനിൽ നിന്നു ലഭിച്ച വിവരങ്ങളനുസരിച്ച് കൂട്ടുകാരായ മറ്റ് മൂന്നു പേരെകൂടി കണ്ടെത്തുകയും അവരുടെ രക്ഷിതാക്കളെ ബന്ധപ്പെടുകയുമായിരുന്നു. തുടർന്ന് വിവരം ചൈൽഡ് ലൈനിനു കൈമാറി. ചൈൽഡ്ലൈൻ പ്രവർത്തകർ കുട്ടികളെ കൗൺസിലിങിന് വിധേയമാക്കിയപ്പോഴാണ് ഞെട്ടിപ്പിക്കുന്ന വിവരം പുറത്തറിഞ്ഞത്. തുടർന്നു ചൈൽഡ്ലൈൻ വിവരം കൽപകഞ്ചേരി പൊലീസിൽ അറിയിക്കുകയായിരുന്നു.

സൗജന്യമായി കഞ്ചാവ് നൽകിയ ശേഷം പ്രകൃതി വിരുദ്ധ ആവശ്യങ്ങൾക്കായി ഉപയോഗിച്ചിരുന്നതായി കുട്ടികൾ വെളിപ്പെടുത്തി. ചിലരെ പല തവണ ഉപയോഗിച്ചിട്ടുള്ളതായും കണ്ടെത്തി. 16അംഗ സംഘമാണ് ഇതിനു പിന്നിൽ പ്രവർത്തിച്ചതെന്നാണ് പൊലീസിന് ലഭിച്ച വിവരം. എല്ലാവരേയും തിരിച്ചറിഞ്ഞിട്ടുണ്ട്. അറസ്റ്റിലായ സംഘത്തിലെ നാലു പേരാണ് ഇതിനു ചുക്കാൻ പിടിച്ചിരുന്നത്. ഇവർ കുട്ടികളെ ഉപയോഗിച്ച ശേഷം മറ്റു ചിലർക്ക് കാഴ്ച വെച്ചതായും വിവരം ലഭിച്ചിട്ടുണ്ട്.

അറസ്റ്റിലായ പ്രതികളെ പൊലീസ് കോടതിയിൽ ഹാജരാക്കി. തുടർന്ന് കോടതി റിമാൻഡ് ചെയ്തു. ഇത്തരത്തിൽ ഇനിയും കൂടുതൽ കുട്ടികൾ ഇവരുടെ വലയിൽ വീണിട്ടുണ്ടോയെന്നും പൊലീസ് പരിശോധിച്ചു വരികയാണ്, പ്രതികൾ മറ്റു സ്‌കൂളുകളിലെ കുട്ടികളെയും വശീകരിക്കാനുള്ള സാധ്യതയുള്ളതിനാൽ തൊട്ടടുത്തുള്ള മറ്റു സ്‌കൂളുകളിലും കുട്ടികൾക്ക് കൗൺസിലിങ് നൽകണമെന്ന ആവശ്യം ഉയർന്നിട്ടുണ്ട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

ജംഷാദ് മലപ്പുറം

Stories you may Like

Readers Comments+

More News in this category+

MNM Recommends +

കെ.സുധാകരന് വേണ്ടി വാട്സ് ആപ്പിൽ പൊലീസുകാരുടെ സർക്കാർ വിരുദ്ധ പ്രചാരണം; പരാതി നൽകി എൽ ഡി എഫ്