Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202413Thursday

വിവിധ വാഹനങ്ങളിൽ വന്നിറങ്ങി; വാക്കേറ്റവും പിന്നാലെ തമ്മിലടിയും; ഇടപെടാൻ ശ്രമിച്ച നാട്ടുകാർക്ക് നേരെ വീശിയത് കഠാരയും വടിവാളും; തിരുവല്ലയിൽ പൊതുസ്ഥലത്ത് തമ്മിലടിച്ച ഗുണ്ടാസംഘം പിടിയിൽ

വിവിധ വാഹനങ്ങളിൽ വന്നിറങ്ങി; വാക്കേറ്റവും പിന്നാലെ തമ്മിലടിയും; ഇടപെടാൻ ശ്രമിച്ച നാട്ടുകാർക്ക് നേരെ വീശിയത് കഠാരയും വടിവാളും; തിരുവല്ലയിൽ പൊതുസ്ഥലത്ത് തമ്മിലടിച്ച ഗുണ്ടാസംഘം പിടിയിൽ

ശ്രീലാൽ വാസുദേവൻ

തിരുവല്ല: പൊതുസ്ഥലത്ത് കഠാരയും വടിവാളും വീശി തമ്മിലടിച്ച ഗുണ്ടാ സംഘങ്ങൾ പൊലീസ് പിടിയിൽ. ഇവരുടെ പക്കൽ നിന്ന് മാരകായുധങ്ങൾ പിടിച്ചെടുത്തു. കാപ്പ കേസ് പ്രതി അടങ്ങുന്ന സംഘമാണ് പരസ്പരം ഏറ്റുമുട്ടിയത്. അഞ്ചു പേരാണ് അറസ്റ്റിലായത്.

വെള്ളിയാഴ്ച രാത്രി ഏഴരയോടെ കവിയൂർ പുന്നിലം ജങ്ഷന് സമീപം ആയിരുന്നു സംഭവം. ആഞ്ഞിലിത്താനം വെള്ളാപ്പള്ളിയിൽ വീട്ടിൽ അനീഷ് കെ. എബ്രഹാം (29), നെല്ലിക്കുന്നിൽ വീട്ടിൽ അജയകുമാർ (28), ആഞ്ഞിലിത്താനം മുല്ലപ്പള്ളിയിൽ വീട്ടിൽ അനിൽകുമാർ (26), പള്ളിക്കച്ചിറ അമ്പാട്ട് വീട്ടിൽ സുമിത്ത് (28), കവിയൂർ തൂമ്പുങ്കൽ കോളനിയിൽ വിഷ്ണു നിവാസിൽ ജിഷ്ണു (28) എന്നിവരാണ് പിടിയിലായത്. വിവിധ വാഹനങ്ങളിലായി എത്തിയ സംഘാംഗങ്ങൾ വാക്കേറ്റത്തിനൊടുവിൽ തമ്മിലടിക്കുകയായിരുന്നു. സംഭവത്തിൽ ഇടപെട്ട നാട്ടുകാർക്ക് നേരെ സംഘം വടിവാൾ വീശി.

നാട്ടുകാർ വിവരമറിയിച്ചതിനെ തുടർന്ന് പെട്രോളിങ് നടത്തുകയായിരുന്ന പൊലീസ് സംഘം ഉടൻതന്നെ സ്ഥലത്തെത്തി സംഘാഗങ്ങളെ വളഞ്ഞിട്ട് പിടികൂടുകയായിരുന്നു. പിടിയിലായ അനീഷ് കെ. എബ്രഹാം മൂന്നുമാസം മുമ്പാണ് കാപ്പ കേസിൽ ജയിൽ ശിക്ഷ കഴിഞ്ഞ് പുറത്തിറങ്ങിയത്. ഇയാൾക്കെതിരെ വിവിധ പൊലീസ് സ്റ്റേഷനുകളിലായി പതിനഞ്ചോളം ക്രിമിനൽ കേസുകൾ നിലവിലുണ്ടെന്ന് പൊലീസ് പറഞ്ഞു. മറ്റ് നാല് പ്രതികൾ കഞ്ചാവ് വിൽപ്പനയും അടിപിടിയും അടക്കമുള്ള കേസുകളിൽ പ്രതികളാണെന്ന് സിഐ ബി.കെ സുനിൽ കൃഷ്ണൻ പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP