Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

വ്യാജ ഐഡിയിൽ ഇൻസ്റ്റഗ്രാമിലൂടെ പെൺകുട്ടികൾക്ക് അശ്ലീല സന്ദേശങ്ങളും ദൃശ്യങ്ങളും അയയ്ക്കും; അബുദാബി പൊലീസ് അറസ്റ്റ് ചെയ്ത യുവാവിനെ കണ്ട് പരാതിക്കാരി ഞെട്ടി; തളിപ്പറമ്പ പട്ടുവം സ്വദേശി കൊടിയിൽ റഹീസിനെതീരെ പയ്യന്നൂർ പൊലീസിലും പരാതി

വ്യാജ ഐഡിയിൽ ഇൻസ്റ്റഗ്രാമിലൂടെ പെൺകുട്ടികൾക്ക് അശ്ലീല സന്ദേശങ്ങളും ദൃശ്യങ്ങളും അയയ്ക്കും; അബുദാബി പൊലീസ് അറസ്റ്റ്   ചെയ്ത യുവാവിനെ കണ്ട് പരാതിക്കാരി ഞെട്ടി; തളിപ്പറമ്പ പട്ടുവം സ്വദേശി കൊടിയിൽ റഹീസിനെതീരെ പയ്യന്നൂർ പൊലീസിലും പരാതി

ബുർഹാൻ തളങ്കര

തളിപ്പറമ്പ്: വ്യാജ ഐഡി ഉണ്ടാക്കി ഇൻസ്റ്റഗ്രാമിലൂടെ പെൺകുട്ടികൾക്ക് അശ്ലീല സന്ദേശങ്ങളും ദൃശ്യങ്ങളും അയച്ച് ശല്യം ചെയ്യുന്ന യുവാവിനെ പിടികൂടി. തളിപ്പറമ്പ പട്ടുവം സ്വദേശി കൊടിയിൽ റഹീസ്(27) എന്നയാളെയാണ് ഇന്ന് പുലർച്ചെ അബുദാബിയിലെ താമസ സ്ഥലത്തുനിന്നും അബുദാബി പൊലീസ് അറസ്റ്റ് ചെയ്തത്. ഇയാളിൽ നിന്നും രണ്ട് മൊബൈൽ ഫോണുകൾ പിടിച്ചെടുത്തിട്ടുണ്ട്.

ഇദ്ദേഹത്തിനെതിരെ പയ്യന്നൂർ പൊലീസ് സ്റ്റേഷനിലും പരാതി നിലവിലുണ്ട്. ഇദ്ദേഹം സ്വന്തം സഹോദരിയുടെ പേരിലുള്ള സിം കാർഡ് ഉപയോഗിച്ചു ഉണ്ടാക്കിയ വ്യാജ അക്കൗണ്ട് ഉപയോഗിച്ചാണ് അശ്‌ളീല ഫോട്ടോകളും വീഡിയോകളും വ്യാപകമായി പെൺകുട്ടികൾക്ക് അയച്ചിരുന്നത്. പരാതിക്കാരിയുടെ ഇൻസ്റ്റാഗ്രാം അക്കൗണ്ടിലേക്ക് അശ്‌ളീല മെസ്സേജ് അയക്കുകയും നഗ്ന ദൃശ്യങ്ങൾ നിരന്തരം അയക്കുകയും ചെയ്തിരുന്നു. പ്രതിക്ക് നിരവധി വ്യാജ ഇൻസ്റ്റാഗ്രാം അക്കൗണ്ടുകൾ ഉണ്ട്.

ഓരോ അക്കൗണ്ടും ബ്ലോക്ക് ചെയ്യുമ്പോൾ പുതിയ അക്കൗണ്ടിൽ നിന്നും മെസ്സേജ് അയച്ചു ശല്യപ്പെടുത്തിയതോടെയാണ് പയ്യന്നൂരിലെ യുവതി പൊലീസിൽ പരാതി നൽകിയത്. പരാതി നൽകിയ യുവതിയെ കൂടാതെ പ്രതിയുടെ ഫാമിലി വാട്‌സ്ആപ്പ് ഗ്രൂപ്പിലെ പല പെൺകുട്ടികൾക്കും പ്രതി അശ്‌ളീല ദൃശ്യങ്ങൾ അയക്കാറുണ്ടായിരുന്നു. ഇയാൾ സ്ഥിരം ശല്യം ചെയ്യാറുള്ള അടുത്ത കുടുംബക്കാരായ സ്ത്രീയുടെ ഭർത്താവ് അബുദാബി പൊലീസിൽ പരാതി നൽകിയതിനെ തുടർന്നായിരുന്നു ഇന്നലെ അറസ്റ്റ് നടത്തിയത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP