Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202123Saturday
ഹോം വാർത്ത അന്വേഷണം

മോഷണക്കുറ്റം ആരോപിച്ച് അറസ്റ്റ് ചെയ്തത് രണ്ട് തവണ; പൊലീസിനെതിരെ വീഡിയോയിൽ ഗുരുതര ആരോപണം ഉന്നയിച്ച ശേഷം നാലംഗ കുടുംബം ആത്മഹത്യ ചെയ്തു: ട്രെയിനിന് മുന്നിൽ ചാടി ജീവനൊടുക്കിയത് ഓട്ടോ ഡ്രൈവറും ഭാര്യയും കുട്ടികളും

November 11, 202005:16 AM IST Permalink
മോഷണക്കുറ്റം ആരോപിച്ച് അറസ്റ്റ് ചെയ്തത് രണ്ട് തവണ; പൊലീസിനെതിരെ വീഡിയോയിൽ ഗുരുതര ആരോപണം ഉന്നയിച്ച ശേഷം നാലംഗ കുടുംബം ആത്മഹത്യ ചെയ്തു: ട്രെയിനിന് മുന്നിൽ ചാടി ജീവനൊടുക്കിയത് ഓട്ടോ ഡ്രൈവറും ഭാര്യയും കുട്ടികളും

മറുനാടൻ മലയാളി ബ്യൂറോ

ഹൈദരാബാദ്: മോഷണ കുറ്റം ആരോപിച്ച് ലോക്കപ്പ് മർദ്ദനം നടത്തിയ പൊലീസുകാർക്കെതിരെ വിഡിയോയിൽ ഗുരുതര ആരോപണങ്ങളുന്നയിച്ച ശേഷം നാലംഗ കുടുംബം ആത്മഹത്യ ചെയ്തു. ആന്ധ്രാപ്രദേശിലെ കർണൂലിൽ നവംബർ മൂന്നിനാണ് സംഭവം. ഓട്ടോ ഡ്രൈവറായ അബ്ദുൽ സലാം (45), ഭാര്യ നൂർജഹാൻ (38), മകൾ സൽമ (14), മകൻ ദാദി കലന്ദർ (10) എന്നിവരാണ് പന്യം റെയിൽവേ സ്റ്റേഷനടുത്ത് ട്രെയിനിന് മുന്നിൽ ചാടി ജീവനൊടുക്കിയത്.

മരിക്കുന്നതിനു മുൻപെടുത്ത വിഡിയോയിൽ ടൗൺ പൊലീസ് സർക്കിൾ ഇൻസ്‌പെക്ടർ സോമശേഖർ റെഡ്ഡിയും കോൺസ്റ്റബിൾ ഗംഗാധറും ശാരീരികമായും മാനസികവുമായും ഉപദ്രവിച്ചെന്ന് സലാം ആരോപിച്ചു. മറ്റൊരു നിവൃത്തിയുമില്ലാത്തതിനാലാണ് ആത്മഹത്യ ചെയ്യുന്നതെന്ന് ഇവർ വീഡിയോയിൽ പറയുന്നു. ഓട്ടോ ഡ്രൈവറായി ജോലി ചെയ്യുന്നതിനു മുൻപ് ഒരു ജൂവലറിയിറിൽ അബ്ദുൾ സലാം ജോലി ചെയ്തിരുന്നു. കടയിൽനിന്ന് 3 കിലോ സ്വർണം കാണാതായ സംഭവത്തിൽ സലാമിനെതിരെ പൊലീസ് കേസെടുത്തിരുന്നു. സലാമിനെ അറസ്റ്റ് ചെയ്‌തെങ്കിലും പിന്നീട് ജാമ്യത്തിലിറങ്ങി.

ഒരാഴ്ച മുമ്പ്, ഓട്ടോയിൽവച്ച് സലാം 70,000 രൂപ കവർന്നെന്ന യാത്രക്കാരന്റെ പരാതിയെ തുടർന്നു പൊലീസ് വീണ്ടും സലാമിനെ കസ്റ്റഡിയിലെടുത്തു. രണ്ടു തവണയും സലാമിനെ പൊലീസ് മർദ്ദിക്കുകയും അപമാനിക്കുകയും ചെയ്തിരുന്നു. ഇത് സലാമിനെയും കുടുംബത്തേയും മാനസികമായി തളർത്തുക ആയിരുന്നു. പൊലീസിന്റെ ആക്രമണം ഭയന്ന് അപമാനത്തിൽ മനം മടുത്ത സലാമും കുടുംബവും ആത്മഹത്യ ചെയ്യുകയായിരുന്നു എന്നാണ് ബന്ധുക്കൾ പറയുന്നത്. താൻ ഒരു തെറ്റും ചെയ്തിട്ടില്ലെന്നും മോഷണവുമായി യാതൊരു ബന്ധവുമില്ലെന്നും ഇനിയും പീഡനം സഹിക്കാൻ കഴിയില്ലെന്നും സലാം വിഡിയോയിൽ പറയുന്നു.

ഞങ്ങളെ സഹായിക്കാൻ ആരുമില്ലെന്നും മരണത്തിന് മാത്രമേ ഇതിൽ നിന്ന് ഞങ്ങളെ രക്ഷിക്കാനാകൂവെന്നും വിഡിയോയിലുണ്ട്. സംഭവത്തെ തുടർന്ന് സോമശേഖർ റെഡ്ഡിയേയും ഗംഗാധറിനെയും സസ്പെൻഡ് ചെയ്ത ശേഷം അറസ്റ്റ് രേഖപ്പെടുത്തി. സംഭവത്തിൽ പ്രതിപക്ഷത്തിന്റെ പ്രതിഷേധത്തെ തുടർന്ന് മുഖ്യമന്ത്രി വൈ.എസ്.ജഗൻ മോഹൻ റെഡ്ഡി ഡിജിപിയിൽ നിന്ന് വിശദീകരണം തേടിയിരുന്നു. 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2021. All rights reserved.

Go to TOP