Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202127Saturday

മംഗളൂരുവിൽ എട്ടുവയസ്സുകാരിയെ പീഡിപ്പിച്ച് കൊലപ്പെടുത്തി; നാലുപേർ അറസ്റ്റിൽ; പിടിയിലായത് മുഴുവൻ മംഗളുരുവിലെ ടൈൽസ് ഫാക്ടറിയിലെ തൊഴിലാളികൾ

മംഗളൂരുവിൽ എട്ടുവയസ്സുകാരിയെ പീഡിപ്പിച്ച് കൊലപ്പെടുത്തി; നാലുപേർ അറസ്റ്റിൽ; പിടിയിലായത് മുഴുവൻ മംഗളുരുവിലെ ടൈൽസ് ഫാക്ടറിയിലെ തൊഴിലാളികൾ

മറുനാടൻ മലയാളി ബ്യൂറോ

മംഗളൂരു: എട്ടുവയസ്സുകാരിയെ കൂട്ടമാനഭംഗത്തിനിരയാക്കി കൊലപ്പെടുത്തിയ കേസിൽ നാലുപേരെ പൊലീസ് അറസ്റ്റ് ചെയ്തു. മംഗളൂരുവിലെ വാമഞ്ഞൂരിൽ ടൈൽ ഫാക്ടറിയിലെ തൊഴിലാളികളും മധ്യപ്രദേശ് സ്വദേശികളുമായ ജയ്ബാൻ (21), മുകേഷ് സിങ് (20), മുനീം സിങ് (20), ജാർഖണ്ഡ് സ്വദേശി മനീഷ് തിർക്കി (33) എന്നിവരാണ് അറസ്റ്റിലായത്.

ഞായറാഴ്ച സഹോദരനുമായി ഫാക്ടറി വളപ്പിൽ കളിക്കുന്ന എട്ടുവയസ്സുകാരിയെ തട്ടിക്കൊണ്ടുപോയി മുറിയിലെത്തിച്ചാണ് സംഘം പീഡനത്തിനിരയാക്കിയത്. കുട്ടി ബഹളംവെച്ചതോടെ കഴുത്ത് ഞെരിച്ച് കൊലപ്പെടുത്തുകയും സമീപത്തെ ഓവുചാലിൽ ഉപേക്ഷിക്കുകയും ചെയ്‌തെന്ന് സംഘം പൊലീസിനോട് വെളിപ്പെടുത്തി.

സംഭവത്തിനു പിന്നാലെ മുകേഷും മുനീമും പുത്തൂറിലേക്ക് പോയി. കുട്ടിയെ കാണാതായതോടെ വൈകീട്ട് കുടുംബവും നാട്ടുകാരും തിരച്ചിൽ ആരംഭിച്ചു. ഇവരോടൊപ്പം ജയ്ബാനും മനീഷും ചേർന്നു. വൈകീട്ട് ആറോടെയാണ് കുട്ടിയെ കണ്ടെത്തിയത്.

ഫാക്ടറിയിലെ തൊഴിലാളികളെ ചോദ്യം ചെയ്തതോടെയാണ് പ്രതികളെ കുറിച്ചുള്ള സൂചന ലഭിച്ചത്. സി.സി.ടി.വികളും ഫോൺകോളുകൾ പരിശോധിച്ചതും പ്രതികളെ പിടികൂടുന്നതിൽ നിർണായകമായതായി സിറ്റി പൊലീസ് കമീഷണർ എൻ. ശശി കുമാർ പറഞ്ഞു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP