ഹെൽമറ്റില്ലാതെ ട്രക്ക് ഓടിച്ചെന്നാരോപിച്ച് ആയിരംരൂപ പിഴ; വിചിത്രമായ കുറ്റത്തിന് പിഴയട...

ഹെൽമറ്റില്ലാതെ ട്രക്ക് ഓടിച്ചെന്നാരോപിച്ച് ആയിരംരൂപ പിഴ; വിചിത്രമായ കുറ്റത്തിന് പിഴയടച്ച് ഡ്രൈവർ

March 17, 202110:02 PM IST Permalink

മറുനാടൻ മലയാളി ബ്യൂറോ

ഭുവനേശ്വർ: ഹെൽമറ്റില്ലാതെ ട്രക്ക് ഓടിച്ചെന്നാരോപിച്ച് ഡ്രൈവർക്ക് ആയിരംരൂപ പിഴയിട്ട് മോട്ടോർ വാഹന വകുപ്പ്. ഒഡിഷയിലെ ഗഞ്ചാമിലാണ് സംഭവം. പ്രമോദ് കുമാർ സ്വയിനെന്ന ട്രെക്ക് ഡ്രൈവർക്കാണ് വിചിത്രമായ കുറ്റമാരോപിച്ച് പിഴ അടയ്ക്കേണ്ടി വന്നത്. മൂന്ന് വർഷത്തോളമായി കുടിവെള്ളം വിതരണം ചെയ്യുന്ന ട്രെക്കാണ് പ്രമോദ് കുമാർ സ്വയിൻ ഓടിക്കുന്നത്.

ബുധനാഴ്ചയാണ് പ്രമോദ് കുമാർ സ്വയിൻ ആർടിഓഫീസിലെത്തിയത്. വെള്ളം വിതരണം ചെയ്യാനുള്ള പെർമിറ്റ് പുതുക്കുന്നതിന് വേണ്ടിയായിരുന്നു ഇത്. ഈ സമയത്താണ് പിഴത്തുക അടയ്ക്കാനുണ്ടെന്ന് ആർടി ഓഫീസിൽ നിന്ന് അറിയിക്കുന്നത്. വിശദമായി ചോദിച്ച് പിഴയടക്കേണ്ടി വന്ന തെറ്റെന്താണെന്ന് പരിശോധിക്കുമ്പോഴാണ് ഹെൽമറ്റ് ഉപയോഗിക്കാതെ ട്രക്ക് ഓടിച്ചതിനാണ് പിഴയെന്ന് അറിയുന്നത്.

പ്രമോദ് കുമാറിന്റെ ട്രെക്കിന്റെ രജിസ്ട്രേഷൻ നമ്പറിലുള്ള ചെല്ലാനിലായിരുന്നു തെറ്റെന്താണെന്ന് വിശദമാക്കിയിരുന്നത്. താൻ ട്രക്കാണ് ഉപയോഗിക്കുന്നതെന്ന് വാദിച്ചെങ്കിലും പ്രമോദ് കുമാറിന്റെ കേൾക്കാൻ ഉദ്യോഗസ്ഥർ തയ്യാറായില്ല. പിഴയൊടുക്കാതെ പെർമിറ്റ് നൽകില്ലെന്ന് തീർത്തുപറയുക കൂടി ചെയ്തതോടെ പ്രമോദ് കുമാർ ആയിരം രൂപ പിഴത്തുക അടയ്ക്കുകയായിരുന്നു. പല വിധത്തിൽ ഉദ്യോഗസ്ഥർ സാധാരണക്കാരിൽ നിന്ന് പണം പിടിച്ചെടുക്കുകയാണെന്നാണ് പ്രമോദ് കുമാറിന്റെ പരാതി.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: