Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202127Wednesday

ദീദി.. പ്ലീസ് ഞങ്ങളെ തൃണമൂൽ കോൺഗ്രസിൽ തിരിച്ചെടുക്കണം; ബിജെപിയിൽ പോയവർ മടങ്ങി വരാനായി നിരാഹാര സമരം, 300പേരെ ഗംഗാജലം തളിച്ച് സ്വീകരിച്ച് തൃണമൂൽ

ദീദി.. പ്ലീസ് ഞങ്ങളെ തൃണമൂൽ കോൺഗ്രസിൽ തിരിച്ചെടുക്കണം; ബിജെപിയിൽ പോയവർ മടങ്ങി വരാനായി നിരാഹാര സമരം, 300പേരെ ഗംഗാജലം തളിച്ച് സ്വീകരിച്ച് തൃണമൂൽ

മറുനാടൻ ഡെസ്‌ക്‌

കൊൽക്കത്ത: നിയമസഭ തെരഞ്ഞെടുപ്പിലേറ്റ കനത്ത തോൽവിക്ക് പിന്നാലെ ബിജെപിയിൽ നിന്ന് തൃണമൂൽ കോൺഗ്രസിലേക്കുള്ള പ്രവർത്തകരുടെ തിരിച്ചുപോക്ക് തുടരുന്നു. തങ്ങളെ തിരിച്ചെടുക്കണമെന്ന് ആവശ്യപ്പെട്ട് പാർട്ടി ഓഫീസിന് മുന്നിൽ നിരാഹാര സമരം നടത്തിയ 300 പേരെ തൃണമൂൽ തിരിച്ചെടുത്തു. ഗംഗാ ജലം തളിച്ചതിന് ശേഷമാണ് ഇവരെ തിരികെയെടുത്തത്.

ബിജെപിയിൽ പോയതുകൊണ്ടുള്ള അശുദ്ധി മാറ്റാനാണ് പുണ്യജലം തളിച്ചതെന്ന് തൃണമൂൽ നേതാവ് തുഷാർ കാന്തി മൊണ്ഡൽ പറഞ്ഞു. ബിജെപി അവരുടെ വർഗീയ വിഷചിന്തകൾ പ്രവർത്തകരുടെ മനസിൽ കുത്തി വച്ചിട്ടുണ്ടാകുെമന്നും അത് പോകാനാണ് ഗംഗാജലം തളിച്ചതെന്നും അദ്ദേഹം വ്യക്തമാക്കി.

ബിജെപി വന്നാൽ ഗ്രാമങ്ങളിൽ വികസനം ഉണ്ടാകുമെന്ന് വിശ്വസിച്ചാണ് അവർക്കൊപ്പം പോയതെന്നും എന്നാൽ അത് തെറ്റായിരുന്നുവെന്നും തിരിച്ചെത്തിയ പ്രവർത്തകർ പറഞ്ഞു. എന്നാൽ ഇതൊക്കെ തൃണൂലിന്റെ നാടകമാണെന്നും ബിജെപി പ്രവർത്തകരെ തൃണമൂൽ നിർബന്ധിച്ച് തങ്ങളുടെ പക്ഷത്താക്കുകയുമാണെന്ന് ബിജെപി നേതാക്കൾ ആരോപിച്ചു.

ബിജെപി ദേശീയ ഉപാധ്യക്ഷനായിരുന്ന മുകുൾ റോയിയും മകൻ ശുഭ്രാംശു റോയിയും ദിവസങ്ങൾക്ക് മുൻപ്് തൃണമൂലിൽ തിരിച്ചെത്തിയിരുന്നു. ഇവരുടെ പാത പിന്തുടർന്ന് രജീബ് ബാനർജി, ദിപേന്ദു ബിശ്വാസ് തുടങ്ങിയ നേതാക്കളും ബിജെപി വിട്ടേക്കുമെന്നാണ് റിപ്പോർട്ടുകൾ. ബിജെപിയിൽ പോയതിന് പരസ്യമായി മാപ്പ് അപേക്ഷിച്ച് ഓട്ടോറിക്ഷയിൽ അനൗൺസ്മെന്റ് നടത്തിയ സംഭവവുമുണ്ടായി.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP