Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202024Tuesday

തെലുങ്ക് സീരിയൽ നടി ശ്രാവണി കൊണ്ടാപള്ളി ആത്മഹത്യ ചെയ്ത നിലയിൽ; നടിയെ തൂങ്ങി മരിച്ച നിലയിൽ കണ്ടെത്തിയത് ഹൈദരാബാദിലെ മധുരനഗറിലെ വസതിയിൽ; ദേവരാജ് റെഡ്ഡി എന്നയാൾക്കെതിരേ കേസ്; മാനസികമായ പീഡിപ്പിച്ചു ആത്മഹത്യയിലേക്ക് തള്ളിവിട്ടെന്ന് മാതാപിതാക്കൾ

തെലുങ്ക് സീരിയൽ നടി ശ്രാവണി കൊണ്ടാപള്ളി ആത്മഹത്യ ചെയ്ത നിലയിൽ; നടിയെ തൂങ്ങി മരിച്ച നിലയിൽ കണ്ടെത്തിയത് ഹൈദരാബാദിലെ മധുരനഗറിലെ വസതിയിൽ; ദേവരാജ് റെഡ്ഡി എന്നയാൾക്കെതിരേ കേസ്; മാനസികമായ പീഡിപ്പിച്ചു ആത്മഹത്യയിലേക്ക് തള്ളിവിട്ടെന്ന് മാതാപിതാക്കൾ

മറുനാടൻ ഡെസ്‌ക്‌

ഹൈദരാബാദ്: മൗനരാഗം, മനസു മംമത തുടങ്ങിയ സീരിയിലൂകളിലൂടെ തെലുങ്ക് കുടുംബങ്ങളിൽ താരമായി മാറിയ നടി ശ്രാവണി കൊണ്ടാപള്ളി ആത്മഹത്യ ചെയ്ത നിലയിൽ. ചൊവ്വാഴ്ച രാത്രിയിൽ നടിയെ ഹൈദരാബാദിലെ മധുരനഗറിലെ വസതിയിൽ തൂങ്ങി മരിച്ച നിലയിൽ കണ്ടെത്തി.

സംഭവത്തിൽ ദേവരാജ് റെഡ്ഡി എന്നയാളെ പൊലീസ് അറസ്റ്റ് ചെയ്തിട്ടുണ്ട്. കാകിനാഡ ഗോല്ലപ്രോലു സ്വദേശിയായ ഇയാളുമായി താരം അടുപ്പത്തിലായിരുന്നു എന്ന് വിവരമുണ്ട്. ടിക് ടോക്കിലൂടെയാണ് ഇരുവരും പരിചയപ്പെട്ടത്. പിന്നീട് ഇയാൾ നടിയെ മാനസികമായ പീഡിപ്പിച്ചുവെന്നും ഇത് ആത്മഹത്യയിലേക്ക് നയിച്ചുവെന്നുമാണ് മാതാപിതാക്കൾ പറയുന്നത്.

അനാഥനെന്ന് പറഞ്ഞ് പരിചയപ്പെട്ട ഇയാൾ പിന്നീട് നടിയുമായി അടുക്കുകയായിരുന്നു. പണത്തിന് വേണ്ടി നടിയെ ഇയാൾ ദുരുപയോഗം ചെയ്തു. ഇരുവരും ചേർന്നുള്ള ചില വീഡിയോകൾ ഇയാളുടെ പക്കൽ ഉണ്ടായിരുന്നു അതു വെച്ച് ഇയാൾ നടിയെ നിരന്തരം ഭീഷണിപ്പെടുത്തിയിരുന്നു എന്നാണ് സഹോദരന്റെ ആരോപണം. എസ്ആർ നഗർ പൊലീസ് സ്റ്റേഷനിൽ ദേവരാജിനെതിരേ മാതാപിതാക്കൾ പരാതി നൽകിയിട്ടുണ്ട്.

ഇയാൾക്കെതിരേ പൊലീസ് കേസെടുക്കുകയും ചെയ്തിട്ടുണ്ട്. കഴിഞ്ഞ എട്ടു വർഷമായി സീരിയൽ രംഗത്ത് നിറഞ്ഞു നിന്നിരുന്ന ശ്രാവണിക്ക് അനുശോചനം രേഖപ്പെടുത്തി അനേകരാണ് സാമൂഹ്യ മാധ്യമങ്ങളിൽ എത്തിയിട്ടുള്ളത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP