Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

നികുതി കുറച്ചാൽ വരുമാനം എങ്ങനെ കിട്ടും? പെട്രോളിയം ഉൽപന്നങ്ങളുടെ നികുതി കുറയ്ക്കില്ല; ഇന്ധന വില വൈകാതെ കുറയുമെന്നാണ് പ്രതീക്ഷ; പെട്രോളിയം ഉൽപന്നങ്ങൾ ജിഎസ്ടിക്ക് കീഴിലാക്കണമെന്നും ധർമേന്ദ്ര പ്രധാൻ

നികുതി കുറച്ചാൽ വരുമാനം എങ്ങനെ കിട്ടും? പെട്രോളിയം ഉൽപന്നങ്ങളുടെ നികുതി കുറയ്ക്കില്ല; ഇന്ധന വില വൈകാതെ കുറയുമെന്നാണ് പ്രതീക്ഷ; പെട്രോളിയം ഉൽപന്നങ്ങൾ ജിഎസ്ടിക്ക് കീഴിലാക്കണമെന്നും ധർമേന്ദ്ര പ്രധാൻ

മറുനാടൻ മലയാളി ബ്യൂറോ

ന്യൂഡൽഹി: രാജ്യത്ത് ഇന്ധന വില കുറയുമെന്ന് പെട്രോളിയം മന്ത്രി ധർമ്മേന്ദ്ര പ്രധാൻ. യു.എസിലെ ചുഴലിക്കാറ്റ് കാരണമാണ് ഇന്ധനവില കൂടിയത്. അന്താരാഷ്ട്ര വിപണിയിൽ വില കുറയുന്നത് അനുസരിച്ച് ഇന്ത്യയിലും ഏതാനും ദിവസങ്ങൾക്കകം വില കുറയും. കഴിഞ്ഞ മൂന്ന് ദിവസത്തിനിടെ വില കുറഞ്ഞു തുടങ്ങിയിട്ടുണ്ടെന്നും മന്ത്രി മാധ്യമങ്ങളോട് പറഞ്ഞു. അതേസമയം പെട്രോളിയം ഉൽപ്പന്നങ്ങളുടെ നികുതി കുറയ്ക്കുമോ എന്ന ചോദ്യത്തിന്, നികുതി കുറയ്ക്കില്ലെന്ന് മന്ത്രി വ്യക്തമാക്കി.

അടിസ്ഥാന സൗകര്യ വികസനത്തിനും മറ്റ് വികസന പ്രവർത്തനങ്ങൾക്കും പണം ആവശ്യമാണ്. അതിനാൽ പെട്രോളിയം ഉൽപ്പന്നങ്ങളുടെ നികുതി കുറയ്ക്കില്ല. നല്ല റോഡും ശുദ്ധജലവും ലഭ്യമാക്കാനും കുട്ടികൾക്ക് മികച്ച വിദ്യാഭ്യാസം ലഭ്യമാക്കാനും പണം ആവശ്യമാണെന്നും മന്ത്രി പറഞ്ഞു. ജനാധിപത്യ സംവിധാനത്തിൽ നികുതിയിലൂടെ പിരിക്കുന്ന പണമാണ് വികസന പ്രവർത്തനങ്ങൾക്ക് ഉപയോഗിക്കുന്നത്. സർക്കാരിന്റെ വരുമാനം നികുതിയിലൂടെയാണ് വരുന്നതെന്ന് എല്ലാവർക്കും അറിയാവുന്ന കാര്യമാണെന്നും മന്ത്രി കൂട്ടിച്ചേർത്തു.

പെട്രോളിയം ഉൽപ്പന്നങ്ങൾ ജി.എസ്.ടിക്ക് കീഴിൽ കൊണ്ടുവരണമെന്ന തന്റെ മുൻ നിലപാടും മന്ത്രി ആവർത്തിച്ചു. സംസ്ഥാനങ്ങളുമായുള്ള സമവായത്തിലൂടെയാണ് ജി.എസ്.ടി നടപ്പിലാക്കിയത്. പെട്രോളിയം ഉൽപ്പന്നങ്ങളും വൈകാതെ ജി.എസ്.ടിക്ക് കീഴിലാകുമെന്ന് പ്രതീക്ഷിക്കുന്നതായും മന്ത്രി പറഞ്ഞു.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP