Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202118Tuesday

നടൻ സോനു സൂദിന് കോവിഡ്; 'സൂപ്പർ പോസിറ്റീവ്' എന്ന് താരം; രോഗം സ്ഥിരീകരിക്കുന്നതിന് മുൻപേ താരം ക്വറന്റൈനിൽ

നടൻ സോനു സൂദിന് കോവിഡ്; 'സൂപ്പർ പോസിറ്റീവ്' എന്ന് താരം; രോഗം സ്ഥിരീകരിക്കുന്നതിന് മുൻപേ താരം ക്വറന്റൈനിൽ

സ്വന്തം ലേഖകൻ

ന്യൂഡൽഹി: നടൻ സോനു സൂദിന് കോവിഡ് സ്ഥിരീകരിച്ചു. പരിശോധനാ ഫലം പോസിറ്റീവ് ആയ കാര്യം നടൻ തന്നെയാണ് സാമൂഹിക മാധ്യമങ്ങളിലൂടെ ആരാധകരെ അറിയിച്ചത്. ഇന്ന് രാവിലെയാണ് അദ്ദേഹത്തിന് കോവിഡ് സ്ഥിരീകരിച്ചത്. രോഗം സ്ഥിരീകരിക്കുന്നതിന് മുൻപേ തന്നെ അദ്ദേഹം ക്വറന്റൈനിലായിരുന്നു.

'കൊറോണ വൈറസ് ബാധിച്ചെങ്കിലും തന്റെ മാനസികാവസ്ഥയും ആത്മവിശ്വാസവും 'സൂപ്പർ പോസിറ്റീവ്' ആണെന്നാണ് ഇൻസ്റ്റയിലൂടെ അദ്ദേഹം അറിയിച്ചത്. വിഷമിക്കേണ്ട. ഇത് നിങ്ങളുടെ പ്രശ്‌നങ്ങൾ പരിഹരിക്കാനുള്ള സമയം കൂടിയാണ്. ഓർക്കുക നിങ്ങൾക്കു വേണ്ടി ഞാനെപ്പോഴും ഉണ്ടാകും'- എന്ന് അദ്ദേഹം കുറിച്ചു.

ലോക്ഡൗൺ സമയത്ത് ഇതരസംസ്ഥാന തൊഴിലാളികൾക്ക് വേണ്ടി സഹായമെത്തിച്ച് കൈയടി നേടിയ താരമാണ് സോനു. ലോക്ക്ഡൗൺ സമയത്ത് പാവപ്പെട്ടവരെയും ഇതരസംസ്ഥാന തൊഴിലാളികളെയും സഹായിക്കുന്നതിനായി മുംബൈയിലുള്ള തന്റെ കടകളും ഫ്‌ളാറ്റുകളും വിറ്റ് 10 കോടി രൂപയാണ് അദ്ദേഹം സമാഹരിച്ചത്.

നിലവിൽ പഞ്ചാബ് സർക്കാരിന്റെ കോവിഡ് വാക്‌സിനേഷൻ ക്യാംപയ്നിന്റെ ബ്രാൻഡ് അംബാസിഡർ കൂടിയാണ് താരം. സോനുവിന് വേഗം സുഖം പ്രാപിക്കട്ടെ എന്ന് ആരാധകരും, സുഹൃത്തുക്കളും സോഷ്യൽ മീഡിയ വഴി ആശംസിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP