Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202120Monday

കർണാടകയിൽ 13കാരിയെ ബലാത്സംഗം ചെയ്തുകൊന്നു; ശരീരം നിറയെ മുറിവുകൾ; പൊലീസ് അന്വേഷണം തുടങ്ങി

കർണാടകയിൽ 13കാരിയെ ബലാത്സംഗം ചെയ്തുകൊന്നു; ശരീരം നിറയെ മുറിവുകൾ; പൊലീസ് അന്വേഷണം തുടങ്ങി

മറുനാടൻ ഡെസ്‌ക്‌

ബംഗളൂരു: കർണാടകയിൽ 13കാരിയെ ബലാത്സംഗം ചെയ്തുകൊലപ്പെടുത്തി. ചിത്രദുർഗയിലാണ് ദാരുണ സംഭവം. ഇസ്സാമുദ്ര ഗ്രാമത്തിലെ എട്ടാം ക്ലാസ് വിദ്യാർത്ഥിനിയാണ് ക്രൂരതയ്ക്ക് ഇരയായി കൊല്ലപ്പെട്ടത്. വീടിന് സമീപത്തെ ചോളപ്പാടത്ത് നിന്നാണ് പെൺകുട്ടിയുടെ മൃതദേഹം കണ്ടെത്തിയത്.

ഇളയ സഹോദരിയുമായി മാതാപിതാക്കൾ ആശുപത്രിയിൽ പോയതിനാൽ 13 വയസുകാരി മാത്രമാണ് വീട്ടിലുണ്ടായിരുന്നത്. അതിനിടെ, പ്രാഥമിക കൃത്യങ്ങൾ നിർവഹിക്കാനായി കുട്ടി സമീപത്തെ ചോളപ്പാടത്തേക്ക് പോവുകയായിരുന്നു.

പിന്നീട് മാതാപിതാക്കൾ വീട്ടിൽ തിരിച്ചെത്തിയിട്ടും പെൺകുട്ടിയെ കണ്ടില്ല. അയൽക്കാരോട് അന്വേഷിച്ചപ്പോഴാണ് കുട്ടി പാടത്തേക്ക് പോയെന്ന വിവരം ലഭിച്ചത്. തുടർന്ന് തിരച്ചിൽ നടത്തിയപ്പോൾ പെൺകുട്ടിയെ മരിച്ച നിലയിൽ പാടത്ത് കണ്ടെത്തുകയായിരുന്നു.

ശരീരമാസകലം പരിക്കേറ്റ നിലയിലായിരുന്നു മൃതദേഹം. മുഖത്തും കഴുത്തിലും മാരകമായ മുറിവുകളുണ്ട്. സംഭവത്തിൽ പോക്‌സോ നിയമപ്രകാരമടക്കം കേസെടുത്ത് അന്വേഷണം ആരംഭിച്ചതായി പൊലീസ് വ്യക്തമാക്കി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP