Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

'ഇന്ത്യ കത്തുമ്പോൾ മോദി വീണ വായിക്കുന്നു'; ലേസർ ഷോ ആസ്വദിക്കുന്ന പ്രധാനമന്ത്രിയെ വിമർശിച്ച് പ്രശാന്ത് ഭൂഷൺ

'ഇന്ത്യ കത്തുമ്പോൾ മോദി വീണ വായിക്കുന്നു'; ലേസർ ഷോ ആസ്വദിക്കുന്ന പ്രധാനമന്ത്രിയെ വിമർശിച്ച് പ്രശാന്ത് ഭൂഷൺ

മറുനാടൻ ഡെസ്‌ക്‌

ന്യൂഡൽഹി: കർഷക സമരത്തെ അവഗണിക്കുന്ന പ്രധാനമന്ത്രി നരേന്ദ്ര മോദിയെ വിമർശിച്ചു അഭിഭാഷകൻ പ്രശാന്ത് ഭൂഷൺ. റോമ സാമ്രാജ്യം കത്തിയെരിയുമ്പോൾ നീറോ ചക്രവർത്തി വീണ വായിക്കുന്നതുപോലെയാണ് പ്രധാനമന്ത്രി നരേന്ദ്ര മോദിയെന്ന് മുതിർന്ന അഭിഭാഷകൻ പ്രശാന്ത് ഭൂഷൺ. വാരാണസിലെ ദേവ് ദീപാവലി ആഘോഷത്തിനിടെ താളം പിടിച്ചുനിൽക്കുന്ന മോദിയുടെ ചെറു വിഡിയോ പങ്കുവച്ചാണ് പ്രശാന്ത് ഭൂഷന്റെ വിമർശനം.

'തക് ദിൻ എ തക് ദിൻ! ബൈ ബൈ ലൈറ്റ്‌സ്... ഇന്ത്യ കത്തുമ്പോൾ മോദി വീണവായിക്കുന്നു' -പ്രശാന്ത് ഭൂഷൺ ട്വീറ്റ് ചെയ്തു. രാജ്യത്ത് കാർഷക പ്രക്ഷോഭം കത്തിനിൽക്കുമ്പോഴാണ് മോദിയുടെ വാരാണസി സന്ദർശനം. മോദി ട്വിറ്ററിൽ പങ്കുവെച്ച വിഡിയോയിൽ വിമർശനവും ട്രോളുകളും നിറഞ്ഞിരുന്നു.

വാരാണസിയിലെ സന്ദർശനത്തിനിടെ കാശിയിലെ ദേവ് ദീപാവലി ആസ്വദിക്കുന്നതാണ് വിഡിയോ. ചടങ്ങിനിടെ സംഘടിപ്പിച്ച ലേസർ ഷോയും ശിവ താണ്ഡവ സ്തുതിയും ആസ്വദിച്ച് മോദി നിൽക്കുന്ന വിഡിയോ പ്രധാനമന്ത്രിയുടെ ട്വിറ്റർ അക്കൗണ്ടിൽ തന്നെയാണ് ആദ്യം പോസ്റ്റ് ചെയ്തത്. ലേസർ ഷോക്കും പാട്ടിനും അനുസരിച്ച് മോദി വിരലുകൾ ചലിപ്പിക്കുന്നതും തോണിയിൽ പോകുന്നവരെ കൈ ഉയർത്തികാണിക്കുന്നതും വിഡിയോയിൽ കാണാം.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP