Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202119Monday

നരേന്ദ്ര മോദിയുടെ മണ്ഡലമായ വാരാണസിയിൽ എബിവിപിക്ക് വൻ തിരിച്ചടി; മഹാത്​മാഗാന്ധി കാശി വിദ്യാപീഠ്​ യൂണിവേഴ്​സിറ്റി സ്​റ്റുഡൻറ്​സ്​ യൂണിയൻ തെരഞ്ഞെടുപ്പിൽ എല്ലാ സീറ്റിലും തോറ്റു; നേട്ടം കൊയ്ത് എൻ.എസ്.യു(ഐ)

നരേന്ദ്ര മോദിയുടെ മണ്ഡലമായ വാരാണസിയിൽ എബിവിപിക്ക് വൻ തിരിച്ചടി; മഹാത്​മാഗാന്ധി കാശി വിദ്യാപീഠ്​ യൂണിവേഴ്​സിറ്റി സ്​റ്റുഡൻറ്​സ്​ യൂണിയൻ തെരഞ്ഞെടുപ്പിൽ എല്ലാ സീറ്റിലും തോറ്റു; നേട്ടം കൊയ്ത് എൻ.എസ്.യു(ഐ)

മറുനാടൻ മലയാളി ബ്യൂറോ

വാരാണസി: നരേന്ദ്ര മോദിയുടെ മണ്ഡലമായ വാരാണസിയിൽ എബിവിപിക്ക് വൻ തിരിച്ചടി. അതേസമയം, കോൺ​ഗ്രസ് വിദ്യാർത്ഥി സംഘടനക്ക് തകർപ്പൻ വിജയവും നേടാനായി. മഹാത്​മാഗാന്ധി കാശി വിദ്യാപീഠ്​ യൂണിവേഴ്​സിറ്റിയിൽ സ്​റ്റുഡൻറ്​സ്​ യൂണിയൻ തെരഞ്ഞെടുപ്പിൽ എൻ.എസ്​.യു (ഐ) മികച്ച വിജയം കരസ്ഥമാക്കി. വൈസ്​ പ്രസിഡൻറ്​, ജനറൽ സെക്രട്ടറി പോസ്റ്റുകളിലേക്ക്​ എ.ബി.വി.പി സ്​ഥാനാർഥികളെ തോൽപ്പിച്ചാണ് എൻഎസ് യു സ്ഥാനാർത്ഥികൾ വിജയിച്ചത്.

വൈസ്​ പ്രസിഡൻറ്​ സ്​ഥാനത്തേക്ക്​ സന്ദീപ്​ പാൽ വിജയിച്ചപ്പോൾ ജനറൽ സെക്രട്ടറി പോസ്റ്റിൽ പ്രഫുല്ല പാണ്ഡേയാണ്​ തെരഞ്ഞെടുക്കപ്പെട്ടത്​. പ്രസിഡൻറ്​ സ്​ഥാനത്തേക്ക്​ സമാജ്​വാദി പാർട്ടിയുടെ വിദ്യാർത്ഥി വിഭാഗമായ സമാജ്​വാദി ഛത്ര സഭ സ്​ഥാനാർഥിയായ വിമലേഷ്​ യാദവ്​ ആണ്​ വിജയിച്ചത്​. ഒരു പോസ്റ്റിലും എ.ബി.വി.പിക്ക്​ ജയം നേടാൻ കഴിഞ്ഞില്ലെന്നതാണ്​ തെരഞ്ഞെടുപ്പിലെ സവിശേഷത.

2017ലും കാശി വിദ്യാപീഠ്​ യൂനിവേഴ്​സിറ്റിയിൽ എ.ബി.വി.പിക്കുമേൽ എൻ.എസ്​.യു ജയം നേടിയിരുന്നു. മോദി പ്രതിനിധാനം ചെയ്യുന്ന വാരാണസി പാർലമെൻറ്​ മണ്ഡലത്തിൽ ബിജെപിയുടെ വിദ്യാർത്ഥി സംഘത്തിനേറ്റ തിരിച്ചടി സമൂഹ മാധ്യമങ്ങളിലടക്കം ചർച്ചയാണ്​. ഉത്തർപ്രദേശിലെ യുവജനങ്ങൾക്കിടയിൽ മാറിവരുന്ന മനോഭാവത്തിന്റെ സൂചനയാണ്​ എൻ.എസ്​.യു വിജയമെന്ന്​ കോൺഗ്രസ്​ നേതാക്കൾ പറയുന്നു. 2022ലെ നിയമസഭ തെരഞ്ഞെടുപ്പിൽ ഈ മാറ്റം പ്രതിഫലിക്കുമെന്നാണ്​ അവരുടെ അവകാശവാദം.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP