Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202125Sunday

ബാങ്ക് തട്ടിപ്പ് കേസ്: നീരവ് മോദിക്ക് വീണ്ടും തിരിച്ചടി; ഇന്ത്യയ്ക്ക് കൈമാറാനുള്ള നീക്കത്തിനെതിരായ ഹർജിക്കുള്ള അപേക്ഷ തള്ളി യു കെ കോടതി

ബാങ്ക് തട്ടിപ്പ് കേസ്: നീരവ് മോദിക്ക് വീണ്ടും തിരിച്ചടി; ഇന്ത്യയ്ക്ക് കൈമാറാനുള്ള നീക്കത്തിനെതിരായ ഹർജിക്കുള്ള അപേക്ഷ തള്ളി യു കെ കോടതി

ന്യൂസ് ഡെസ്‌ക്‌

ലണ്ടൻ: ഇന്ത്യയ്ക്ക് കൈമാറാനുള്ള നീക്കത്തിനെതിരെ പി.എൻ.ബി തട്ടിപ്പുകേസിലെ പ്രതി നീരവ് മോദി അപ്പീൽ നൽകുന്നതിനായി സമർപ്പിച്ച അപേക്ഷ തള്ളി യു.കെയിലെ ഹൈക്കോടതി. ലണ്ടൻ ഹൈക്കോടതിയിൽ കഴിഞ്ഞ മാസമാണ് നീരവ് അപേക്ഷ നൽകിയത്. ഹൈക്കോടതി അത് നിരസിച്ചുവെന്ന് പിടിഐ വാർത്താ ഏജൻസി റിപ്പോർട്ടു ചെയ്തു. ജാമ്യംതേടി നിരവധി തവണ അപേക്ഷ സമർപ്പിച്ചുവെങ്കിലും അവയെല്ലാം വെസ്റ്റ് മിൻസ്റ്റർ മജിസ്ട്രേട്ട് കോടതിയും ലണ്ടൻ ഹൈക്കോടതിയും നേരത്തെ തള്ളിയിരുന്നു.

ഇനി അഞ്ച് ദിവസത്തിനകം നീരവിന് വീണ്ടും അപേക്ഷ നൽകാം. പുതിയ അപേക്ഷയും ഹൈക്കോടതി ജഡ്ജിയുടെ പരിഗണനയ്ക്ക് വരും. നീരവ് മോദി വീണ്ടും അപേക്ഷ നൽകുമെന്ന് പിടിഐ വാർത്താ ഏജൻസിയുടെ റിപ്പോർട്ടിൽ പറയുന്നു.

50 വയസുള്ള വിവാദ വജ്രവ്യാപാരിയെ ഇന്ത്യയ്ക്ക് കൈമാറാൻ കഴിഞ്ഞ ഏപ്രിൽ 15 ന് യു.കെ ആഭ്യന്തര സെക്രട്ടറി പ്രീതി പട്ടേൽ ഉത്തരവിട്ടിരുന്നു. 2019 മാർച്ച് 19ന് ലണ്ടനിൽനിന്ന് അറസ്റ്റിലായതിന് ശേഷം അവിടുത്തെ വാൻഡ്സ്വർത്ത് ജയിലിൽ പാർപ്പിച്ചിരിക്കുകയാണ് നീരവിനെ.

14,000 കോടിയുടെ പഞ്ചാബ് നാഷണൽ ബാങ്ക് (പി.എൻ.ബി) തട്ടിപ്പുകേസിലെ പ്രതിയായ നീരവ് മോദി 2018 ജനുവരി ഒന്നിനാണ് ഇന്ത്യയിൽനിന്ന് കടന്നത്. നീരവിനെതിരെ വിചാരണ കോടതി ജാമ്യമില്ലാ അറസ്റ്റ് വാറണ്ട് പുറപ്പെടുവിച്ചിട്ടുണ്ട്. 2018 ന് ജൂണിൽ ഇന്റർപോൾ റെഡ് കോർണർ നോട്ടീസും പുറപ്പെടുവിച്ചിരുന്നു. യു.കെ പൊലീസാണ് പിന്നീട് നീരവിനെ അറസ്റ്റു ചെയ്തത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP