Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202416Tuesday

ലോക്സഭാ തിരഞ്ഞെടുപ്പിൽ ഗുലാം നബി ആസാദ് മത്സരിക്കും; ജനവിധി തേടുക അനന്തനാഗ്-രജൗരി മണ്ഡലത്തിൽനിന്നും

ലോക്സഭാ തിരഞ്ഞെടുപ്പിൽ ഗുലാം നബി ആസാദ് മത്സരിക്കും; ജനവിധി തേടുക അനന്തനാഗ്-രജൗരി മണ്ഡലത്തിൽനിന്നും

മറുനാടൻ ഡെസ്‌ക്‌

ശ്രീനഗർ: ലോക്‌സഭാ തിരഞ്ഞെടുപ്പിൽ മുൻ കോൺഗ്രസ് നേതാവും മുൻകേന്ദ്രമന്ത്രിയുമായ ഗുലാം നബി ആസാദ് മത്സരിക്കും. കശ്മീരിലെ അനന്തനാഗ്-രജൗരി മണ്ഡലത്തിൽനിന്നാണ് ജനവിധി തേടുക. ആസാദിന്റെ പാർട്ടിയായ ഡെമോക്രാറ്റിക് പ്രോഗ്രസീവ് ആസാദ് പാർട്ടി(ഡി.പി.എ.പി) യാണ് വിഷയത്തിൽ ഔദ്യോഗിക പ്രഖ്യാപനം നടത്തിയത്.

ഡി.പി.എ.പി ചെയർമാൻ ഗുലാം നബി ആസാദ് അനന്തനാഗ്-രജൗരി ലോക്‌സഭാ സീറ്റിൽനിന്ന് മത്സരിക്കും. ഇന്ന് ചേർന്ന ഡി.പി.എ.പി വർക്കിങ് കമ്മിറ്റി മീറ്റിങ്ങിലാണ് തീരുമാനമെടുത്തത്.- പാർട്ടിയുടെ മുഖ്യവക്താവ് സൽമാൻ നിസാമി എക്‌സിൽ കുറിച്ചു. കോൺഗ്രസ് വിട്ട് 2022-ലാണ് ഗുലാം നബി ആസാദ് ഡി.പി.എ.പി രൂപവത്കരിച്ചത്.

2014-ലോക്‌സഭാ തിരഞ്ഞെടുപ്പിൽ ഉദംപുർ മണ്ഡലത്തിൽനിന്ന് കോൺഗ്രസ് ടിക്കറ്റിൽ മത്സരിച്ചെങ്കിലും ആസാദ് പരാജയപ്പെട്ടിരുന്നു. ഇക്കുറി ഇന്ത്യ മുന്നണിയുടെ ഭാഗമായ ജമ്മു ആൻഡ് കശ്മീർ നാഷണൽ കോൺഫറൻസ് പാർട്ടി നേതാവ് മിയാൻ അൽത്താപ് അഹമ്മദ് അനന്തനാഗ്-രജൗരി മണ്ഡലത്തിൽനിന്ന് മത്സരിക്കുന്നുണ്ട്. നാഷണൽ കോൺഫറൻസ് പാർട്ടിയുടെ ഹസ്‌നൈൻ മസൂദിയാണ് നിലവിൽ മണ്ഡലത്തിലെ എംപി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP