Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202204Sunday

ട്രെയിൻ യാത്രക്കാരിയെ ഉപദ്രവിച്ചു; മധ്യപ്രദേശിലെ രണ്ട് കോൺഗ്രസ് എംഎ‍ൽഎമാർക്കെതിരെ കേസ്

ട്രെയിൻ യാത്രക്കാരിയെ ഉപദ്രവിച്ചു; മധ്യപ്രദേശിലെ രണ്ട് കോൺഗ്രസ് എംഎ‍ൽഎമാർക്കെതിരെ കേസ്

ന്യൂസ് ഡെസ്‌ക്‌

ഭോപ്പാൽ: ട്രെയിൻ യാത്രക്കാരിയെ ഉപദ്രവിച്ചതിന് മധ്യപ്രദേശിലെ രണ്ടു കോൺഗ്രസ് എംഎ‍ൽഎമാർക്കെതിരെ കേസെടുത്തു. സിദ്ധാർഥ് കുഷ്വഹ, സുനിൽ ഷറഫ് എന്നിവർക്കെതിരെയാണ് കേസ്.

മദ്യപിച്ച് ട്രെയിനിൽ യാത്ര ചെയ്ത ഇവർ അസഭ്യം പറഞ്ഞെന്നും ഉപദ്രവിച്ചെന്നും യാത്രക്കാരി ആരോപിച്ചു. ട്രൈനിൽ കിടക്കുകയായിരുന്ന യുവതിയെ രണ്ട് എംഎ‍ൽഎമാരും ചേർന്ന് ഭക്ഷണം കഴിക്കാൻ നിർബന്ധിച്ചെന്നും കഴിക്കാത്തതിന് കയ്യിൽ കയറി പിടിച്ചെന്നും പരാതിയിൽ പറഞ്ഞു.

തുടർന്ന് ഹബീബ്ഗഞ്ചിൽ ഇറങ്ങിയ യുവതി പൊലീസിന് പരാതി നൽകുകയായിരുന്നു. കൈക്കുഞ്ഞുമായി യാത്ര ചെയ്യുകയായിരുന്നു യുവതിയെന്ന് അഡിഷണൽ എസ്‌പി പ്രതിമ പട്ടേൽ അറിയിച്ചു.

അതേസമയം യുവതിയുടെ ആരോപണങ്ങൾ അടിസ്ഥാനരഹിതമാണെന്നും തങ്ങൾക്കെതിരായ ഗൂഢാലോചനയാണ് ഇതെന്നും എം.എൽ.മാർ പ്രതികരിച്ചു. കൈക്കുഞ്ഞുള്ളതുകൊണ്ട് യുവതിയുടെ സൗകര്യത്തിന് സീറ്റ് മാറിക്കൊടുത്തതല്ലാതെ മറ്റൊന്നും ചെയ്തിട്ടില്ലെന്ന് സിദ്ധാർഥ് കുഷ്വഹ എംഎ‍ൽഎ പറഞ്ഞു. ഞങ്ങൾ ജനപ്രതിനിധികളാണെന്നും ഇത്തരം പ്രവർത്തികളിൽ ഏർപ്പെടുന്നതിനെക്കുറിച്ച് ചിന്തിക്കാൻ പോലും കഴിയില്ലെന്നും എംഎ‍ൽഎ കൂട്ടിച്ചേർത്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP