Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ഡൽഹിയിൽ കോവിഡ് കേസുകളിൽ വർധന; ജാഗ്രത നിർദ്ദേശം

ഡൽഹിയിൽ കോവിഡ് കേസുകളിൽ വർധന; ജാഗ്രത നിർദ്ദേശം

ന്യൂസ് ഡെസ്‌ക്‌

ന്യൂഡൽഹി: ഡൽഹിയിൽ കോവിഡ് ബാധിതരുടേയും രോഗം ബാധിച്ച് ആശുപത്രിയിൽ പ്രവശിപ്പിക്കുന്നവരുടേയും എണ്ണം വർധിക്കുന്നു. രോഗവ്യാപനം ഏറുന്ന പശ്ചാത്തലത്തിൽ മാസ്‌ക് ധരിക്കാനും കോവിഡിനെതിരെയുള്ള മുൻകരുതലുകൾ കൃത്യമായി പാലിക്കാനും പൊതുജനങ്ങളോട് അധികൃതരുടെ കർശനനിർദ്ദേശം. സംസ്ഥാനത്ത് കോവിഡ് കേസുകൾ വർധിക്കുന്നതായും പോസിറ്റീവിറ്റി നിരക്ക് ഉയർന്ന തോതിൽ തുടരുന്നതായും ഡൽഹി ലഫ്റ്റനന്റ് ഗവർണർ വിനയ് കുമാർ സക്‌സേന ട്വീറ്റ് ചെയ്തു.

ആവർത്തിച്ച് രോഗം ബാധിക്കുന്നവരുടെ എണ്ണം കൂടുന്നുണ്ട്. രോഗവ്യാപനത്തിന് അന്ത്യമായിട്ടില്ലെന്ന വസ്തുത എല്ലാവരും തിരിച്ചറിയണമെന്നും കോവിഡിനെതിരെ കൃത്യമായ പ്രതിരോധ മാർഗങ്ങൾ സ്വീകരിക്കണമെന്നും ജാഗ്രത പാലിക്കണമെന്നും അദ്ദേഹം ആവശ്യപ്പെട്ടു.

രോഗമുക്തി നിരക്ക് കൂടുതലാണെങ്കിലും കേസുകൾ വർധിക്കുകയാണെന്ന് ആരോഗ്യവിദഗ്ധയും ലാൻസെറ്റ് കമ്മിഷൻ അംഗവുമായ ഡോക്ടർ സുനീല ഗാർഗ് പറഞ്ഞു. സംസ്ഥാനത്ത് ആശുപത്രികളിൽ 500 ലധികം രോഗികൾ ഇപ്പോൾ തന്നെയുണ്ടെന്നും തീവ്രപരിചരണവിഭാഗത്തിൽ 20 ലധികം പേർ പ്രവേശിപ്പിക്കപ്പെട്ടതായും അവർ കൂട്ടിച്ചേർത്തു. തീവ്രപരിചരണവിഭാഗത്തിൽ 2,129 കിടക്കകളാണ് സംസ്ഥാനത്തുള്ളത്. പരിഭ്രമിക്കേണ്ട കാര്യമില്ലെന്നും ജാഗരൂകരായിക്കേണ്ട സന്ദർഭമാണിതെന്നും അവർ പറഞ്ഞു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP