Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

മലവെള്ളപ്പാച്ചിലിൽ 14 കാറുകൾ ഒലിച്ചുപോയി; അമ്പതോളം വിനോദസഞ്ചാരികൾ രക്ഷപ്പെട്ടത് തലനാരിഴയ്ക്ക്

മലവെള്ളപ്പാച്ചിലിൽ 14 കാറുകൾ ഒലിച്ചുപോയി; അമ്പതോളം വിനോദസഞ്ചാരികൾ രക്ഷപ്പെട്ടത് തലനാരിഴയ്ക്ക്

ന്യൂസ് ഡെസ്‌ക്‌

ഭോപ്പാൽ: മധ്യപ്രദേശിൽ കനത്തമഴയിൽ പുഴയിൽ ജലനിരപ്പ് ഉയർന്നതിനെ തുടർന്ന് തീരത്ത് നിർത്തിയിട്ടിരുന്ന കാറുകൾ ഒലിച്ചുപോയി. മലവെള്ളപ്പാച്ചിലിൽ കരകവിഞ്ഞ് ഒഴുകുന്നത് കണ്ട് വനത്തിനോട് ചേർന്നുള്ള ഉയർന്നപ്രദേശത്തേയ്ക്ക് ഓടി മാറിയതുകൊണ്ടാണ് അമ്പതോളം വിനോദസഞ്ചാരികൾ തലനാരിഴയ്ക്ക് രക്ഷപ്പെട്ടത്.

ഞായറാഴ്ചയാണ് സംഭവം. ഖാർഗോൺ ജില്ലയിൽ സുഖ്ദി നദിയിലാണ് കനത്തമഴയെ തുടർന്ന് പെട്ടെന്ന് തന്നെ മലവെള്ളപ്പാച്ചിൽ ഉണ്ടായത്. ഇൻഡോറിൽ നിന്ന് വിനോദസഞ്ചാരത്തിന് എത്തിയ സ്ത്രീകളും കുട്ടികളും അടങ്ങുന്ന സംഘമാണ് കുടുങ്ങിപ്പോയത്. ഇവർ സഞ്ചരിച്ചിരുന്ന 14 കാറുകളാണ് പൊടുന്നനെ ജലനിരപ്പ് ഉയർന്നതിനെ തുടർന്ന് പുഴയിൽ ഒലിച്ചുപോയത്.

പുഴ കരകവിഞ്ഞ് ഒഴുകുന്നത് കണ്ട് വിനോദസഞ്ചാരികൾ ഉയർന്ന പ്രദേശത്തേയ്ക്ക് ഓടി മാറിയതുകൊണ്ടാണ് വൻദുരന്തം ഒഴിവായത്. ഗത്യന്തരമില്ലാതെയാണ് ഇവർക്ക് കാറുകൾ ഉപേക്ഷിക്കേണ്ടി വന്നത്. വിവരം അറിഞ്ഞ് സ്ഥലത്തെത്തിയ പൊലീസിന്റെയും നാട്ടുകാരുടെയും സഹായത്തോടെ 10 കാറുകൾ വീണ്ടെടുത്തു. എന്നാൽ കാറിൽ വെള്ളം കയറി തകരാർ സംഭവിച്ചതിനെ തുടർന്ന് സ്റ്റാർട്ട് ആക്കാൻ സാധിച്ചില്ല.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP